АсосӣБойгонӣ

Навгонӣ

Бузургдошти Мавлоно Ҷалолиддини Румӣ дар Хуҷанд

30 Сентябр 2016

Дар маҷмааи фарҳангию фароғатии «Боғи Ирам»-и шаҳри Хуҷанд ба ифтихори Рӯзи Мавлоно Ҷалолиддини Балхӣ маҳфили идона таҳти унвони «Бишнав аз най…» бо иштироки адибону шоирон, устодони факултаи филологияи тоҷики ДДХ ба номи академик Б.Ғафуров ва ДДҲБСТ, алоқамандони олами шеъру адаб баргузор гардид.
Онро бо сухани муқаддимавӣ номзади илмҳои филологӣ, дотсенти ДДҲБСТ Саидумрон Саидов ҳусни ифтитоҳ бахшид. Раиси шаҳри Хуҷанд Шарифзода Шариф Файз дар бораи ҳаёт ва эҷодиёти Мавлои Балх, мақому манзалати волои ӯ дар назми классики форсу тоҷик маърӯза кард.
Гули сари сабади маҳфил Шоири халқии Тоҷикистон Фарзона ва шоири ширинбаён Толиби Озарахш минбаъд тавассути қироати шеъру тарона ва зикри андешаҳои фалсафиву бузургӣ, хоксориву ваҳдатгароии шоир маҳфилро ҳусни тоза бахшиданд.

Муфассал... Шарҳ додан

Таҷлили Рӯзи туризм дар Хуҷанд.

28 Сентябр 2016

Шоми рӯзи гузашта дар Маҷмаии таърихиву фарҳангии "Қалъаи Хуҷанд" чорабинии идона бахшида ба Рӯзи умумиҷаҳонии туризм баргузор гардид. Пеш аз оғози чорабинии фарҳангӣ дар яке аз мавзеъҳои маҷмаа Маркази иттилоотии туристӣ ки аз ҷониби Асосиатсияи тараққиети туризми «Зарафшон» бунёд гардидааст расман ифтитоҳ гардид. Дар маросими кушодашавии ин маркази иттилоотӣ муовини Раиси шаҳрии Хуҷанд Умедахон Муродӣ, сардори Раёсати ҷавонон, варзиш ва сайёҳии вилоят Зариф Мирдадо ва мудири Бахши кор бо ҷавонон варзиш ва сайёҳи шаҳри Хуҷанд Бахтиёр Исматҷонов ширкат намуданд.
Фаъолияти маркази иттилоотӣ барои тарғиби ташвиқи ҳунару суннатҳои миллӣ, фурӯши маводи армуғонӣ, тӯҳфаҳои хотиравӣ, пешниҳоди маълумот доири мавзеҳои туристии вилоят ва кишвар инчунин кӯмаки амалию методӣ барои роҳбаладони ширкатҳои турстӣ дастури иттилоотӣ ва методӣ пешбинӣ гаштааст.

Муфассал... Шарҳ додан

Таҷлили Рӯзи шаҳри Хуҷанд.

(2 овоз, миёна 5.00 аз 5)

26 Сентябр 2016

Дар асоси нақшаи чорабинӣ ва бо даъвати Мақомоти иҷроияи ҳокимияти давлатии шаҳри Хуҷанд дастаи Медиапортали «Тироз» бо ҳадафи инъикоси фаврии тантанаҳои таҷлили бошукӯҳи Рӯзи шаҳри Хуҷанд дар идгоҳи асосӣ — Маҷмааи таърихии фарҳангии «Истиқлол» қарор дорад. Ин маҷмааъ чанде қабл бо иштироки Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон ба истифода дода шуда буд ва тӯҳфаи хубу арзандае шуд барои сокинон ва меҳмонони шаҳр дар рӯзҳои таҷлили 25-умин солгарди Истиқлолияти давлатии Ҷумҳурии Тоҷикистон.
Бояд гуфт, ки имсол маротибаи дуюм аст, ки шаҳрвандон ва меҳмонони Хуҷанди бостону ҳамешаҷавон Рӯзи шаҳри Хуҷандро ҷашн мегиранд. Зеро, ҳанӯз 24-уми сентябри соли 2014 Маҷлиси вакилони халқи шаҳр нишони шаҳрро тасдиқ намуда, 25-уми сентябрро ҳамчун Рӯзи шаҳри Хуҷанд эълон намуда буд.

Муфассал... Шарҳ додан

Мулоқоти Раиси шаҳр бо меҳмонони бародаршаҳри Ӯш

26 Сентябр 2016

Бо мақсади иштирок дар чорабиниҳои идона ва таҷлили «Рӯзи шаҳр» ба шаҳри Хуҷанд ҳайати меҳмонони аз Ҷумҳурии Қирғизистон бо роҳбари муовини раиси шаҳри Ӯш Нурбек Кадырбоев меҳмони ба шаҳри Хуҷанд омаданд.
Раиси шаҳри Хуҷанд Шарифзода Шариф Файз қабл аз баргузории чорабинии асосӣ бо ҳайати меҳмонон аз ин ҷумҳурии ҳамсоя,- муовини раиси шаҳри Ӯш Нурбек Кадырбоев, ҷонишини директор оиди рушди шаҳрдори Ӯш Ильяс Абдыраимов ва роҳбари намояндаи вилояти Ӯш ва шаҳри Ӯши Ҷумҳурии Қирғизистон дар вилояти Суғд Аскаралӣ Мирмаҳмедов мулоқоти корӣ анҷом дод.
Раиси шаҳр барои қабули даъват ва ширкат дар ин рӯзи таърихии мардуми Хуҷанд ба меҳмонон изҳори сипосмандӣ намуд.

Муфассал... Шарҳ додан

Ширкати наврасон дар машқи пагоҳӣ

26 Сентябр 2016

Баҳри татбиқи Фармоиши Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон аз 18 сентябри соли 2015, №155-в вобаста ба ҳар рӯзи шанбе эълон шудани рӯзи варзиш, машқҳои пагоҳирӯзи бо ҷалби васеи ҷавонону варзишгарон баргузор гардида истодааст.
Санаи 24 сентябри соли 2016 дар Маҷмааи таърихию фарҳанги “Қаълаи Хуҷанд” машқи пагоҳирӯзц тибқи ҷадвали алоҳидаи бахш баргузор гардиданд. Дар он 80 нафар наврасону ҷавонон иштирок намуданд.