АсосӣБойгонӣ

Навгонӣ

Мулоқот бо доираи соҳибкории Штатҳои Муттаҳидаи Америка

23 Сентябр 2017

Дар доираи иштирок дар чорабиниҳои сатҳи баланди Созмони Милали Муттаҳид дар шаҳри Ню-Йорк Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо истифода аз имкони мусоид бо доираи соҳибкории Штатҳои Муттаҳидаи Америка мулоқот намуданд.
Чорабинӣ бо сухани муқаддимавии раиси Шӯрои соҳибкорони Ҷумҳурии Тоҷикистон ва Штатҳои Муттаҳидаи Америка Филлип Де Леон оғоз гардид.
Сипас дар ҳузури ҷамъомадагон Ноиби Президент - Мудири иҷроияи ширкати “Ҷенерал Электрик”-и Амрико дар Иттиҳоди Давлатҳои Мустақил Роналд Поллетт баромад намуда, ба Сарвари давлат муҳтарам Эмомалӣ Раҳмон барои дарёфти фурсат ва иштирок дар ин чорабинӣ изҳори миннатдорӣ баён доштанд.

Муфассал... Шарҳ додан

Бузургдошти Маликушшуаро дар Хуҷанд

22 Сентябр 2017

Дар назди муҷассамаи Қофиласолори адабиёти форсу тоҷик устод Абӯабдуллоҳ Рӯдакӣ бо иштироки аҳли илму адаб, хонандагону донишҷӯёни маркази вилояти Суғд Рӯзи Рӯдакӣ таҷлил карда шуд.
Раиси шаҳри Хуҷанд Маъруф Муҳаммадзода ҳозиринро ба муносибати Рӯзи Рӯдакӣ таҳният гуфта, аз ҷумла зикр намуд, ки Давлат ва Ҳукумати Ҷумҳурии Тоҷикистон баҳри устувории пояҳои давлатдорӣ ва дар руҳияи ватандӯстӣ тарбия намудани шаҳрвандон ва умуман ҷомеаи кишвар бузургдошти шахсиятҳои адабию фарҳангӣ ва илмиро омили муҳим мешуморад. Ватандӯстӣ ҳиссиёти ниҳоят амиқи инсонист, ки решааш ба асрҳо ва ҳазорсолаҳо рафта мерасад, яъне аз умқи таърихи тамаддун ва фарҳанги миллӣ об мехурад. Аз ҳиссиёти волои ифтихор доштан аз Ватан ва ватандорӣ олитар, шарифтар, бузургу қавитар тафохуре нест ва буда ҳам наметавонад.

Муфассал... Шарҳ додан

Номаи шодбодии Раиси шаҳри Хуҷанд Маъруф Муҳаммадзода ба муносибати Рӯзи Рӯдакӣ

21 Сентябр 2017

Ҳамдиёрони азиз!
Ҳукумати Ҷумҳурии Тоҷикистон баҳри устувории руҳияи ватандӯстии шаҳрвандони худ ёди таърихро омили муҳим мешуморад. Ватандӯстӣ ҳиссиёти ниҳоят амиқи инсонист, ки решааш ба асрҳо, ҳазорсолаҳо рафта мерасад. Аз ифтихор бо Ватан олитар, шарифтар, бузургу қавитар ифтихор нест.
Даврони Истиқлолият ин замони зуҳури навгониҳои фарҳангӣ, арҷгузорӣ ба мақоми бузургон, дарки мафҳуми худшиносии миллӣ ва бо афкори башардӯстонаи дунё пайвастани афкори мо тоҷикон гардид.
Бузургдошти Абӯабдуллоҳи Рӯдакӣ дар шумори муҳимтарин тадбирҳое маҳсуб мешавад, ки дар сиёсати давлатии Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон дар мавриди гиромӣ доштани ёди азизони миллати тоҷик ва арҷу тақдири чеҳраҳои беназири ҷомеаи мо ба сӯи худшиносиву худогоҳӣ ҳидоят мешавад.

Муфассал... Шарҳ додан

Обуна ба «Тирози ҷаҳон» идома дорад

(1 овоз, миёна 4.00 аз 5)

21 Сентябр 2017

Дӯстону хонандагони азиз! 25 сол аст, ки нашрияи Мақомоти иҷроияи ҳокимияти давлатии шаҳри Хуҷанд рӯзномаи “Тирози ҷаҳон” бо Шумо ҳамқадаму ҳамнафас буда, нури маърифату адаб, муҳаббату садоқатро барои Шумо, хонандагони азизаш эҳдо мекунад. Бисту панҷ сол аст, ки “Тирози ҷаҳон” чун ёри вафодору содиқ пайваста навиду ахбори шаҳри бостониро инъикос месозад, аз зиндагиномаи ашхоси фарзонаву сарбаландаш ҳикоят мекунад, чароuи илму маърифатро дар дилҳо фурӯзон месозад. Ба як маънӣ “Тирози ҷаҳон” узви оилаи ҳар як сокини шаҳри бостонии Хуҷанд аст.
Рӯзномаи дӯстдоштаи Шумо бо дастгирии Раиси шаҳри Хуҷанд Маъруф Муҳаммадзода, олимону адибон, рӯзноманигорони соҳибқалам аз соли нави 2018 аз лиҳози мазмуну мундариҷа бою рангин ва аз ҳама муҳимаш дар инъикоси зиндагиву фаъолияти сокинони шаҳр бештар таваҷҷӯҳ месозад.

Муфассал... Шарҳ додан

Мулоқот бо Сарвазири Канада Ҷастин Трюдо

21 Сентябр 2017

Дар шаҳри Ню-Йорк дар ҳошияи Иҷлосияи 72-юми Маҷмааи Умумии Созмони Милали Муттаҳид Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Сарвазири Канада Ҷастин Трюдо мулоқоти самимӣ ва созанда анҷом доданд.
Таъкид гардид, ки имсол аз барқароршавии муносибатҳои дипломатии Тоҷикистон ва Канада 25 сол сипарӣ мешавад ва дар ин давра ҳамкориҳои байнидавлатӣ, ки дар асоси усулҳои ҳусни эҳтиром, эътимод ба ҳамдигар ва эътирофи мутақобилаи манфиатҳо оғоз ёфтаанд дар соҳаҳои мавриди таваҷҷуҳ рушду такомул пайдо кардаанд.
Сарвари давлат муҳтарам Эмомалӣ Раҳмон изҳор доштанд, ки чониби Тоҷикистон кумакҳои Канадаро ба сохторҳои қудратӣ, таҳкими марз бо Афғонистон, мубориза бар зидди гардиши ғайриқонунии маводи мухаддир, дастгирии фаъолияти Коллеҷи марзбонии САҲА дар Тоҷикистон, ширкати коршиносони кишвари Канада дар татбиқи лоиҳаҳои ҳаётан муҳим барои Тоҷикистон ва Афғонистон баланд арзёбӣ менамояд.

Муфассал... Шарҳ додан