АсосӣБойгонӣ

Навгонӣ

Дар Рӯзи шаҳр 6 нафар тифл ба дунё омад

25 Сентябр 2017

Дирӯз Раиси шаҳри Хуҷанд Маъруф Муҳаммадзода аз таваллудхонаи шаҳрӣ боздид намуда, ба 6 нафар кӯдаконе, ки дар Рӯзи шаҳр таваллуд шудаанд, маблағҳои пулӣ тақдим намуд.
Ҳамин тавр, Умеда Ахмедова, Бишарифа Қобилшехова, Дилбар Азимҷонова, Муҳиба Ҳомидова, Маҳина Бурҳонова ва Муҳибахон Умарова аз ҷумлаи модарони хушбахт буданд, ки маҳз дар Рӯзи шаҳри Хуҷанд фарзанд ба дунё оварданд, эшон аз ғамхорӣ ва таваҷҷуҳи Раиси шаҳри Хуҷанд Маъруф Муҳамадзода бархӯрдор гардиданд.
Маъруф Муҳаммадзода аз вазъи саломатии кӯдакон ошноӣ пайдо намуда, ба модарон тавсия кард, ки барои тифлон номҳои асили тоҷикӣ ва ашхоси шӯҳратёру таърии шаҳри бостонии Хуҷандро гузоранд.

Муфассал... Шарҳ додан

Таҷлили Рӯзи Хуҷанди хуршедшаҳр

(1 овоз, миёна 5.00 аз 5)

23 Сентябр 2017

Шоми имрӯз бахшида ба Рӯзи Хуҷанд дар назди театри Камоли Хуҷандӣ чорабинии тантанавӣ фарогири барномаи театрикунонидашуда ва консертии ситораҳои дурахшони эстрадаи Тоҷикистон баргузор гардид.
Нахуст, муовини Раиси вилояти Суғд Назира Ғаффорӣ, Раиси шаҳри Хуҷанд Маъруф Муҳаммадзода, меҳмонони дохиливу хориҷии чорабинӣ аз намоиши дастовардҳои хуҷандиён боздид намуда, баҳои баланд доданд. Муҳассилини муассисаҳои таҳсилотии шаҳр бо шавқу рағбат ва истеъдоди нотакрори хеш маҳораташонро дар сатҳи баланд ба маърази тамошо гузоштанд, ки он меҳмононро ба ваҷд овард.
Дар қисмати расмии чорабинӣ Назира Ғаффорӣ, муовини Раиси вилояти Суғд Паёми табрикотии Раиси вилояти Суғд Абдураҳмон Қодириро ба самъи ҳозирин раоснда, аз ҷумла зикр намуд, ки «Дар тӯли наздик се ҳазор соли мавҷудияташ аз сари ин шаҳри тамаддунофар чӣ қадар сахтию сардиҳои таърих гузашт.

Муфассал... Шарҳ додан

Муаррифии асарҳои эҷодкоронрони пойтахт дар Арт-галерияи «Сомониён»

23 Сентябр 2017

Субҳи имрӯз Раиси шаҳри Хуҷанд Маъруф Муҳаммадзода дар расмикушоди намоиши асарҳои рассомон, меъморон ва дизайнерони шаҳри Душанбе бахшида ба 26-солагии Истиылолияти давлатии Ҷумҳурии Тоҷикистон, 25 солагии Иҷлосияи 16-уми Шӯрои Олии Ҷумҳурии Тоҷикистон, Соли ҷавонон ва Рӯзи шаҳри Хуҷанд, ки дар Арт-галерияи «Сомониён» баргузор гардид, иштирок ва суханронӣ намуд.
Тавре маълум гардид, як гуруҳи калони рассомон, меъморон ва дизайнерони пойтахти мамлакат маҳсули эҷоди хешро барои сокинони маркази вилояти Суғд-шаҳри Хуҷанд ба маърази тамошо гузоштанд.
Ҷамшед Ғанизода, ректори Донишкадаи санъати тасвирӣ ва дизайни Тоҷикистон гуфт, ки ҳадафи аслии намоиши асарҳо муаррифии тозаи маҳсули эҷоди рассомон, меъморон ва дизайнерони шаҳри Душанбе буда, ба ин васила ба роҳ мондани ҳамкорӣ бо шаҳри Хуҷанд ва ҷалби муштариён ба офаридаҳои устодону шогирдон мебошад.

Муфассал... Шарҳ додан

Ташрифи шашмақомхонон ба Боғи Камоли Хуҷандӣ

23 Сентябр 2017

Дар доираи Фестивали байналмилалии «Шашмақом» ки аз санаи 20 то 22 сентябр дар шаҳри Конибодом сурат гирифт, иштирокдорони он аз мавзеъҳои таърихии шаҳри Хуҷанд боздид ба амал оварданд.
Меҳмонон зимни ташрифашон аз Боғи фарҳангӣ-фароғатии ба номи Камоли Хуҷандӣ, мақбара, ҳайкал ва хона-музейи шоири номвари тоҷик шиносоӣ ба амал оварданд.
Зимни сӯҳбат Шоҳзафар Ризқизода, мудири бахши фарҳанги ноҳияи Рашт изҳор намуд, ки ин мавзеъҳои таърихии шаҳри Хуҷанд моро ба ваҷд овард, бояд наврасону ҷавононамонро бештар бо ин таърихи кӯҳани хеш ошноӣ намоем. Зеро гаравидани ҷавонони мо ба ҳизбу ҳаракатҳои иртиҷоӣ аз фарҳангу маънавиёти асили хеш дур будани эшон гувоҳӣ медиҳад.

Муфассал... Шарҳ додан

Ифтитоҳи чойхонаи «Мӯйсафедон»

23 Сентябр 2017

Дар доираи тантанаҳои Рӯзи шаҳри Хуҷанд дар шафати масҷиди Шайх Муслиҳиддини маркази вилояти Суғд чойхонаи «Мӯйсафедон» ба истифода дода шуд. Раиси шаҳри Хуҷанд Маъруф Муҳаммадзода мӯйсафедонро бо ифтитоҳи чойхона таҳният гуфта, аз ҷумла зикр намуд, ки ин иқдом бо дастуру пуштибонии Раиси вилояти Суғд мӯҳтарам Абдураҳмон Қодирӣ рӯйи кор омад. Зеро ин макон замоне ба як мавзеъи ноободу бекорхобида буд ва имрӯз ба ҷойи обод, зебо ва аз ҳама муҳимаш ба истироҳатгоҳу фароғатгоҳи мӯйсафедон мубаддал гардидааст.
Раиси Шӯрои уламои дини вилоят, сархатиби масҷиди Шайх Муслиҳиддин Ҳоҷӣ Ҳусайн Мӯсозода ин иқдомро амали хайрхоҳона унвон намуда, таъкид сохт, ки тибқи анъанаҳои миллии мардуми тоҷик ҷойе, ки бозору мазор аст, ҳатман чойхона бошад. Чойхонадорӣ яке аз урфу одатҳои қадимаи мо мебошад.