АсосӣБойгонӣ

Навгонӣ

Маҷлиси Ҳукумати Ҷумҳурии Тоҷикистон

29 Сентябр 2017

Дирӯз дар Қасри миллат таҳти раёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси Ҳукумати кишвар муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.
Дар кори маҷлис нахуст “Дар бораи Низомномаи мақомоти маҳалли меъморӣ ва шаҳрсозӣ” гузориши Раиси Кумитаи меъморӣ ва сохтмон ва “Дар бораи Барномаи давлатии амалӣ намудани технологияҳои иттилоотӣ - коммуникатсионӣ дар муассисаҳои таҳсилоти умумии Ҷумҳурии Тоҷикистон барои солҳои 2018-2022” гузориши Вазири маориф ва илми ҷумҳурӣ шунида шуд.
Лоиҳаи қарори Ҳукумати Ҷумҳурии Тоҷикистон “Дар бораи Низомномаи мақомоти маҳаллии меъморӣ ва шаҳрсозӣ” бо мақсади таъмини талабот ва таҳти назорати доимӣ қарор додани талаботи меъёрҳои қонунгузории соҳаи сохтмон, такмил додан ва мукаммал намудани онҳо, инчунин татбиқи сиёсати давлатӣ дар соҳаи шаҳрсозӣ, таҳия шудааст.

Муфассал... Шарҳ додан

Паёми шодбошии Раиси шаҳри Хуҷанд Маъруф Муҳаммадзода ба муносибати Рӯзи омӯзгорон

29 Сентябр 2017

Устодону омӯзгорони арҷманд!
Ҳамаи Шуморо ба муносибати Рӯзи омӯзгорон самимона табрик намуда, ба Шумоён дар таълиму тарбияи насли наврас дастоварду комёбиҳо таманно менамоям.
Давлату ҳукумат бо сарварии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба рушди илму фарҳанг ва маънавиёти ҷомеа, махсусан ба таълиму тарбияи насли наврас эътибори аввалиндараҷа дода, барои пешрафти мактабу маориф ва тайёр намудани мутахассисони соҳиби донишу малакаи баланди касбӣ ҳамаҷониба мусоидат менамоянд.
Чуноне ки Пешвои миллат таъкид менамоянд: «…Ҳама гуна рушду пешравӣ танҳо дар фазои орому осуда ва сулҳу субот ба даст меояд.

Муфассал... Шарҳ додан

Иҷлосияи навбатии Маҷлиси вакилони халқи шаҳри Хуҷанд

28 Сентябр 2017

Дар толори Мақомоти иҷроияи ҳокимият давлатии шаҳри Хуҷанд иҷлосияи ёздаҳуми Маҷлиси вакилони халқи шаҳр, даъвати панҷум баргузор гардид. Раиси шаҳр Маъруф Муҳаммадзода иҷлосияро ифтитоҳ намуда, ҳозиринро бо рӯзномаи он ошно намуд. Баъди интихоби котибот ва тасдиқи рӯзномаи иҷлосия вакилон ба баррасии он шуруъ намуданд.
Нахуст, оид ба ҷараёни татбиқи Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” муовини аввали Раиси шаҳр Хайрулло Ғайбуллозода маърӯза намуда, аз ҷумла афзуд, ки дар асоси талабу дархости сершумори мардум санаи 23 августи соли равон аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон бо истифода аз ҳуқуқи ташаббуси қонунгузории худ барои баррасӣ ба Маҷлиси намояндагони Маҷлиси Олии Ҷумҳурии Тоҷикистон лоиҳаи қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», пешниҳод гардид ва баъди баррасӣ дар Маҷлиси намояндагони Маҷлисӣ Олӣ, ҷонибдории Маҷлиси Олии Ҷумҳурии Тоҷикистон санаи 29 августи соли 2017 баъди интишори расмӣ ҳукми қонунӣ пайдо кард.

Муфассал... Шарҳ додан

Суҳбати телефонии Асосгузори сулҳу ваҳдати миллӣ-Пешвои миллат бо раисони ноҳияҳои Деваштичи вилояти Суғд, Рашт, Нуробод, Лахш ва Сангвор

29 Сентябр 2017

Нимаи дуюми имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо раисони ноҳияҳои Деваштичи вилояти Суғд, Рашт, Нуробод, Лахш ва Сангвор суҳбати телефонӣ анҷом доданд.
Зимни суҳбат раисони ноҳияҳои номбурда ба Пешвои миллат муҳтарам Эмомалӣ Раҳмон оид ба вазъи корҳои кишоварзӣ, ҷамъоварии ҳосили меваю сабзавот ва омодагӣ ба мавсими тирамоҳу зимистони дарпешистода ва иҷрои дигар дастуру супоришҳои Ҳукумати Ҷумҳурии Тоҷикистон ҳисобот доданд.
Сарвари давлат муҳтарам Эмомалӣ Раҳмон диққати роҳбарони ноҳияҳои Деваштич, Рашт, Нуробод, Лахш ва Сангворро ба иҷрои саривақти корҳо, кишти такрорӣ, истифодаи самараноки замин, ҷамъоварии беталафи ҳосил, аз ҷумла ғунучини картошка ҷалб намуданд.

Муфассал... Шарҳ додан

Рушди фаъолияти волонтёрӣ

27 Сентябр 2017

Дар гимназияи рақами 4-и шаҳри Хуҷанд бо ташаббуси клуби волонтёрони Раёсати кор бо ҷавонон ва варзиши вилояти Суғд мулоқот дар мавзуи "Роҳҳои рушди фаъолияти волонтёрӣ дар Ҷумҳурии Тоҷикистон" баҳри ҷоннок намудани соҳаи волонтёрӣ дар Ҷумҳурии Тоҷикистон ва ҷалби ҷавонон ба ин соҳа баргузор гардид.
Дар чорабинии мазкур намояндагони клуби волонтёрони Раёсати кор бо ҷавонон ва варзиши вилояти Суғд, омузгори чавони гимназияи мазкур, раиси созмони чавонон Фаридун Муҳсинзода ва бо чалби зиёда аз 150 нафар толибилмони ин даргохи маърифат иштирок доштанд.
Тавре зикр карда шуд, мақсади асосии ташкили ин мулоқоти мазкур ҷалби ҷавонону наврасон ба соҳаи волонтёрӣ, фаҳмонидани моҳияти фаъолияти волонтёрӣ ва рушди ин навъи фаъолият дар Ҷумҳурии Тоҷикистон, даъват ба амал овардани ҷавонон ва саҳм гузоштани онҳо дар пешрафт, ободонӣ ва корҳои хайрхоҳӣ дар ҷомеа мебошад.