АсосӣБойгонӣ

Навгонӣ

Барномаҳои Солинавии шаҳри Хуҷанд

(25 овоз, миёна 3.04 аз 5)

12 Декабр 2017

Дар маркази шаҳри Хуҷанд, рӯбарӯйи маркази савдои «Авасто» шуруъ аз 15 декабри соли 2017 арчаи Соли навӣ ба андозаи 18 метр қомат ба пуррагӣ афрохта шуда ва аз худи ҳамон рӯз чорабиниҳои фарҳангӣ оғоз мегардад.
То санаи 22 декабри соли равон аз тарафи мактаб ва литсейҳои шаҳри Хуҷанд фестивал –озмуни барномаи солинавӣ ба маърази тамошо гузошта мешавад. Аз санаҳои 22-24 декабри соли равон коллеҷҳои санъати ба номи Содирхон Ҳофиз, тиббии ба номи Юсуфхон Исҳоқӣ ва омӯзгории шаҳри Хуҷанд ва санаҳои 25-28 ДДХ ба номи академик Бобоҷон Ғафуров, ДИСДДТТ, ДПДТТ ба номи Муҳаммад Осимӣ ва ДДҲБСТ дар фестивал-озмуни барномаи солинавӣ, ки дар байни донишҷӯёни донишгоҳҳо ва коллеҷҳои шаҳри Хуҷанд сурат мегирад баромад менамоянд.

Муфассал... Шарҳ додан

Боздид аз мавзеъҳои таърихию қадимаи Шоҳигарии Ҳошимии Урдун

12 Декабр 2017

Дар доираи сафари расмӣ дар Шоҳигарии Ҳошимии Урдун Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз як қатор мавзеъҳои қадимаву таърихии ин кишвар боздид ба амал оварданд.

Урдун кишварест дар Ховари Миёна, ки аз шимол бо Сурия аз шимолу шарқ бо Ироқ, аз шарқу ҷануб бо Арабистони Саудӣ ва аз ғарб бо Исроил ҳамсарҳад мебошад. Пойтахти Урдун шаҳри Аммон аст ва шоҳигарӣ аз 12 музофот - Аҷлун, Ақаба, Уммон, Ҷераш, Ирбид, Маан, Мадаба, аз-Зарқа, ал-Балқа, ал-Қарак, ал-Мафрак, ат-Тафила иборат мебошад.

Аммон пойтахти Шоҳигарии Ҳошимии Урдун таърихи хеле қадима дошта, асосан аз мавзеъҳои таърихӣ, иншооти гуногуни қадима ва манзараҳои барои сайёҳон тамошобоб иборат аст. Шаҳри Аммон соли 1949 пойтахти Шоҳигарии Ҳошимии Урдун эълон гардид, вале таъсиси он ба 7 ҳазор сол пеш аз милод рост меояд.

Муфассал... Шарҳ додан

Тоҳир Рӯзибоев: «Ғолибият дар олимпиадаи байналмилалӣ рейтинги Тоҷикистонро дар сатҳи ҷаҳонӣ боло мебарад"

(1 овоз, миёна 5.00 аз 5)

11 Декабр 2017

Дар заминаи супориши Раиси вилояти Суғд Абдураҳмон Қодирӣ мулоқоти нахустини толибилмону омӯзгорони литсейи хонандагони болаёқати шаҳри Хуҷанд ҷиҳати мубодилаи таҷриба аз роҳу усулҳои таълим ва иштирок дар озмунҳои байналмилалӣ бо муҳассилини пешқадами макотиби миёнаи шаҳр дар Мактаби Президентии шаҳри Хуҷанд баргузор гардид.
Раъно Ҳошимзода, муовини Раиси шаҳри Хуҷанд вохӯриро ифтитоҳ намуда, аз ҷумла қайд кард, ки ҳадаф аз ташкили ин мулоқот баҳрабардорӣ аз таҷрибаи литсейи хонандагони болаёқати шаҳри Хуҷанд дар озмунҳои байналмилалӣ буда, ба ин васила бештар намудани шумораи ғолибони олимпиадаҳои байналхалқӣ аз шаҳри Хуҷанд мебошад.
Тоҳир Рӯзибоев, сарвари литсейи хонандагони болаёқати шаҳри Хуҷанд баромад намуда, аз таъкид дошт, ки омода намудани хонандагон ба олимпиадаҳои байналмилалӣ маъракаъи бисёр муҳим ва дар як вақт душвор аст.

Муфассал... Шарҳ додан

Мулоқот бо Раиси Сенати Парлумони Шоҳигарии Ҳошимии Урдун Файсал Окиф ал-Фоиз

12 Декабр 2017

Дирӯз дар шаҳри Аммон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Сенати Парлумони Шоҳигарии Ҳошимии Урдун Файсал Окиф ал-Фоиз мулоқот намуданд.

Дар мулоқот вазъ ва дурнамои робитаҳои байнипарлумонии Тоҷикистон ва Урдун мавриди баррасӣ қарор дода шуда, нақши парлумонҳо дар густариш ва таҳкими равобити дӯстонаи байнидавлатӣ арзишманд арзёбӣ гардид.

Таъкид шуд, ки дар Тоҷикистон ба таҳкими ҳамкорӣ Шоҳигарии Ҳошимии Урдун ва дигар кишварҳои олами араб аҳамияти зарурӣ дода мешавад ва муносибатҳои гуногунҷанба бо ин давлатҳо самти муҳими сиёсати минтақавӣ ва байналмилалии Тоҷикистон мебошад.

Муфассал... Шарҳ додан