АсосӣБойгонӣ

Навгонӣ

Хуҷанд: Фаъолияти наздик 10 ҳазор соҳибкорон дар ҷабҳаҳои мухталифи хоҷагии халқ

15 Январ 2018

Дар шаҳри Хуҷанд тамоми имконоту васила барои фаъолияти соҳибкорӣ муҳайё карда шудааст. Ин буд, ки вазъи соҳибкорӣ дар шаҳр собит кардааст, ки теъдоди онҳо ба 9123 нафар расида, аз онҳо 6559 нафар бо патент ва 2564 нафар бо шаҳадотнома фаъолият дошта, дар соли 2017 1543 нафар бо патент ва 286 нафар бо шаҳодатнома фаъолияти худро оғоз намуданд. Ин нишондиҳанда назар ба ҳамин давраи соли сипаригашта 6 фисад афзоиш ёфтааст.
Нишондиҳандаи беҳтарин дар ин самт дар он зоҳир мегардад, ки дар соли 2017 тамоюли барҳамхӯрии соҳибкорони бо патент фаъолияткунанда дар муқоиса ба ҳамин давраи соли 2016 5,2 фоиз ва бо шаҳодатнома фаъолияткунанда 77 фисад кам гардидааст. Аз миқдори умумии бо фаъолияти соҳибкорӣ машғул буда, 1866 нафар, ё 20,5 фоизи онҳоро занҳо ташкил дода, 1459 нафар бо патент ва 407 нафар бо шаҳодатнома фаъолият мебаранд.

Муфассал... Шарҳ додан

Паём: Рушди соҳаи дорусозии мамлакат

15 Январ 2018

Бо мақсади шарҳу тавзеҳи Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вакилони Маҷлиси намояндагони Маҷлиси Олии Ҷумҳурии Тоҷикистон Абдуҳалим Ғаффоров, ва Гулбаҳор Назирӣ, узви Маҷлиси миллии Маҷлиси Олӣ Саодат Аминҷонова, муовини раиси шаҳри Хуҷанд Раъно Ҳошимзода, ва раиси Кумиҷроияи ҲХДТ дар шаҳри Хуҷанд Наим Маликисломӣ бо ҷомеаи устодону шогирдони Донишкадаи политехникии Донишгоҳи техникии Тоҷикистон мулоқот анҷом доданд.
Раъно Ҳошимзода, муовини Раиси шаҳри Хуҷанд Паёми навбатии Пешвои миллатро дастури раҳнамоӣ барои кулли соҳаҳо арзёбӣ намуда, таъкид дошт, ки омӯзиши нуктаҳои ин барномаи амал метавонад, дастовардҳоро афзун намояд.

Муфассал... Шарҳ додан

Раҷаббой Аҳмадзода иҷрокунандаи вазифаи Раиси вилояти Суғд таъин гардид

(9 овоз, миёна 3.89 аз 5)

13 Январ 2018

Имрӯз, 13 январ бо иштироки Сарвазири Ҷумҳурии Тоҷикистон Қоҳир Расулзода ва Ёрдамчии Президенти Ҷумҳурии Тоҷикистон оид ба масъалаи кадрҳо Асадулло Раҳмон дар толори Мақомоти иҷроияи ҳокимияти иҷроияи вилояти Суғд маросими муаррифии иҷрокунандаи вазифаи Раиси вилоят баргузор гардид.
Тавре зимни маросими муаррифӣ таъкид гардид, бо Фармони Президенти Ҷумҳурии Тоҷикистон Абдураҳмон Қодирӣ бинобар расидан ба синни нафақа аз вазифаи Раиси вилояти Суғд озод карда шуда, бо Фармони дигари Президенти Ҷумҳурии Тоҷикистон Раҷаббой Аҳмадзода иҷрокунандаи вазифаи Раиси вилояти Суғд таъин карда шуд.
Раҷаббой Аҳмадзода 16 сентябри соли 1971 дар шаҳри Хуҷанди вилояти Суғд дар оилаи хизматчӣ таваллуд шудааст, миллаташ тоҷик, таҳсилоташ олӣ.

Муфассал... Шарҳ додан

Боздиди кории иҷрокунандаи вазифаи Раиси вилояти Суғд Раҷаббой Аҳмадзода аз бозори Панҷшанбе

(8 овоз, миёна 3.75 аз 5)

15 Январ 2018

Дар Паёми навбатии худ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҳукумати мамлакат супориш доданд, ки барои мукаммал гардонидани низоми идораи давлатии санитариву фитосанитарӣ, стандартизатсия, сертификатсия ва назорати байторӣ тағйироти сохтории заруриро амалӣ намуда, чиҳати пешгирии воридоти молу маҳсулоти пастсифат ва ғайристандартӣ ва ҳимояи ҳуқуқи истеъмолкунандагон чораҳои таъхирнопазир андешанд ва дар ин самт Барномаи бехатарии маҳсулоти озуқавориро таҳия ва амалӣ намоянд.
Бо ин мақсад рӯзи 14-уми январ иҷрокунандаи вазифаи Раиси вилоят Раҷаббой Аҳмадзода бо мақсади ошноӣ бо вазъи фурӯшгоҳҳо ва ҳолати воқеии нархи маҳсулот ба бозорҳои мавзеи Панҷшанбе ташриф овард. Бозори Панҷшанбе илова бар маркази бузурги савдо будан, инчунин яке аз мавзеъҳои таърихии маркази вилоят ба ҳисоб меравад, ки аз ҷиҳати меъморӣ дар Осиёи Миёна беназир аст.

Муфассал... Шарҳ додан

Мубодилаи барқияҳои табрикии Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Қирғизистон Сооронбой Жеенбеков

13 Январ 2018

Имрӯз миёни Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қирғизистон Сооронбой Жеенбеков ба муносибати 25-умин солгарди барпо намудани робитаҳои дипломатии ду кишвар мубодилаи барқияҳои табрикӣ ба амал омад.

Ҳамин тавр, дар барқияи табрикии Президенти Ҷумҳурии Тоҷикистон муҳтарам Эмомалӣ Раҳмон ба унвони Президенти Ҷумҳурии Қирғизистон Сооронбой Жеенбеков, аз ҷумла, омадааст:

«Муҳтарам Сооронбой Шарипович,

Табрикоти самимӣ ва беҳтарин таманниёти ин ҷонибро ба муносибати санаи муборак - ҷашни 25-солагии истиқрори робитаҳои дипломатӣ байни Ҷумҳурии Тоҷикистон ва Ҷумҳурии Қирғизистон қабул фармоед.

Муфассал... Шарҳ додан