АсосӣБойгонӣ

Навгонӣ

Хонандагон аз вазъи қисмҳои ҳарбӣ огоҳӣ пайдо намуданд

13 Феврал 2018

Бо эҳтимоми комиссариати ҳарбии шаҳри Хуҷанд бо мақсади тарғибу ташвиқи хонандагон баҳри дӯстдории Ватан ва ҷалби онҳо баҳри хизмат ба сафи Қувваҳои мусаллаҳи Ҷумҳурии Тоҷикистон дар қисми низомии комендатураи ҳарбии вилояти Суғд рӯзи дарҳои кушод баргузор гардид.

Хонандагони синфҳои болоии макотиби таҳсилоти умумии шаҳри Хуҷанд аз вазъи буду боши сарбозон ва шароити хизмати онҳо бохабар гардиданд. Ҳамзамон аз тарзи истифодаи яроқу василаи ҷангӣ бо кӯмаки афсарон бархӯрдор шуданд.

Убайдулло Сафарзода, сарбози қисми ҳарбӣ аз вазъи хизмати ҳарбӣ ба хонандагон маълумот дода, таъкид сохт, ки муддати 10 моҳ мешавад, ки дар ин қисми низомӣ сарбаландона хизмат намуда истодааст. Имрӯз дар қисмҳои ҳарбӣ тамоми шароит муҳайё карда шудааст.

Муфассал... Шарҳ додан

Баргузории озмуни “Ҳунарманди беҳтарин” дар маҳаллаҳо ва идораву ташкилотҳои шаҳр

13 Феврал 2018

Дар 22 маҳаллаҳои шаҳри Хуҷанд бахшида ба соли 2018 “Соли рушди сайёҳӣ ва ҳунарҳои мардумӣ” чорабиниҳои гуногун, аз ҷумла даври аввали озмуни “Ҳунарманди беҳтарин” ташкил ва гузаронида мешавад.

Ҳамзамон тибқи нақшаи шуъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд даври аввали озмуни “Ҳунарманди беҳтарин” дар муассисаҳои тандурустӣ, коллеҷу муассисаҳои таҳсилоти оликии касбӣ воқеъ дар шаҳри Хуҷанд баргузор ва ғолибон муайян карда мешаванд.

Таъкид мешавад, ки ҳадафи ташкили чунин озмун дар байни қишрҳои гуногуни ҷомеа муаррифии бештари ҳунарҳои мардумии шаҳр ва тарғибу ташвиқи шоистаи он мебошад.

Муфассал... Шарҳ додан

Якшанбеи гузашта беш аз 600 бех ниҳол шинонида шуд

12 Феврал 2018

Субҳи дирӯз бо иштироки иҷрокунандаи вазифаи Раиси вилояти Суғд Раҷаббой Аҳмадзода, Раиси шаҳри Хуҷанд Маъруф Муҳаммадзода ва беш аз 500 нафар кормандони касбу кори гуногун дар се мавзеъи шаҳри Хуҷанд: маҷмааи варзишии «20 солагии Истиқлолияти давлатии Ҷумҳурии Тоҷикистон», хиёбони ба номи Раҳим Ҷалил ва майдони назди меҳмонхонаи «Эҳсон» маъракаи ниҳолшинонӣ баргузор гардид.
Дар маъракаи ниҳолшинонӣ маҷмуъан наздик 500 бех ниҳоли навъи ардач беш аз 100 бех ниҳоли санавбар шинонида шуданд. Ҳамзамон дар хиёбони Раҳим Ҷалил беш аз 160 метри мукааб замин барои шинонидани гули садбарг омода карда шуд.

Муфассал... Шарҳ додан

Мақоми аввали хонандагони шаҳри Хуҷанд дар мусобиқаи тенис

13 Феврал 2018

Дар мусобиқа оид ба тениси рӯйи мизии байни хонандагони синфҳои 8-11-и муассисаҳои таҳсилоти миёнаи умумии вилоят ҷои якум насиби дастаи Хуҷанд гардид.
Дар қувваозмоии мазкур аз рӯи намуди тенниси рӯйи миз ҷои дуюм насиби дастаи Спитамен ва ҷои сеюмро дастаи Конибодом ишғол намуданд.
Аз ҷониби ташкилкунандагони мусобиқа ба ғолибон ҷом ва тӯҳфаҳои хотиравӣ тақдим карда шуд.
Бояд зикр кард, ки мусобиқаи мазкур бо мақсади тарғиби тарзи хаёти солим байни наврасону ҷавонон, ҷалби ҷавонону наврасон ба ин намуди варзиш ва дур будан аз амалҳои номатлуб роҳандозӣ гардид.

Муфассал... Шарҳ додан

Барқияи тасаллият ба Президенти Федератсияи Россия Владимир Путин

12 Феврал 2018

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Федератсияи Россия Владимир Путин барқияи тасаллият ирсол намуданд, ки дар он омадааст:

«Муҳтарам Владимир Владимирович,

Хабари фоҷеабори суқути ҳавопаймои мусофирбарро дар вилояти Москва, ки боиси ба ҳалокат расидани даҳҳо шаҳрвандони Федератсияи Россия гардид, бо андуҳи амиқ ва эҳсосоти дарду алам дарёфтам.

Дар робита ба ин талафоти вазнин ҳамдардӣ иброз намуда, ба наздикон ва пайвандони фавтидагон тасаллияти самимии хешро изҳор менамоям».

Муфассал... Шарҳ додан