АсосӣБойгонӣ

Навгонӣ

Ғолибони озмун муайян гардиданд

(1 овоз, миёна 5.00 аз 5)

21 Ноябр 2016

Дар шаҳри Конибодом даври минтаыавии озмуни «Навозандаи беҳтарин» баргузор гардид, ки дар он толибилмони муассисаҳои таълимии шаҳри Хуҷанд хуб баромад карда, дар чаҳор номинатсия пирҳз гардиданд. Аз ҷумла, Заррина Бобоева аз мактаби №21 дар дуторнавозӣ ҷойи аввал, дар навохтани пианина Фарзона Назарова аз М/Х Пулотов маыоми аввалро мушарраф гаштанд. Ҳамчунин найнавоз Шероз Қаландаров аз мактаби №3 ва дастаи доиранавозон низ хуб ҳунарнамоӣ карда, сазовори ҷойи сеюм гаштанд.
Ғолибони даври минтаыавии озмуни «Навозандаи беҳтарин» ба озмуни вилоятӣ, ки санаи 30-уми ноябр дар гимназияи №24 баргузор мегардад, роҳхат гирифтанд.

Шарҳ додан

Армуғонҳои маҳфили “Ганҷи сухан”

(2 овоз, миёна 5.00 аз 5)

21 Ноябр 2016

Асосгузори сулҳу ваҳдат, Пешвои миллат, Ҷаноби Олӣ мӯҳтарам Эмомалӣ Раҳмон дар китоби тозанашри “Чеҳраҳои мондагор” менависанд, ки “Омӯхтани рӯйдодҳои таърихиву фарҳангӣ, зиндагиномаи шахсиятҳои сарсупурдаи миллат ва чеҳраҳои баргузидаи адабӣ имкон медиҳад, решаҳои худро аз гузашта дарёфт намоем, бо онҳо пайванд доштани хешро эҳсос карда, ба хотири номуси ватандорӣ ном ва корнамоиҳои онҳоро аз нав зинда гардонем ва ба фарзандони халқи далерамон бо ифтихор дар бораашон ҳарф занем.” Ин дафъа нишасти 145-умини маҳфили илмиву адабии “Ганҷи сухан” таҳти ҳамин дастури Пешвои миллат бахшида ба Рӯзи парчам ва солгарди мавлуди асосогузори маҳфил донишманди маъруфи тоҷик шодравон Абдулманнон Насриддин, дар толори Донишгоҳи давлатии шаҳри Хуҷанд ба номи академик Бобоҷон Ғафуров бо иштироки донишмандани маъруф, адибони номвар, омӯзгорон,донишҷӯён ва афроди суханпарвару фарҳангдӯст баргузор шуд.

Муфассал... Шарҳ додан

Намоиши аксбардори ҷавон бахшида ба Рӯзи Президенти Ҷумҳурии Тоҷикистон

16 Ноябр 2016

Бахшида ба Рӯзи Президенти Ҷумҳурии Тоҷикистон имрӯз дар АРТ-галереяи шаҳр намоиши асарҳои аксбардори ҷавон Аловиддин Калонов оми «Диёри зебо» баргузор гардид.
Дар расми ифтитоҳи ин намоиш Раиси шаҳри Хуҷанд Шарифзода Шариф Файз ширкат намуд.
Дар намоиш 49 акси ин эҷодкори ҷавон манзури ҳаводорони ин намуди эҷодиёт гузошта шуда, он аз табиати зебо ҳаёти мардуми кишвар лаҳзаҳои нотакрори ҳаёти мардуми деҳот омода гаштааст.
Бо ташаббуси Раиси шаҳри Хуҷанд таҳия ва нашри китоб-мусаввараи аксҳои дар намоиш гузошташуда пешбинӣ гашта, он барои тамоми дӯстдорони табиати зебою гуворои Тоҷикистон ва сайёҳони хориҷӣ пешбинӣ хоҳад шуд.

Шарҳ додан

Фурӯши маҳсулоти деҳқонони вилоят дар шаҳри Хуҷанд.

(4 овоз, миёна 4.75 аз 5)

19 Ноябр 2016

Бо мақсади таъмину захира намудани сокинони маркази вилоят бо маҳсулоти кишоварзии хушсифат дар фасли зимистон ва пешгирии болоравии нархи маводи ғизои аввалиндараҷа тибқи дастури Раиси вилояти Суғд Абдураҳмон Қодирӣ Мақомоти иҷроияи ҳокимияти давлатии шаҳри Хуҷанд фурӯши ин намуди маҳсулотро ташкил намуд.
Фурӯшгоҳи муваққатӣ дар мавзеи «Ситораҳои Хуҷанд» майдони дар буриши хиёбонҳои ба номи Р. Ҳоҷиев ва И Сомонӣ мавҷуд буда, муқаррар гардида, ба шаҳрвандон бештар 20 намуди маҳсулот пешниҳод гардид.
Дар мавзеҳои номбурда деҳқонони шаҳру ноҳияҳои Гулистон, Конибодом, Истаравшан, Панҷакент, Б. Ғафуров, Деваштич, Ҷ. Расулов, Ашт, Спитамен, Кӯҳистони Мастчоҳ ва Шаҳристон маҳсулоти худро бо нархҳои аз 15- то 30 % арзон нисбати бозорҳои маъмулии шаҳр ба фурӯш гузошта, манзури харидорон намуданд.

Муфассал... Шарҳ додан

Ширкати Раиси шаҳр дар намоишу муаррифии асарҳои Пешвои миллат.

(1 овоз, миёна 5.00 аз 5)

16 Ноябр 2016

Бахшида ба Рӯзи Президенти Ҷумҳурии Тоҷикистон имрӯз дар Китобхонаи оммавии вилоятии баноми Т. Асирӣ муаррифии ду китоби тозанашри Асосгузори сулҳуваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон, -“Чеҳраҳои мондагор” ва “Забони миллат, ҳастии мллат” ва намоиши китобҳои дигари Эмомалӣ Раҳмон баргузор гардид.
Дар ин чорабинӣ Раиси шаҳри Хуҷанд Шарифзода Шариф Файз ширкат намуда, назди ҳозирон баромад намуд.
Баъди намоиши гузориши тасвирӣ аз таърихи давлатдории муосири мамлакат Раиси шаҳри Хуҷанд доири саҳму хизматҳои арзандаи Пешвои миллат сухан ронда изҳор дошт, ки бо шарофати сиёсати дурандешона ва хирадмадандонаи ин шахсияти таърихӣ даврони истиқлолияти кишвари маҳбуби мо дар ҷаҳон муаррифӣ гашта, Тоҷикистон чун кишвари дорои тамаддун ва арзишҳои бой эътибор пайдо намуд.