АсосӣБойгонӣ

Навгонӣ

Шанбегӣ дар ширхоргоҳ-кӯдакистони № 32

17 Феврал 2018

Дар ширхоргоҳ-кӯдакистони № 32-и шаҳри Хуҷанд бо мақсади тозаву хуррамнамоии атрофии муассиса ва сазовор ҷашн гирифтани Наврӯзи байналмилал шанбегӣ ташкил ва баргузор гардид.

Дар шанбегӣ 34 нафар кормандони ширхоргоҳ-кӯдакистон фаъолона иштирок намуда, аз тарафи онҳо 25 бех ниҳолҳои ороишию гулхои мавсимӣ ва 43 бех ниҳоли олуча шинонида шуданд.

Заминҳои назди муассиса киштгардон ва бо мақсади рафъи мушкилоти бапешомада 30 метр қубурҳои ташноб азнавсозӣ карда шуданд.

Бояд қайд намуд, ки алҳол дар ширхоргоҳ-кӯдакистони № 32-и шаҳри Хуҷанд, беш аз 230 нафар кӯдакон аз ҷониби 13 нафар мураббияҳо ба таълиму тарбия фаро гирифта шудаанд.

Муфассал... Шарҳ додан

Пешгирии шаклҳои бадтарини меҳнати кӯдакон

17 Феврал 2018

Ҷиҳати иҷрои қарори Ҳукумати Ҷумҳурии Тоҷикистон “Дар бораи Барномаи миллӣ оид ба барҳамдиҳии меҳнати кӯдакон дар Ҷумҳурии Тоҷикистон барои солҳои 2015-2020”, дар асоси нақшаи кории Комиссия оид ба ҳуқуқи кӯдаки шаҳри Хуҷанд рейди муштараки Комиссия оид ба ҳуқуқи кӯдак ва ШПҲБНҶ ШВКД Ҷумҳурии Тоҷикистон дар шаҳри Хуҷанд дар ҶДММ “Агубини Умр”, ҶДММ “Попирус”, ҶДММ “Шоҳшир”, маркази савдои “Оазис” ва маркази копутерии “Формула-55” гузаронида шуд.

Ҳангоми санҷиш дар ҶДММ “Попирус” 8 (ҳашт) нафар ноболиғон, ки дар сехи мазкур кор мекарданд, ба қайд гирифта шуданд, ки ҳамагон хонандагони муассисаҳои таҳсилоти миёнаи умумии шаҳр буданд.

Ба роҳбарияти корхонаҳо ва марказҳои савдову компутерӣ қарори Ҳукумати Ҷумҳурии Тоҷикистон “Дар бораи Барномаи миллӣ оид ба барҳамдиҳии шаклҳои бадтарини меҳнати кӯдакон дар Ҷумҳурии Тоҷикистон” фаҳмонида шуда, масъулин муваззаф гардиданд, ки бо волидони хонандагони бақайдгирифташуда ва масъулини муассисаҳои таълимӣ корбарӣ намоянд.

Муфассал... Шарҳ додан

Маҳфили навбатии «Фарҳанги оиладорӣ»

16 Феврал 2018

Дар толори раёсати ДДХ ба номи академик Бобоҷон Ғафуров маҳфили навбатии «Фарҳанги оиладорӣ» дар мавзўи «Муносибати гендерӣ ва нақши он дар ташаккули хусусиятхои психологии зан» баргузор гардид, ки дар намояндаи раёсати кор бо занон ва оилаи мақомоти иҷроияи ҳокимияти давлатии вилояти Суғд Рухшона Тўхтаева ва мутахасиси пешбари шӯъбаи кор бо занон ва оилаи мақомоти иҷроияи ҳокимияти давлатии шаҳри Хуҷанд Зайнура Шарипова, омўзгорону донишҷўёни донишгоҳ иштирок намуданд.
Дотсенти кафедраи психологияи умумӣ Азиза Мансурова оид ба мафҳуми гендер, хусусиятҳои психологии зан, нақши зан ва мард дар оила маърӯза намуд. Дар рафти маҳфил аз тарафи донишҷўёни факултети забонҳои хориҷӣ саҳначаҳои ҷолиб намоиш дода шуд.

Муфассал... Шарҳ додан

Ҷоми ҷаҳонӣ оид ба футбол ва танзими муҳоҷират дар Русия

17 Феврал 2018

Дар маҷлисгоҳи Мақомоти иҷроияи ҳокиияти давлатии шаҳри Хуҷанд бо мақсади шарҳи санаду меъёрҳои ҳуқуқии қабулнамудаи Федератсияи Русия оид ба татбиқи чораҳои бехатарӣ дар давраи баргузории Ҷоми ҷаҳонӣ оид ба футбол дар ин кишвар мулоқоти сардори Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд Зайнура Шарифӣ бо сардорону шуъбаю сохторҳои шаҳр, раисони кумитаҳои маҳаллаю хонаҳои баландошёна ва фаъолон сурат гирифт.

Мулоқотро роҳбари дастгоҳи Раиси шаҳри Хуҷанд Абдуваҳҳоб Ҳомидзода ифтитоҳ намуда, ҳадафи гузаронидани чорабиниро шарҳ дод.

Сипас, Зайнура Шарифӣ, сардори Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд баромад намуда, аз ҷумла зикр дошт, ки “Дар давоми соли 2017 аз ҳисоби сокинони вилояти Суғд 134389 нафар ба хориҷа сафар карданд.

Муфассал... Шарҳ додан

Миёни Душанбе ва Хуҷанд автобусҳо равуо мекунанд

16 Феврал 2018

Комиссияи махсуси байни мақомоти марбута имкони роҳандозии мусофиркашонӣ бо автобусҳо байни минтақаи ҷануб ва шимоли Тоҷикистонро мавриди омӯзиш қарор додааст.

«Барои омӯзиши ин масъала комиссияи махсуси иборат аз намояндагон Вазорати нақлиёт, Бозрасии давлатии автомобилӣ ва дигар ташкилоту муассисаҳо таъсис дода шуд», - гуфт зимни нишасти хабарӣ роҳбари Муассисаи давлатии «Нақлиёти автомобилӣ ва хизматрасонии логистикӣ»-и Ҷумҳурии Тоҷикистон Қурбоналӣ Хизиров. Ӯ қайд кард, ки аъзои комиссияи зикршуда ҷиҳати санҷиши имконоти ифтитоҳи хатсайрҳо ба ин самт бо автобуси ширкати Asian Express Terminal аз Душанбе то Хуҷанд ва аз он ҷо боз ба пойтахт баргаштаанд.

Муфассал... Шарҳ додан