АсосӣБойгонӣ

Навгонӣ

Озмуни беҳтарин лоиҳаи ангоравии Маҷмааи меъмории рамзи «Истиқлолият ва Озодӣ» дар шаҳри Душанбе

25 Январ 2018

Ҳукумати Ҷумҳурии Тоҷикистон бо мақсади ҳифзи арзишҳои фарҳангӣ, таҷассуми рукнҳои муҳими давлатдорӣ, боз ҳам баланд бардоштани ҳисси худшиносии миллӣ ва дар қалби шаҳрвандони мамлакат ҷой додани ғояҳои Истиқлолият ва озодӣ, инчунин ба хотири 30 - солагии ҷашни Истиқлолияти давлатии Ҷумҳурии Тоҷикистон озмуни беҳтарин лоиҳаи ангоравии Маҷмааи меъмории рамзи «Истиқлолият ва Озодӣ» - ро дар пойтахти мамлакат – шаҳри Душанбе эълон менамояд.

Озмун дар як давр гузаронида шуда, шахсони воқеӣ ва ҳуқуқии ватанию хориҷӣ метавонанд озодона дар он иштирок намоянд.

Муфассал... Шарҳ додан

Армуғони «Сухани халқ»

(1 овоз, миёна 1.00 аз 5)

25 Январ 2018

Таҳти ин унвон бо ташаббуси КИ ҲХДТ дар вилояти Суғд китоби нав рӯи чоп омад. «Армуғони «Сухани халқ»» маҷмӯаи мақолаҳои нашрияи КИ ҲХДТ дар вилояти Суғд – «Сухани халқ»-ро фаро гирифта, ба ифтихори 25-умин солгарди таъсисёбии ин ҳафтанома дар матбааи «Ношир» чоп шуд.

Китоб маҷмӯи мақолаҳои олимону муҳаққиқон, сиёсатшиносону фаъолони Ҳизби Халқии Демократии Тоҷикистон ва аҳли эҷоди нашрияи «Сухани халқ»-ро дар бар гирифта, аз нӯҳ боб иборат аст. Матолиби маҷмӯа мавзӯъҳои сиёсиву иқтисодӣ, фарҳангиву адабиро фарогир буда, ҳамчунин, наздики 50 мақолаҳои таҳлилии ҳайати эҷодӣ, ки давоми соли 2017 дар рӯзнома интишор гардидаанд, дар худ ҷой додааст.

Муфассал... Шарҳ додан

Хуҷанд: Таъмини устувории бозори истеъмолӣ

25 Январ 2018

Мақомоти иҷроияи ҳокимияти давлатии шаҳри Хуҷанд бо вуҷуди дар шароити ҳассоси иқтисодию молиявӣ ва ҷаҳонишавии кишварҳо қарор доштан тибқи дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҷиҳати баланд бардоштани сатҳи некўаҳволии мардум, пурзўр намудани иқтидори содиротии кишвар ва таъмини амнияти озуқаворӣ ҳамчун самтҳои афзалиятноки рушди миллии кишварамон, бо роҳи васеъ намудани доираи фаъолияти корхонаҳои саноатии мавҷудабуда, таъсиси корхонаҳои нави истеҳсоли маҳсулоти рақобатпазир ва ивазкунандаи воридот бо истифода аз технологияҳои инноватсионӣ чораҳои муассир андешида истодааст.

Муфассал... Шарҳ додан

Мулоқоти занони маҳаллаҳо бо духтурон

25 Январ 2018

Дар шаҳри Хуҷанд бо назардошти он ки саломатии мардум шарти муҳимтарини пешрафти мамлакат мебошад, ба ҳалли масъалаҳои вобаста ба тандурустии аҳолӣ эътибори аввалиндараҷа дода мешавад.

Дирӯз бо ибтикори шуъбаи кор бо занон ва оилаи мақомоти иҷроияи ҳокимияти давлатии шаҳри Хуҷанд дар қаҳвахонаи «Себарга» вохӯрии кормандони соҳаи тандурустӣ бо занони маҳаллаҳои «Дустии халқҳо», «Чашмаи Арзана», «Сирдарё» ва «Суғдиён» баргузор гардид.

Муяссар Сангинова, мудири шуъбаи кор бо занон ва оилаи мақомоти иҷроияи ҳокимияти давлатии шаҳри Хуҷанд назди ҳозирин баромад карда, аз ҷумла афзуд, ки барои вазъи сиҳатии омма, бахусус занон аз ҷониби Ҳукумати Ҷумҳурии Тоҷикистон, мақомоти иҷроияи ҳокимияти давлатии вилояту шаҳр диққати махсус зоҳир гардада, дар ин самт тадбирҳои мушаххас андешида шуда истодааст.

Муфассал... Шарҳ додан

Ҳамоиш: Ҳунар- беҳ аз симу зар!

(15 овоз, миёна 3.40 аз 5)

24 Январ 2018

Бо мақсади тараққӣ бахшидани ҳунарҳои мардумӣ, муаррифии шоистаи имкониятҳои сайёҳии мамлакат ва фарҳанги миллӣ дар арсаи байналмилалӣ, инчунин ҷалби сармоя ба инфрасохтори сайёҳӣ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон зимни Паёми навбатии хеш ба Маҷлиси Олии мамлакат соли 2018–ро Соли рушди сайёҳӣ ва ҳунарҳои мардумӣ эълон доштанд.
Дар такя ба нишондоди Паёми навбатии Президенти мамлакат мӯҳтарам Эмомалӣ Раҳмон ва дастури иҷрокунандаи вазифаи Раиси вилояти Суғд Раҷаббой Аҳмадзода дар Кохи «Суғдиён»-и шаҳри Хуҷанд ҳамоиши ҳунарҳои дастии мардуми Хуҷандшаҳр таҳти унвони «Ҳунар-беҳ аз симу зар! бо иштироки зиёди меҳмонон ва ашхоси касбу кори гуногун баргузор гардид.