АсосӣБойгонӣ

Навгонӣ

Раиси шаҳри Хуҷанд ба Консули Федератсияи Руссия изҳори тасаллият намуд

(1 овоз, миёна 3.00 аз 5)

22 Декабр 2016

Бегоҳии санаи 19-уми декабр дар пойтахти Ҷумҳурии Туркия, шаҳри Анқара дар натиҷаи сӯиқасд ба Сафири фавқуллода ва Мухтори Федератсияи Руссия дар Туркия Андрей Карлов ба ҳалокат расид. Ин ҳодиса аз сӯи ҷомеаи ҷаҳони вокунишҳои шидидро ба миён овард.
Рустам Рахматзода муовини аввали раиси вилояти Суғд ва Шариф Шарифзода раиси шахри Хучанд бо чанде аз зиёиёну сокинони марказивилоят бо гулхои тару тоза назди бинои Консулгарии Федератсияи Руссия дар шаҳри Хуҷанд ҷамъ омада, ҳамдардии худро ба даргузашти сафири Россия дар Туркия Андрей Карлов баён намуда, дар китоби қайди хотираҳо таъзияи худро баён карданд. Консули генералии Федератсияи Руссия дар шаҳри Хуҷанд Валерий Бондаренко таъкид намуд, ки баъди ба амал омадани ин ҳодисаи даҳшатангез сокинони тамоми давлатҳо бештар дарк менамоянд, ки ин амали гурӯҳҳои ифротгаро ҳаракати бераҳмонае аст, ки мо бояд ҳама якчоя бар зидди он мубориза барем.

Шарҳ додан

Паёми навбатии Пешвои миллатро кормандони мақомоти маҳаллӣ бо руҳбаландӣ пазируфтанд.

22 Декабр 2016

Имрӯз дар тамоми ташкилоту муассисаҳои шаҳри Хуҷанд, ҷомеаҳои меҳнатӣ, кормандони ташкилоту муассисаҳои гуногун, омӯзгорону муҳассилини талимгоҳхои маркази вилоят, зиёиён, тамошои якҷояи Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон ба Маҷлиси Олӣ сурат гирифт.
Дар маҷлисгоҳи Мақомоти иҷроияи ҳокимияти давлатии шаҳри Хуҷанд низ бо ширкати муовинон, роҳбари дастгоҳи Раиси шаҳр, мудирони шӯъба, роҳбарони воҳидҳои сохторӣ ва дигар кормандони мақомот дар маҷмӯъ бештар 150 нафар Паёми навбатии Пешвои миллатро тамошо намуда, онро чун раҳнамо ва нишондоди навбати барои фаъолияти минбаъда пазируфтанд.

Шарҳ додан

Қарори Комиссия “Оиди бақайдгирии вакилони Маҷлиси вакилони халқи шаҳри Хуҷанд”

(1 овоз, миёна 5.00 аз 5)

20 Декабр 2016

Қарори Комиссияи шаҳрии интихоботи шаҳрии интихобот доир ба интихоботи вакилони халқи шаҳри Хуҷанд аз 18.12.2016 №8.
Оиди бақайдгирии вакилони Маҷлиси вакилони халқи шаҳри Хуҷанд (даъвати панҷум) аз ҳавзаҳои интихоботии “Ситора”, №13 ва “Хуросон”, №29.
Мутобиқи моддаҳои 43 ва 44 Қонуни конститутсионии Ҷумҳурии Тоҷикистон «Дар бораи интихоботи вакилон ба Маҷлисҳои маҳаллии вакилони халқ» ва бо назардошти протоколи №5 аз 18 декабри соли 2016, комиссияи ҳавзавии интихобот дар бораи натиҷаи интихобот дар ҳавзаи интихоботии “Ситора”, №13 ва “Хуросон”, №29 оид ба интихоботи вакилон ба Маҷлиси вакилони халқи шаҳри Хуҷанд (даъвати панҷум) Муҳаммадҷонзода Маъруф Тӯхтабой дар ҳавзаи интихоботии “Ситора”, №13 ва Ғайбуллозода Хайрулло дар ҳавзаи интихоботии“Хуросон”, №29 вакили Маҷлиси вакилони халқи шаҳри Хуҷанд интихобшуда дониста шуданашон Комиссияи шаҳрии интихобот қ а р о р к а р д:

Муфассал... Шарҳ додан

Ғолибияти барномасозон ва энергетикҳои оянда дар маҳфили зарифон

22 Декабр 2016

Бо мақсади роҳандозии қарори Раиси вилоят дар бораи баргузории маҳфили зарифон байни факултетҳои муассисаҳои олӣ баҳри тарғиби худшиносиву худогоҳӣ, дарёфти истеъдодҳои нав дар Қасри ҷавонони ба номи Лоиқ Шералӣ маҳфили зарифони Донишкадаи политехникии Донишгоҳи техникии Тоҷикистон бо ширкати чор даста аз чор факултети донишкада сурат гирифт.
Донишҷӯёни зарофатгӯю ҳунарпешаи ҳамаи факултетҳо аз иҷрои шартҳои саломнома, саволу ҷавоб, намоиши видеоролик ва озмуни мусиқӣ бо сарбаландона баромада, ба аҳли нишаст намоиши хеле диданӣ ҳадя карданд. Ҳайати ҳакамон, ки аз роҳбарон ва аъзоёни лигаи олии маҳфили зарифони вилоят иборат буданд, ба ҳунару малакаи ҷавонон баҳои баланд доданд.
Дар ҷамъбаст шогирдони факултети информатика ва энергетика ҷойи аввал, зинаҳои баъдиро дастаҳои факултети муҳандисӣ-технологӣ, муҳандисӣ- иқтисодӣ ва сохтмон ва нақлиёт соҳиб шуданд.

Муфассал... Шарҳ додан

“Ганҷи сухан”: дастовардҳои фараҳбахш

19 Декабр 2016

Нишасти 146-умини маҳфили илмиву адабии “Ганҷи сухан”, ки санаи 15 декабри соли 2016 дар толори раёсати Донишгоҳи давлатии Хуҷанд ба номи академик Бобоҷон Ғафуров баргузор гардид бештар аз 200 нафар мухлисони адабу илмро ба ҳам овард. Маҳфилро масъули он Саидумрон Саидов ифтитоҳ бахшида ҳозиринро бао нақшаи кории он ошно намуд. Сипас бо сухани ифтитоҳӣ муовини ректори ДДХ ба номи академик Бобоҷон Ғафуров Абдуфаттоҳ Раҳимов баромад намуда ҳозиринро ба донишгоҳ хайрамақдам гуфт. Дар бахши навгониҳои илмиву адабӣ ва фарҳангӣ дар мавзуи “Назаре ба фаъолияти солонаи нашриёти “Ношир” сармутахассиси шӯъбаи илми ДДХ ба номи академик Бобоҷон Ғафуров, номзади илмҳои филология, дотсент Ромиз Абдулло баромад карда ҳозиринро бо китобҳои дар соли 2016 ба интишор расидаи нашриёти “Ношир” ошно кард.