АсосӣБойгонӣ

Навгонӣ

Таъиноти муовинони Раиси шаҳри Хуҷанд

18 Апрел 2018

Дар толори Мақомоти иҷроияи ҳокимияти давлатии шаҳри Хуҷанд муаррифии муовинони нави Раиси шаҳри Хуҷанд баргузор гардид.

Раиси шаҳри Хуҷанд Маъруф Муҳаммадзода бо розигии Президенти Ҷумҳурии Тоҷикистон мӯҳтарам Эмомалӣ Раҳмон ва Раиси вилояти Суғд Раҷаббой Аҳмадзода қарорҳои хешро ба тавсиб расонд, ки тибқи он Фирӯза Нуруллозода ва Ҷамшед Абдуқаюмзода ба вазифаҳои муовинони Раиси шаҳр таъин гардиданд.

Фирӯза Нуруллозода хатмкардаи факултети забонҳои шарқи ДДХ ба номи академик Бобоҷон Ғафуров буда, дар ин донишгоҳ дар вазифаҳои гуногун, аз ҷумла то ба вазифаи декани факултети забонҳои шарқ кор кардааст. Солҳои 2010-2011 дар мансаби мудири шуъбаи кор бо занон ва оилаи шаҳри Хуҷанд низ фаъолият дошт.

Муфассал... Шарҳ додан

Озмуни «Ҳунарманди беҳтарин»-и маҳаллаҳои шаҳр оғоз гардид

18 Апрел 2018

Дирӯз дар Хона-музейи Хоҷа Камоли Хуҷандии шаҳри Хуҷанд даври аввали озмуни «Ҳунарманди беҳтарин» байни маҳаллаҳои шаҳри Хуҷанд, ки бахшида ба соли 2018 «Соли рушди сайёҳӣ ва ҳунарҳои мардумӣ» эълон шудааст, баргузор гардид.

Дар озмун 14 нафар ҳунармандони маҳаллаҳои «1-май», «Ҷаббор Расулов», «Содирхон Ҳофиз» ва «Сари баландӣ» иштирок карда, намунаи ҳунари хешро ба ҳайати ҳакамот пешкаш намуданд.

Ҳамин тавр, аз рӯйи натиҷаи даври аввали озмун қурокдӯз Каромат Ашӯрматова аз маҳаллаи «Ҷаббор Расулов», дар номиннатсияи «Беҳтарин ҳунар», кешбоф Башорат Ваҳҳобова аз маҳаллаи «Содирхон Ҳофиз» дар бахши «Беҳтарин муаррифӣ», аспоби мусиқисоз Абдуғаффор Абдусамадов аз маҳаллаи «1 май» дар номиннатсияи «Оилаи ҳунарманд», кулолгар Ғаниҷон Зокиров аз маҳаллаи «Сари баландӣ» дар бахши «Беҳтарин устод» ғолиб дониста шуда, ба даври шаҳрии озмуни «Ҳунарманди беҳтарин» роҳхат гирифтанд.

Муфассал... Шарҳ додан

Вадим Касянов бо хатмкунандагони шаҳри Хуҷанд мулоқот намуд

(1 овоз, миёна 1.00 аз 5)

17 Апрел 2018

Ректори Донишгоҳи давлатии геологияи иктишофии Руссия Вадим Касянов бо хатмкунандагони макотиби таҳсилоти умумии шаҳри Хуҷанд мулоқот намуд.

Вохӯриро Раиси шаҳри Хуҷанд Маъруф Муҳаммадзода ифтитоҳ намуда, аз ҷумла афзуд, ки Истиқлолият барои мо шароити созгор ва имконияти фаровон баҳри гирифтани таҳсилоти олӣ хусусан дар хориҷи кишвар фароҳам сохт. Бо вуҷуди зиёд будани миқдори муассисаҳои олии кишвар, имрӯз роҳбарияти донишгоҳҳои хориҷӣ азм доранд, ки ҷавонони тоҷик довталаби муассисаҳои олияшон бошанд. Ташрифи ректорони донишгоҳҳои олии Федератсияи Руссия ва мулоқоти эшон бо хатмкунандагони макотиби шаҳр тасдиқи гуфтаҳои болоист.

Муфассал... Шарҳ додан

Дар Бадахшон хачми калони нашъа мусодира шуд

17 Апрел 2018

https://www.youtube.com/watch?v=hFOdbq0eXHw

Шарҳ додан

Раиси вилоят ба азнавсозии «Қалъаи Хуҷанд» суръат бахшид

(1 овоз, миёна 5.00 аз 5)

17 Апрел 2018

Дирӯз Раиси вилояти Суғд Раҷаббой Аҳмадзода зимни боздиди корӣ бо рафти корҳои ободониву созандагӣ дар шаҳри Хуҷанд шинос шуд. Раиси вилоят нахуст ба Қалъаи Хуҷанд, ки яке аз мавзеъҳои таърихиву қадимии маркази вилоят маҳсуб меёбад, ташриф оварда, бо олимону таърихшиносон ва рассомону сохтмончиён машварати корӣ доир намуд. Дар машварат иттилоъ дода шуд, ки дар асоси супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Қалъаи Хуҷанд таҷдид гардида, ба макони ободу сарсабз табдил дода хоҳад шуд. Қалъаи таърихии Хуҷанд дар маркази шаҳр, дар соҳили рости дарёи Сир ҷойгир буда, қабл аз ин дар солҳои гуногун навсозӣ шудааст. Дар ин бора аз Хадамоти матбуоти Раиси вилоят иттилоъ доданд.