АсосӣБойгонӣ

Навгонӣ

Мулоқоту музокироти сатҳи олии Тоҷикистону Қирғизистон

02 Феврал 2018

Баррасии масоили вобаста ба рушди муносиботи дӯстӣ ва густариши ҳамкории бисёрпаҳлӯи ду кишвар дар мулоқоти хосаи сарони давлатҳо оғоз гардида, дар музокироти васеъ бо иштироки ҳайатҳои расмии ҳар ду ҷониб идома ёфт.

Дар оғози мулоқот Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Президенти Ҷумҳурии Қирғизистон ва ҳайати ҳамроҳи ӯро барои ташрифашон ба сарзамини меҳмоннавози Тоҷикистон хайрамақдам гуфтанд.

Сарвари давлат таъкид доштанд, ки боздиди аввалини расмии роҳбари кишвари дӯст ба ҳайси Президент дар соли таҷлил аз 25 - умин солгарди истиқрори муносибатҳои дипломатӣ сурат мегирад ва имкон аст, ки зимни ин сафар бо кӯшишҳои муштарак, муносибатҳои бисёрҷонибаи Тоҷикистону Қирғизистон ба сатҳи сифатан нав бароварда шаванд.

Муфассал... Шарҳ додан

Сафари расмии Президенти Ҷумҳурии Қирғизистон Сооронбой Жээнбеков ба Тоҷикистон

01 Феврал 2018

1 феврали соли 2018 Президенти Ҷумҳурии Қирғизистон Сооронбой Жээнбеков бо сафари расмӣ вориди Ҷумҳурии Тоҷикистон шуд.

Маросими истиқболи расмии меҳмони олимақом дар назди Қасри миллат баргузор гардид.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Президенти Ҷумҳурии Қирғизистон Сооронбой Жээнбековро гарму самимӣ истиқбол гирифта, ба болои шоҳсуфаи ифтихорӣ даъват карданд.

Маросими истиқбол бо гузориши фармондеҳи Горди фахрӣ, садо додани сурудҳои миллии ду кишвар, гузаштани сарони давлатҳо аз назди қатори сарбозон, арзи эҳтироми меҳмони олимақом ба Парчами давлатии Тоҷикистон, шиносоӣ бо ҳайатҳои расмии ду ҷониб ҷараён гирифта, бо гузашти низомии ҷузъу томҳои Горди фахрӣ аз назди сарони ду давлат анҷом ёфт.

Муфассал... Шарҳ додан

«Бойчечак»-ро кӣ гирифт?

01 Феврал 2018

Дар муассисаи давлатии “Мактаби варзишии №1”-и шаҳри Хуҷанд мусобиқаи шаҳри Хуҷанд оид ба футбол барои Дарёфти Ҷоизаи «Бойчечак-2018» байни мактабҳои таҳсилоти миёнаи умумии шаҳри Хуҷанд байни бачагони соли таваллудашон 2005-2006, 2003-2004 ва 2001-2002-ум ҷамъбаст ва ба ғолибон ҷом ва ифтихорномаҳо тақдим карда шуд.

Дар назди ҳозирин мудири бахши кор бо ҷавонон ва варзиши мақомоти иҷроияи ҳокимияти давлатии шаҳри Хуҷанд Бахтиёр Исматҷонов, мудири шуъбаи маориф Илҳом Султонӣ баромад намуда, ҳадаф аз гузаронидани чунин чорабиниҳои варзиширо байни мактаббачагон дар давраи таътили зимистона шарҳ доданд.

Муфассал... Шарҳ додан

Мулоқот бо Роҳбари ширкати «Салини Импреҷило» (Salini Impregilo) Пиетро Салини

01 Феврал 2018

31 январ дар Бӯстонсарои шаҳрии Ҳукумати Ҷумҳурии Тоҷикистон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Роҳбари ширкати «Салини Импреҷило» (Salini Impregilo) Пиетро Салиниро ба ҳузур пазируфтанд.

Дар мулоқот масъалаҳои ҳамкории Тоҷикистон бо Ширкати «Салини Импреҷило» дар бунёду барқарорсозии иншооти гидроэнергетикӣ, аз ҷумла Неругоҳи барқи обии “Роғун” мавриди баррасӣ қарор дода шуд.

Ҷонибҳо доир ба сатҳу сифати корҳои сохтмонӣ дар иншооти муҳими гидроэнергетикӣ табодули афкор карда, таъмини иҷрои саривақтии нақшаи корҳои лоиҳавиро баррасӣ карданд.

Муфассал... Шарҳ додан

6 бародаршаҳри Хуҷанд

31 Январ 2018

Имрӯз шаҳри Хуҷанд бо шаҳрҳои Ганҷаи Ҷумҳурии Озорбойҷон, Оренбурги Федератсияи Руссия, Шимкенти Ҷумҳурии Қазоқистон, Оши Ҷумҳурии Қирғизистон, Могилеви Ҷумҳурии Белорус ва Табрези Ҷумҳурии Исломии Эрон алоқаи бародаршаҳрӣ дорад.

Бояд зикр намуд, ки аҳди бародаршаҳрӣ бо шаҳри Ганҷаи Ҷумҳурии Озорбойҷон санаи 30-юми сентябри соли 2012, бо шаҳри Оренбурги Федератсияи Русия 7 –уми декабри соли 1993, бо шаҳри Шимкенти Ҷумҳурии Қазоқистон 21-уми апрели соли 2003, бо шаҳри Оши Ҷумҳурии Қирғизистон 3-юми июни соли 2000-ум ва бо шаҳри Могилеви Ҷумҳурии Белорус санаи 24 –уми майи соли 2014 баста шудааст.

Муфассал... Шарҳ додан