АсосӣБойгонӣ

Навгонӣ

Суханронӣ дар маҷлиси тантанавӣ бахшида ба 25-солагии таъсисёбии Қувваҳои Мусаллаҳ

24 Феврал 2018

Муҳтарам генералҳо, афсарон ва сарбозони шуҷои Ватан!
Муҳтарам собиқадорони Қувваҳои Мусаллаҳ!

Имрӯз мо бисту панҷумин солгарди таъсисёбии Қувваҳои Мусаллаҳи Тоҷикистони соҳибистиқлоламонро бо шукргузорӣ аз фазои орому осоиштаи Ватани азизамон ҷашн мегирем.

Ба ин муносибат ҳайати шахсии ҷузъу томҳои ҳарбиро, ки дар бунёди ҷомеаи демократӣ, ҳуқуқбунёду дунявӣ, ҳифзи марзу буми Ватан ва таъмини амнияти давлату ҷомеа саҳми бузург доранд, бо камоли ифтихор ва самимона табрик менамоям.

Қувваҳои Мусаллаҳи Ҷумҳурии Тоҷикистон зодаи даврони истиқлолияти давлатӣ ва яке аз дастовардҳои муҳимми он ба ҳисоб рафта, аз рӯзҳои аввали таъсисёбӣ дар назди онҳо вазифаҳои муқаддасу пуршараф - ҳимояи соҳибихтиёрӣ, таъмини сулҳу субот, ҳифзи амнияти давлат ва ҷомеа гузошта шуданд.

Муфассал... Шарҳ додан

Собиқадорон аёдат гардиданд

23 Феврал 2018

Субҳи имрӯз муовини аввали раиси вилояти Суғд Рустам Раҳматзода ва Раиси шаҳри Хуҷанд Маъруф Муҳаммадзода бо мақсади аёдат ва расонидани Паёми шодбошии Асосгузори сулҳу Ваҳдати миллӣ-Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон, генерали Артиш муҳтарам Эмомалӣ Раҳмон ба манзили ашхоси хизматнишондодаи мамлакат рафтанд.

Яке аз онҳо, Шаҳрванди фахрии шаҳри Хуҷанд Баҳриддин Ахмедов мебошад, номбурда 23 сол дар вазифаи котиби комиҷроияи вилояти Ленинобод кор карда, 35 сол депутати Шӯрои қишлоқ, ноҳия ва вилоят буд. Барои фаъолияти пурсамараш бо мукофотҳои давлатӣ, аз ҷумла 13 медалҳои СССР ва Ҷумҳурии Тоҷикистон, ду ордени Нишони фахрии СССР, ордени Дӯстии Ҷумҳурии Тоҷикистон ва унвони Ходими хизматнишондодаи маданияти Тоҷикистон шарафёб гардидааст.

Муфассал... Шарҳ додан

«Ҳомиёни ҷасури Ватан» дар «Спартак» қувваозмоӣ намуданд

22 Феврал 2018

Бо ташаббуси бахши кор бо ҷавонон ва варзиши шаҳри Хуҷанд якҷоя бо шӯъбаи маорифи шаҳри Хуҷанд, иттифоқи собиқадорони ҷанговарони интернатсионалист, комиссариати ҳарбии шаҳри Хуҷанд ва дастгирии Мақомоти иҷроияи ҳокимияти давлатии шаҳри Хуҷанд бо мақсади баланд бардоштани ҳисси ватандӯстӣ, тарбияи ахлоқӣ ва маънавии ҷавонон, тайёр намудани ҷавонон барои хизмат ба сафи Қувваҳои Мусаллаҳи Ҷумҳурии Тоҷикистон, санҷиши донишу малакаи касбии онҳо дар Муассисаи давлатии варзишгоҳи «Спартак»-и шаҳри Хуҷанд мусобиқаи ҳарбӣ – варзишии «Ҳомиёни ҷасури Ватан» байни хонандагони муассисаҳои таҳсилоти миёнаи умумӣ, литсей ва гимназияҳои шаҳр баргузор гардид.

Мусобиқа аз рӯи чунин шарти ҳаракатҳои сафӣ, давидан ба масофаи 100 метр, партоб намудани норинчак ба масофаи муайян, кашидани вазн, вазнбардорӣ, ба қисмҳо ҷудо ва ҷамъ кардани қисмҳои силоҳи оташфишони тамғаи Калашников, тирҷойкунӣ ба тирдон, тирпарронӣ аз туфанги пневматикӣ ва ғайраҳо сурат гирифт.

Муфассал... Шарҳ додан

Таҷлили 25 солагии Артиши миллӣ дар шаҳри Хуҷанд

23 Феврал 2018

Дар толори Кохи «Суғдиён»-и шаҳри Хуҷанд бо иштироки сарбзону афсарон, собиқадорони Қувваҳои Мусаллаҳ, Шаҳрвандони фахрии шаҳри Хуҷанд, иштирокчиёни интернатсионалист, барқароркунандагони сохти конститусионӣ ва фаъолони шаҳр бахшида ба 25 солагии Қувваҳои Мусаллаҳи Ҷумҳурии Тоҷикистон маҷлиси тантанавӣ баргузор гардид.

Дар чорабинӣ муовини аввали Раиси вилояти Суғд Рустам Раҳматзода иштирок намуда, табрикоти иҷрокунандаи вазифаи Раиси вилояти Суғд Раҷаббой Аҳмадзодаро расонида, аз ҷумла афзуд, ки «Сарфармондеҳи Олии Қувваҳои Мусаллаҳи Ҷумҳурии Тоҷикистон, генерали Артиш муҳтарам Эмомалӣ Раҳмон бо ишора ба садоқати ин неруи тавоно ва сипари боэътимоди давлат қайд намудаанд:

Муфассал... Шарҳ додан

Кӯдакон-ҳимоятгарони ояндаи Ватан

22 Феврал 2018

Дар 41 муассисаҳои таълимии томактабии шаҳри Хуҷанд маҳфилҳои хушҳолии идона бахшида ба 25 солагии Қувваҳои мусаллаҳи Ҷумҳурии Тоҷикистон сурат гирифта истодааст. Чунин чорабинии тарбиявӣ дар ширхоргоҳ-кӯдакистони № 32-и шаҳри Хуҷанд бо иштироки сарбозони қисми ҳарбӣ, волидайн ва кӯдакону мураббиёни ин муассисаи таълимӣ сурат гирифт.

Гуруҳҳои омодагӣ ба мактаб бо роҳбарии мураббия Фотима Амонова маҳфили хушҳолии идонаро таҳти унвони “Мо ҳимоятгарони Ватан” дар сатҳи баланд гузарониданд. Тарбиягирандагони ин муассиса бо шеъру суруд ва рақсу бозиҳои мавзун садоқатмандӣ ва дӯстдории хешро ба сарзамини аҷодӣ, Ватани маҳбубашон баён сохтанд.

Муфассал... Шарҳ додан