АсосӣБойгонӣ

Навгонӣ

Мардуми мо сиёҳпӯш набуд

11 Июн 2018

Дар доираи нақша-чорабиниҳои Мақомоти иҷроияи ҳокимияти давлатии шаҳри Хуҷанд бо ибтикори шуъбаи кор бо занон ва оилаи шаҳр дар ҳамкорӣ бо занони фаъолу мақомоти дахлдор дар минтақаи бозори «Панҷшанбе», маркази савдои “Абдулазиз”, “Шарқ”, “ Тоҷир”, “Афросиёб”-и шаҳри Хуҷанд ҷиҳати эҳтироми либоси миллӣ, арҷгузорӣ ба суннатҳои қадимаи миллии мо, аз байн бурдани тамоюли бегонапарастӣ, тақлид ба фарҳанги либоспӯшии ғайр пешгирии шомилшавии занону духтарон ба ҳар гуна ҷараёнҳои ифротӣ корҳои тарғиботиву ташвиқотӣ гузаронида шуд.

Мушоҳидаҳо нишон доданд, ки мутаасифона гуруҳе аз ҷавонону занон ғарбпарасту туркпараст ва хусусан арабпараст гардида, арҷгузорӣ ба либоси миллиро ба кӯйи фаромӯшӣ ниҳодаанд. Мувофиқи сарчашмаҳои қадима мардуми мо либоси зебои духтаронаю занона дошта ҳеҷ гоҳ сиёҳпуш набуданд, ҳатто либоси мотамии мардуми мо сиёҳ набуд.

Муфассал... Шарҳ додан

Мулоқот бо роҳбари Ширкати “Чайна глобал” Хуанг Ҷийен Ронг

11 Июн 2018

11 июн дар доираи сафари корӣ дар музофоти Хэнани Ҷумҳурии Мардумии Чин Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳбарони як қатор ширкатҳои бонуфузи Чинро, ки бо ворид кардани сармоя, таъсиси корхонаҳои муштарак дар пешрафти иқтисодиёти кишвари мо саҳм мегузоранд, мулоқот карданд.

Зимни суҳбат бо роҳбари Ширкати “Чайна глобал” Хуанг Ҷийен Ронг масъалаи таҳкиму густариши ҳамкорӣ, ҷалби ҳар чи бештари сармояи чинӣ ба иқтисодиёти Тоҷикистон, таъсиси корхонаҳои муштараки саноатӣ бо истифода аз фазои мусоиди сармоягузорӣ муҳокима карда шуд.

Муфассал... Шарҳ додан

Идомаи сафари корӣ дар вилояти Хэнани Ҷумҳурии Мардумии Чин ва мулоқот бо Губернатори вилоят Чен Рунер

11 Июн 2018

10 июни соли 2018 пас аз иштирок дар Ҷаласаи шӯрои сарони давлатҳои аъзои Созмони Ҳамкории Шанхай Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳри Ҷенҷоуи вилояти Хэнани Чин ташриф оварданд.

Дар фурудгоҳи байналмилалии Ҷенҷоу меҳмони олимақом, Сарвари давлати Тоҷикистон муҳтарам Эмомалӣ Раҳмонро намояндагони воломақоми ҳукумати вилояти Хэнан гарму самимӣ истиқбол гирифтанд.

Дар доираи сафар Сарвари давлат муҳтарам Эмомалӣ Раҳмон нахуст бо Губернатори вилояти Хэнан Чен Рунер мулоқот карда, масъалаҳои ҳамкории байниминтақавии Тоҷикистону Чинро баррасӣ карданд.

Президенти мамлакат таъкид доштанд, ки мо аз рушди ҳамкории гуногунҷанба бо кишвари дӯсту ҳамсояи Чин қаноатмандем ва дар байни онҳо ҳамкорӣ дар сатҳи минтақаҳо ҷойгоҳи муҳим дорад.

Муфассал... Шарҳ додан

Мулоқот бо Котиби Кумитаи ҳизбии вилояти Хенан Ван Гошен

11 Июн 2018

11 июни соли 2018 дар шаҳри Ҷенҷоуи вилояти Хэнан Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Котиби Кумитаи ҳизбии вилояти Хенан Ван Гошен мулоқот карданд.

Дар ҷараёни вохурӣ масоили рушду густариши муносибатҳои ҳамкории дуҷониба дар бахши сиёсат, иқтисодиёт, робитаҳои муҳими тиҷоратию иқтисодӣ, табодули таҷриба баҳри пешрафти соҳаи кишоварзӣ ва дигар самтҳои барои ҳар ду ҷониб судманд баррасӣ карда шуд.

Президенти мамлакат аз сатҳ ва мазмуну муҳтавои ҳамкории шарикӣ бо Чин, ки бар асоси боварию эътимод ба манфиати мардумони Тоҷикистону Чин ба роҳ монда шуда, бахшҳои муҳим, аз ҷумла сиёсӣ, тиҷоратию иқтисодӣ ва гуманитариро дар бар мегирад, изҳори қаноатмандӣ карданд.

Муфассал... Шарҳ додан

Иштирок дар Ҷаласаи Шӯрои сарони давлатҳои аъзои Созмони Ҳамкории Шанхай

11 Июн 2018

10 июни соли 2018 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Ҷаласаи Шӯрои сарони давлатҳои аъзои Созмони Ҳамкории Шанхай дар шаҳри Чиндаои Ҷумҳурии Мардумии Чин иштирок ва суханронӣ карданд.

Ҷаласаи навбатии Шӯрои сарони давлатҳои аъзои Созмони Ҳамкории Шанхай ин навбат дар ҳайати 8 кишвари аъзо - Ҷумҳурии Тоҷикистон, Ҷумҳурии Ҳиндустон, Ҷумҳурии Мардумии Чин, ҷумҳуриҳои Қазоқистону Қирғизистон, Ҷумҳурии Исломии Покистон, Федератсияи Россия ва Ҷумҳурии Ӯзбекистон баргузор шуд.

Дар макони баргузории ҷаласа Маркази ҳамоишҳои байналмилалии Чин Президенти Ҷумҳурии Тоҷикистон муҳтарам Эмомалӣ Раҳмон ва дигар сарони давлатҳою ҳайатҳои воломақомро Раиси Ҷумҳурии Мардумии Чин Си Ҷинпин истиқбол гирифт.

Муфассал... Шарҳ додан