АсосӣБойгонӣ

Навгонӣ

Дар рӯзи қабули шаҳрвандон 33 нафар муроҷиат намуданд

(1 овоз, миёна 1.00 аз 5)

07 Июл 2018

Субҳи имрӯз Раиси шаҳри Хуҷанд Маъруф Муҳаммадзода дар маҷлисгоҳи Мақомоти иҷроияи ҳокимияти давлатии шаҳри Хуҷанд бо иштироки муовинони Раиси шаҳр, роҳбари дастгоҳи Раиси шаҳр, роҳбарони шуъбаву сохторҳои шаҳр ва масъулини дахлдор рӯзи қабули шаҳрвандонро баргузор намуд, ки дар ин рӯз 33 нафар сокинони шаҳр бо масъалаҳои гуногун ба шаҳрдор муроҷиат намуданд.

Шаҳрвандон вобаста ба масоили кӯмаки муолиҷавӣ, сохтмон, баҳси замин, ободии маҳал, мусоидат ҷиҳати баргузории тӯйи хонадоршавӣ, таъмин бо ҷойи кор, таъмири боми хона ва ғайраҳоро муроҷиат намуданд. Раиси шаҳри Хуҷанд Маъруф Муҳаммадзода ба масъулини дахлдор ҷиҳати саривақт баррасӣ намудани муроҷиатҳо дар асоси талаботи Қонуни Ҷумҳурии Тоҷикистон «Дар бораи муроҷиатҳои шахсони воқеъӣ ва ҳуқуқӣ» дастуру супоришҳои мушаххас дод.

Муфассал... Шарҳ додан

Мулоқот бо Президенти Ҷумҳурии Ӯзбекистон Шавкат Мирзиёев

07 Июл 2018

6 июл дар шаҳри Остонаи Ҷумҳурии Қазоқистон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи иштирок дар чорабиниҳои бахшида ба 20-солагии ба шаҳри Остона додани мақоми пойтахти кишвар бо Президенти Ҷумҳурии Ӯзбекистон Шавкат Мирзиёев мулоқоти судманду самимӣ доир карданд.

Дар ҷараёни суҳбат масъалаҳои муҳимтарини рушду таҳкими ҳамкории дуҷониба дар ҳамаи арсаҳои манфиатҳои муштарак мавриди баррасӣ қарор гирифтанд.

Президенти мамлакат муҳтарам Эмомалӣ Раҳмон аз имкони дидори навбатӣ изҳори хушнудӣ карда, натиҷаҳои сафари давлатии ҳамтои худро ба Тоҷикистон, ки моҳи марти соли 2018 сурат гирифт, барои рушду густариши муносибатҳои гуногунҷанбаи ҳамкорӣ, дӯстӣ ва ҳусни ҳамҷаворӣ муҳимму арзишманд арзёбӣ намуданд.

Муфассал... Шарҳ додан

Кӯмакпулиҳо ба маъюбон ҷудо карда шуд

06 Июл 2018

Бо мақсади иҷрои дастуру супоришҳои Асосгузори сулҳу Ваҳдати миллӣ Пешвои миллат, Президенти мамлакат мӯҳтарам Эмомалӣ Раҳмон бахшида ба Рӯзи маъюбон тибқи қарори Раиси вилояти Суғд Раҷаббой Аҳмадзода ба 70 нафар ба маблағи 200 сомонӣ ва қарори Раиси шаҳри Хуҷанд Маъруф Муҳаммадзода ба 50 нафар маъюбони гурӯҳи якум ва кӯдакони маъюби то синни 18 сола ба андозаи 150 сомонӣ кӯмакпулии якдафъаина ҷудо карда шуд.

Ин маблағҳоро ашхоси табақаи зикргардида, тариқи нуқтаҳои бонки давлатии «Амонатбонк» тибқи рӯйихати ба қарорҳо замимагардида дастрас карда метавонанд.

Ҳамзамон бахши ҳифзи иҷтимоии шаҳри Хуҷанд муваззаф гардидааст, ки бо мақсади ҳамоҳангсозии чорабиниҳои аёдати маъюбон, дастгирии моддии онҳо, ташкили дастархони хайрия дар хона интернатҳо ва марказҳо барои маъюбон ва пиронсолони шаҳр тадбирҳо андешанд.

Муфассал... Шарҳ додан

Иштирок дар маросими муаррифии “Маркази байналмилалии молиявии Остона”

07 Июл 2018

6 июли соли 2018 дар доираи сафари корӣ дар Ҷумҳурии Қазоқистон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Остона дар муаррифии “Маркази байналмилалии молиявии Остона” иштирок карданд.

Дар маросими муаррифии “Маркази байналмилалии молиявии Остона” Сарони кишварҳои Тоҷикистон Эмомалӣ Раҳмон, Ӯзбекистон Шавкат Мирзиёев, Қазоқистон Нурсултон Назарбоев ва Қирғизистон Сооронбой Жээнбеков иштирок намуданд.

Президенти мамлакат муҳтарам Эмомалӣ Раҳмон роҳбарияти давлату ҳукумат ва мардуми Ҷумҳурии Қазоқистонро ба муносибати 20 - умин солгарди ба шаҳри Остона додани мақоми пойтахт ва ифтитоҳи “Маркази байналмилалии молиявии Остона” табрик гуфта, ба давлат ва халқи ин кишвари дӯст шукуфоию пешрафт орзу намуданд.

Муфассал... Шарҳ додан

Ярмаркаи V-уми байналмилалии савдо “Суғд-водии имконот 2018” дарҳояшро боз намуд!

06 Июл 2018

Дар толори «Қасри варзиш»-и шаҳри Хуҷанд» маросими ифтитоҳии Ярмаркаи V-уми байналмилалии савдо “Суғд-водии имконот 2018” бо ҳузури Раиси вилояти Суғд Раҷаббой Аҳмадзода, намояндагони корпусҳои тиҷоратии минтақавӣ ва хориҷи дур баргузор гардид.

Раиси вилояти Суғд Раҷаббой Аҳмадзода зимни баромади худ таъкид дошт, ки ярмаркаи V-уми байналмилалии савдо “Суғд- водии имконот 2018” бо мақсади дастгирии рушди савдои байналмилалӣ, баланд бардоштани нерӯи содиротӣ, ба роҳ мондани ҳамкории судманд бо давлатҳои хориҷии дуру наздик, ҷалби сармоягузорӣ ва воридоти технологияҳои муосир доир гардида истодааст, ки дар он иштироки намояндагони доираҳои тиҷоратии Русия, Чин, Қазоқистон, Қирғизистон, Ӯзбекистон, Кореяи ҷанубӣ, ташкилотҳои байналхалқӣ, ҳамзамон соҳибкорону ҳунармандон аз шаҳри Душанбе, вилоятҳои Суғд, Хатлону Бадахшон ва навоҳии тобеи марказ бо молу маҳсулоти худ ҳузур доранд.

Муфассал... Шарҳ додан