АсосӣБойгонӣ

Навгонӣ

Дар шаҳри Хуҷанд маъракаи ниҳолшинонӣ оғоз ёфт.

(1 овоз, миёна 5.00 аз 5)

15 Декабр 2014

Дар шаҳри Хуҷанд шурӯъ аз санаи 15 декабр маъракаи ниҳолшинонӣ ва кабудизоркунии маркази вилоят оғоз мегардад. Дар асоси супориши Раиси шаҳри Хуҷанд Раҷаббой Аҳмадзода тамоми корхонаю муассисаҳо бояд ба ин мавсим иштироки фаъолона намоянд.
Дар ҷаласаи корӣ муовини аввали Раиси шаҳри Хуҷанд Иброҳим Иброҳимов ба Раҷаббой Аҳмадзода маълумот дод,ки дар асоси ин супориш то имрӯз ҳазор бех ниҳоли сӯзанбарги «Ардач» харидорӣ шуда, кормандони Раёсати ободонӣ ва хоҷагию коммуналӣ ва ҳамчунин идораи кабудизоркунӣ ба шинондани онҳо оғоз намудаанд. Ҳамзамон Раиси шаҳри Хуҷанд бобати харидорӣ намудани боз ҳазор бех дарахтони ороишӣ супориш дода таъкид намуд, ки корҳои ободонӣ ҳатман бояд зери назорати мутахассисон сурат гирад.

Муфассал... Шарҳ додан

Соли оянда дар шаҳри Хуҷанд «Соли гулкорӣ ва ободкорӣ дар маҳаллаҳо» эълон шуд.

(1 овоз, миёна 5.00 аз 5)

15 Декабр 2014

Бо ташаббуси Раиси шаҳри Хуҷанд Раҷаббой Аҳмадзода соли 2015 «Соли гулкорӣ ва ободкорӣ дар маҳаллаҳо» эълон шуд. Вобаста ба ин масъала Раиси шаҳри Хуҷанд дар ҷаласаи кории худ ба муовинон ва мудирони шӯъбаҳои дахлдор супориш дод, ки нақша-чорабиниҳои мушаххасро таҳия намуда, корҳои гулзоркунӣ ва ободониро дар маҳаллаҳои шаҳри Хуҷанд пешбинӣ намоянд. Раҷаббой Аҳмадзода таъкид намуд, ки дар тамоми 22 маҳаллаҳои маркази вилоят бо иштироки фаъолонаи сокинони маҳалла таъмиру мумфаршкунии кӯчаҳо идома дода шуда, дар мавзеҳои оммавӣ,чойхонаҳо корҳои ободонӣ ва гулзоркунӣ вусъат дода шаванд.
Дар баробари ин Раиси шаҳр доири беҳтар намудани кору фаъолияти чойхонаҳо таъкид намуда, ба роҳбарони воҳидҳои сохтории Мақмоти иҷроияи ҳокимияти давлатии шаҳри Хуҷанд супориш дод, ки барои бунёди чойхонаҳо дар маҳаллахо ва хусусан дар маҳаллаҳои соҳили рости Хуҷанд чораҳои амалӣ андешанд.

Шарҳ додан

Раиси шаҳр сифати корҳои сохтмонии бозорҳои осебдидаро талаб намуд.

(2 овоз, миёна 5.00 аз 5)

10 Декабр 2014

Раиси шаҳри Хуҷанд Раҷаббой Аҳмадзода имрӯз бо мақсади шиносоӣ аз рафти корҳои сохтмонӣ ва азнавбарқароркунӣ ба марказҳои савдои аз сӯхтор осебдида омад.
Ба Раиси шаҳри Хуҷанд маълумот дода шуд,ки имрӯз дар сохтмони нуқтаҳои савдо пойдевори асосӣ бардошта шуда, шурӯъ аз таҳкурсии ин нуқтаҳо бо риояи қатъии талаботи меъморӣ корҳо бунёд мегарданд. Бо максади пешгирӣ намудани ҳолатҳои сӯхтор ва иҷро намудани талаботи зиддисӯхторӣ дар сохтмону азнавсозии марказхои савдо танҳо аз маслоҳеи сохтмонии оҳану бетонӣ,хишти ба оташтобовар истифода мешаванд. Ҳамчунин миқдори нуқтаҳои обтаъминкунии зидди сӯхтор (гидранти обӣ) зиёдкарда шуда, дар ҳар як 20 метр чунин нуқтаҳо насб карда шуданд.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода бахшида ба рӯзи кормандони Прокуратура

(2 овоз, миёна 4.00 аз 5)

12 Декабр 2014

Бо эҳтиром ва самимияти том Шумо - кормандони мақомоти прокуратура ва кулли собиқадорони соҳаро аз номи Мақомоти иҷроияи ҳокимияти давлатии шаҳри Хуҷанд ба муносибати Рӯзи касбиатон ва бо 90-умин солгарди таъсиси Прокуратураи тоҷик табрику муборакбод мегӯям. Бароятон тансиҳатӣ, саодати умр, рӯзгори ободу осуда, дар фаъолияти босамару пурмасъулиятатон баҳри ҳифзи ҳуқуқҳои шаҳрвандон, таъмини волоияти қонун ва саҳмгузориатон дар эъмори давлати демократии ҳуқуқбунёди дунявӣ комёбиҳои тоза ба тоза таманно мекунам.
Боиси қаноатмандист, ки кормандони ин мақомот вазифаҳои аз ҷониби Президенти Ҷумҳурии Тоҷикистон, ҷаноби олӣ, муҳтарам Эмомалӣ Раҳмон гузошташударо дар самти таъмини волоияти қонун, назорати риояи дақиқ ва якхелаи қонунҳо, назорат ба риояи ҳуқуқу озодиҳои инсон, мубориза бар зидди ҷинояткорӣ, ҳимояи манфиатҳои давлатро сарбаландона иҷро мекунанд.

Муфассал... Шарҳ додан

Сӯзишвории ройгон ба оилаҳои ниёзманд.

(1 овоз, миёна 5.00 аз 5)

10 Декабр 2014

Дар асоси дастуру ҳидоятҳои Президенти Ҷумҳурии Тоҷикистон Эмомалӣ Раҳмон шахсони бесарпаноҳмонда, камбизоат ва ниёзманд ҳамеша зери таваҷҷӯҳи Мақомоти иҷроияи ҳокимияти давлатии шаҳри Хуҷанд қарор доранд. Бо супориши Раиси шаҳри Хуҷанд Раҷаббой Аҳмадзода ба 36 оилаҳои камбизоату бесарпаноҳмонда ва иштирокчиёни Ҷанги Бузурги Ватанӣ аз ҳисоби Мақомоти иҷроияи ҳокимияти давлатии шаҳри Хуҷанд ангиштсанг харидорӣ карда шуда, ройгон тақсим гардид.
Масъулини бахши ҳифзи иҷтимоии шаҳри Хуҷанд дар ҳамроҳӣ бо роҳбарияти кумитаҳои маҳаллаҳои шаҳр давоми ҳафта ба манзили ин оилаҳо сӯзишвориро дастрас намуданд.
То имрӯз бо назардошти талаботи оилаҳои мазкур дар мавсими сардӣ зиёда аз 10 тонна ангишт тақсим карда шудааст.