АсосӣБойгонӣ

Навгонӣ

Фестивал-озмуни «Бӯстон» дар шаҳри Хуҷанд баргузор гардид.

(2 овоз, миёна 5.00 аз 5)

27 Июл 2017

Дар Кохи фарҳангии ба номи А. Рӯдакии шаҳри Хуҷанд фестивал озмуни телевизионӣ-ҷумҳуриявии «Бӯстон» баргузор гардид.
Дар намоиши барномаи консертӣ Раиси шаҳри Хуҷанд Маъруф Муҳаммадзода муовинони Раиси шаҳр ва роҳбарони чанде аз сохторҳои мақомоти маҳаллӣ ширкат намуданд. Мувофиқи талаботи низомномаи чорабинии мазкур давоми бештар аз як соат ҳунармандони ҷавон ва соҳибистеъдодҳои шаҳри Хуҷанд аз рӯи 8 намуд ҳунару истеъдоди худро манзури тамошобинон ва аъзоёни ҳакамон гардониданд.
Ҳамчунин дар даромадгоҳи ин муассисаи фарҳангӣ намоиши ҳунармандони халқӣ,- дӯзандагон қаннодон, атласу адрасбофон ва ғайра ба намоиш гузошта шуда буд.

Муфассал... Шарҳ додан

Мусобиқаи футбол ба хотири варзишгари номӣ оғоз ёфт

(2 овоз, миёна 2.00 аз 5)

21 Июл 2017

Бо дастгирии Мақомоти иҷроияи ҳокимияти давлатии шаҳри Хуҷанд дар Мактаби варзишии №1”-и шаҳри Хуҷанд мусобиқаи шаҳрӣ оид ба футбол байни соли таваллудашон 2004-2005 ба хотири гиромидошти варзишгари номӣ, се карат ҷоизадори Ҷоми Ҷумҳурии Тоҷикистон оид ба футбол Ғайбулло Ботуров баргузор гардид.
Дар маросими кушодашавии мусобиқа мудири бахши кор бо ҷавонон ва варзиши шаҳр Бахтиёр Исматҷонов ва собиқадорони варзиш иштирок доштанд. Дар мусобиқа 8 дастаи варзишгарони наврас ширкат дошта, он то санаи 24 июли соли равон идома хоҳад ёфт.
Ботуров Ғайбулло 4 июни соли 1934 дар шаҳри Хуҷанд таваллуд ёфта, соли 1953 - 1957 дар шаҳри Маскав институти тарбияи ҷисмониро хатм кардаанд. Ҷоизадори Ҷоми Ҷумҳурии Тоҷикистон оид ба футболро солҳои 1958, 1961 ва 1967 дар ҳайати дастаи “ЛГПИ” (ДДХ ба номи ак. Б Ғафуров) ба номи Киров ноил гаштаанд. Аз соли 1966 то соли 1971 декани факултаи тарбияи ҷисмонии шаҳри Ленинобод фаъолият кард.

Муфассал... Шарҳ додан

Нишасти матбуотии Раиси шаҳри Хуҷанд

(1 овоз, миёна 5.00 аз 5)

18 Июл 2017

Дар толори маҷлисҳои Мақомоти иҷроияи ҳокимияти давлатии шаҳри Хуҷанд нишасти матбуотии Раиси шаҳри Хуҷанд Маъруф Муҳаммадзода бо намояндагони воситаҳои ахбори омма доир шуд. Дар ин конфронси матбуотӣ муовинони Раиси шаҳр, роҳбари дастгоҳи Раиси шаҳри Хуҷанд сардорони раёсатҳо ва мудирони шӯъбаву бахшҳои шаҳри Хуҷанд ширкат варзиданд.
Дар қисмати ифтитоҳии нишаст Раиси шаҳри Хуҷанд Маъруф Муҳаммадзода аз дастоварду муаммоҳои соҳаҳои мухталифи хоҷагии халқ сухан карда, оид ба даромади буҷети маҳаллӣ ва иҷрои андоз, соҳаҳои саноат ва иқтисод, маориф ва тиб, фарҳангу ҷавонон, варзиш ва сайёҳӣ, алоқаву нақлиёт ва сохтмону ободониҳо маълумоти муфассал пешниҳод намуд.
Гуфта шуд, ки нимсолаи аввали соли 2017 барои халқи тоҷик хотирмон буд. Дар ин сол маъракаи муҳими сиёсӣ -20солагии ҷашни Ваҳдати миллӣ дар сатҳи баланд гузаронида шуд.

Муфассал... Шарҳ додан

Мушкилоти сисолаи сокинон ҳалли худро ёфт

19 Июл 2017

Давоми бештар аз 30 сол буд, ки сокинони маҳаллаи «Чашмаи арзана»- шаҳри Хуҷанд мушкилоти дастрасӣ ба оби нушокиро доштанд. Бинобар дар ихтиёри КВД «Садаф» қарор доштани иншооти обрасонии маҳаллаи мазкур ва мавҷудияти қарзи хизматрасонии истифодаи барқ аз ҷониби корхонаи мазкур сокинони маҳалла дар як шабонарӯз ҳамагӣ ба мӯҳлати то 3 соат бо об таъмин буданду халос. Агарчанде давоми чанд соли охир барои ҳалли масъала масъулини соҳа, худи сокинон ва КВД «Садаф» кӯшиши зиёд намуданд, лек он бе натиҷа анҷом меёфт.
Баъди дастури Раиси шаҳри Хуҷанд Маъруф Муҳаммадзода гурӯҳи корӣ таъсис дода шуд ва баъди баррасию таҳлил мушкилоти зиёд намудани соати бо об таъмин намудани сокинони маҳалла ҳалли мусбии худро ёфт. Аз оғози ҳафтаи равон сокинони ин маҳаллаи шаҳр 12 соат дар як шабонарӯз бо об таъмин гашта истодаанд.

Муфассал... Шарҳ додан

Ободии шаҳр мароми мост!

18 Июл 2017

Дар толори Маркази фарҳанги шаҳри Хуҷанд бо роҳбарии Раиси шаҳри Хуҷанд Маъруф Муҳаммадзода ҷаласа оид ба ҷамъбасти шашмоҳаи соҳаҳои хоҷагии халқи шаҳр баргузор гардид.
Дар кори ҷаласа муовини Раиси вилояти Суғд Анвар Яъқубӣ, муовинони Раиси шаҳр, роҳбари дастгоҳи Раиси шаҳр, вакилони Маҷлиси вакилони халқи шаҳри Хуҷанд, мудирони шӯъбаҳо, сарварони макотиби олию миёна, беморхонаю дармонгоҳҳо, намояндагони мақомоти ҳифзи ҳуқуқ, раисони кумитаи маҳаллаҳо, кормандони васоити ахбори омма ва фаъолони дигар иштирок карданд.
Ҷаласа бо сухани ифтитоҳии Раиси шаҳри Хуҷанд Маъруф Муҳаммадзода оғоз гардид ва сипас, ҳисоботи муовини Раиси шаҳр Аюбҷон Раҳматзода оид ба натиҷаҳои фаъолияти шашмоҳаи иҷтимоӣ ва иқтисодии шаҳр дар соли 2017 шунида шуд.

Муфассал... Шарҳ додан