АсосӣБойгонӣ

Навгонӣ

Гузаргоҳи Мавлонбеков таъмири пурра мешавад.

(2 овоз, миёна 5.00 аз 5)

13 Март 2015

Дар шаҳри Хуҷанд баробари нисбатан мусоид гаштани ҳаво корҳҳои асфалтхобонӣ ва таъмири роҳҳо оғоз гардид.
Яке аз кӯчаҳои аввалиние, ки тибқи нақшаи Мақомоти иҷрояи ҳокимияти давлатии шаҳри Хуҷанд таъмир ва асфалткунии пурраи он пешбинӣ шуда буд, ин гузаргоҳи Мавлонбекови шаҳр аст.
Ҳоло дар кӯчаи мазкур, роҳсозони Идораи истифодабарӣ ва роҳсозии шаҳри Хуҷанд корро оғоз намуда, ният доранд давоми се рӯз онро аз таъмири хушсифат бароварда, мавриди истифода қарор диҳанд.
Масоҳати умумии роҳ 500 метр дарозӣ ва 9 метр паҳноӣ дошта, баъди таъмир гаштани он боз як кӯчаи асосиии шаҳр обод хоҳад шуд.

Шарҳ додан

Иҷлосияи якуми Маҷлиси вакилони халқи шаҳри Хуҷанд, даъвати панҷум баргузор гардид.

(1 овоз, миёна 5.00 аз 5)

13 Март 2015

Рӯзи 12-уми марти соли равон Иҷлосияи якуми Маҷлиси вакилони халқи шаҳри Хуҷанд, даъвати панҷум, бо иштироки муовини аввали Раиси вилояти Суғд муҳтарам Ҷумъабой Раҳматович Сангинов доир гардид, ки аз 40 нафар вакили Маҷлиси шаҳрӣ 39 нафар иштирок дошт.
Бо танини суруди миллӣ дар толор, Раиси шаҳри Хуҷанд Раҷаббой Аҳмадзода ба кори иҷлосия оғоз бахшида, маълум намуд, ки ба иҷлосия ҳамчунин, муовинони раиси шаҳр, роҳбарии дастгоҳи раиси шаҳр, роҳбарони воҳидҳои сохтории мақомоти иҷроияи ҳокимияти давлатии шаҳр, мақомоти ҳифзи ҳуқуқ, ташкилоту муассисаҳои шаҳ рва намояндагони васоити ахбори омма даъват шудаанд.
Мутобиқи моддаҳои 8, 9, 13 ва 20-и Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» Маҷлиси вакилони халқи шаҳри Хуҷанд, даъвати панҷум, рӯзномаи баргузории иҷлосияро иборат аз 8 қисм тасдиқ кард.

Муфассал... Шарҳ додан

Қадршиносии сухану заҳмати хабарнигор

(1 овоз, миёна 5.00 аз 5)

10 Март 2015

Дар толори мақомоти иҷроияи ҳокимияти давлатии шаҳри Хуҷанд ба муносибати Рӯзи матбуоти тоҷик, ки ҳар сол 11-уми март дар кишвар таҷлил мешавад, ҷамъомади тантанавӣ барпо шуд.
Раиси шаҳри Хуҷанд Раҷаббой Аҳмадзода хабарнигорон ва кормандони расонаҳои хабариро, ки дар шаҳр пурсамар фаъолият бурда, фазои иттилоотиро бо тозатарин хабарҳо пур мекунанд, ба ҳузур пазируфт.
Раиси шаҳр дар суханронии пурмӯҳтавои худ аз нахустин рӯзномаи тоҷикӣ, ки бо номи «Бухорои шариф» ҳанӯз соли 1912-ум бо ибтикору талоши равшанфикрони замон таъсис шуда буд, хотиррасон кард. Гуфт, ки мардум ба рӯзнома ва қалами рӯзноманигор бовару эътимоди комил дорад.
Президенти кишвар, ҷаноби олӣ Эмомалӣ Раҳмон будани ВАО-ро мисли дигар соҳаҳои муҳими хоҷагии халқ зарур мешуморанд. Маҳз сиёсати пешгирифтаи Сарвари давлат аст, ки имрӯз рӯзномаҳои чи давлатӣ ва чи хусусӣ дар шароити хубу фазои озод фаъолият мекунанд.

Муфассал... Шарҳ додан

Лолаҳои Наврӯзии Хуҷанд.

(2 овоз, миёна 5.00 аз 5)

11 Март 2015

Дар шаҳри Хуҷанд мавсими шинондани лолаҳои хушранг идома дорад. Шурӯъ аз имрӯз дар саҳни ҳавлӣ ва гулгашти назди Макомоти иҷроияи ҳокимияти давлатии шаҳри Хуҷанд лолаҳои навшукуфта шинонда шуда истодаанд. Дар асоси супориши Раиси вилояти Суғд Абдураҳмон Қодирӣ ва дастури Раиси шаҳри Хуҷанд Раҷаббой Аҳмадзода шаклу усули ороиш, шинондан ва гулкории майдонҳо аз солҳои гузашта куллан фарқ мекунанд.
Тубакҳои гул дар гулмонакҳои бо намудҳои гуногунсохташуда гузошта шуда, рангу намуди гули лола ҳангоми ороиш ба назар гирифта мешавад.
Давоми ҳафтаи равон тамоми корхонаҳои ташкилотҳои маркази вилоят барои намуди наврӯзӣ гирифтани шаҳр бояд корҳои гулкорию сабзпӯширо ба анҷом расонанд.

Муфассал... Шарҳ додан

Табрикоти Раиси шаҳри Хуҷанд бахшида ба Рӯзи матбуот

(1 овоз, миёна 5.00 аз 5)

09 Март 2015

Соҳибқаламон, рӯзноманигорон, шоирон, кулли алоқамандони васоити ахбори оммаро бо иди касбӣ, рӯзи интишорёбии нахустин рӯзномаи тоҷикӣ-Рӯзи матбуоти тоҷик аз номи мақомоти иҷроияи ҳокимияти давлатии шаҳри Хуҷанд самимона шодбош мегӯям.
Имрӯз ҳаёти сиёсию фарҳангӣ, иқтисодӣ ва маърифатии ҷомеаро бидуни фаъолияти Шумо, қаламкашон тасаввур кардан имкон надорад, зеро нашру ривоҷи муҳимтарин ҳодисаву воқеот, дастовард ва навигариҳои тамоми олам, аз ҷумла кишвари мо бо кӯшишу заҳматҳои Шумо ба ҷомеа пешниҳод мегардад.
Олими соҳа В.Афансйев дар кори илмиаш чунин нигоштааст, ки «,,,Матбуот силоҳи муҳими таъсиррасонӣ ба мафкураи одамон аст, ки онро наметавон бо чизи дигар қиёс кард». Бале, қувваи қалам, таъсири қаламро таърихи башар хуб дар ёд дорад ва тавассути он одаму олам зина ба зина ба тамаддуни ҷаҳонӣ расида истодааст.

Муфассал... Шарҳ додан