АсосӣБойгонӣ

Навгонӣ

Мулоқоту музокироти сатҳи баланди Тоҷикистон ва Озарбойҷон

10 Август 2018

Мулоқоту музокироти сатҳи баланди Тоҷикистон ва Озарбойҷон нахуст бо вохӯрии хосаи Сарони давлатҳо муҳтарам Эмомалӣ Раҳмон ва Илҳом Алиев оғоз гардид.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Ҷумҳурии Озарбойҷон Илҳом Алиев барои даъват ва пазироии самимӣ изҳори сипос карда, сатҳи ҳамкории гуногунҷанбаи байни ду давлатро қаноатбахш арзёбӣ намуданд.

Ҳавасмандии ҷониби Тоҷикистон барои рушду тавсеаи ҳамкориҳо дар ҳама соҳаҳои мавриди таваҷҷуҳ таъкид гардид. Изҳори боварӣ карда шуд, ки мувофиқаҳои дар ҷараёни мулқоту музокироти имрӯза ба даст омада бо мазмуну муҳтавои нав шарикии давлатҳоро ба сатҳу зинаҳои боз ҳам беҳтару хубтар мерасонад.

Муфассал... Шарҳ додан

Амали разилонаро махкум менамоем

10 Август 2018

Имруз тамоми ҷомеаи башариро зуҳуроти номатлуби терроризм ва экстремизм ба ташвиш оварда,он ба масъалаи доғи рӯзи ҷомеаи ҷаҳонӣ табдил ёфтааст .

Мардуми шарафманди Тоҷикистон ҷонибдори сулҳ буда, ҳаргиз ба меҳмонон номеҳрубони нахоҳад кард. Мутаассифона, имруз дар ҷомеа ҳастанд онҳое, ки пешравию дастовардҳои Тоҷикистони соҳибистиқлолро дида наметавонанд ва мехоҳанд бо ҳар роҳ оромии онро халалдор созанд.

Аз ин рӯ,аҳли ҷомеаи кишвар ва ҳар кадоми моро зарур аст ки барои ҳифзу гиромидошти сулҳу субот ва оромии кишвар, ки бо душвориҳои зиёд насибамон гардидааст, бетараф набошем ва онро ҳушёронаву зиракона ҳимоя намоем .

Бо итминони комил гуфта метавонем,ки зархаридони хориҷӣ ба мақсади нопоки худ расида натавонистанд.

Муфассал... Шарҳ додан

Падидаҳои номатлубро пешгирӣ мебояд

10 Август 2018

Бунёди давлати демократӣ ва дунявӣ, ки дар он тамоми ҳуқуқу озодиҳои шаҳрвандон таъмин карда мешавад, яке аз ҳадафҳои асосии сиёсати Ҳукумати Ҷумҳурии Тоҷикистон ва Асосгузори сулҳу ваҳдати миллӣ – Пешвои миллат, мўҳтарам Эмомалӣ Раҳмон мебошад.

Имрўз дар ҷомеа чунин қувваҳое пайдо шудаанд, ки мақсади онҳо ноором кардани вазъи сиёсӣ, халалдор намудани раванди сулҳу ваҳдат, вайрон кардани меъёрҳои ҳуқуқӣ, маҳдуд намудани озодиҳои шахсӣ ва ниҳоят дигаргун намудани сохтори давлат мебошад.

Ҳамчунин, дар замони муосир, ки пур аз тазод, мушкилот, ихтилофу зиддиятҳост, доир ба афзудан ва густариши экстремизму терроризм ва дигар зуҳуроту падидаҳои номатлубу хатарафзо зиёд ҳарф мезананд. Ин мавзўъ дар маркази таваҷҷўҳ ва баҳси сиёсатмадорону сиёсатшиносон, рўзноманигорон, ҷомеашиносон, уламои дин ва зиёиёни эҷодкор қарор гирифтааст.

Муфассал... Шарҳ додан

Хоинони миллат-душманони давлатанд

10 Август 2018

Ҳодисаи нангини 29 июли соли ҷорӣ дар қаламрави Ҷамоати Себистони ноҳияи Данғара, ҷониби шахсиятҳои номаълум бо автомашинаи сабукрав пахш кардани сайёҳони хориҷӣ, ки ба сайёҳати туристӣ омода буданд, амали разилона аст. Дар натиҷа 4 сайёҳҳи хориҷӣ ба ҳалокат расида, з нафари дигарашон маҷруҳ шуданд ва тамоми мардуми Тоҷикистонро ғамгин сохта ба ҳайрат гузошт. Ин сайёҳон, ки аз давлатҳои Шветсария, ИМА ва Ҳолланд буданд, тавассути велосипед дар қади роҳ ҳаракат доштанд.

Гумонбаршудагон ва дар ин амали номатлуб даст дошта,холо ин ходисаи нангин мавриди тафтишот қарор дорад.

Чойиз ба қайд аст, ки ноҷавонмардона, аз тарафи ашхоси номаълум,шомил ба ДИИШ, Ҳизби ғайриқонунии наҳзати ислом, «Гурӯҳи сарбозони хилофат» ва хоҷагони хориҷии гурӯҳҳои ба ном исломӣ ба амал омадани ин ҳодисаи нафратангез дида натавонистани дастоварду пешравиҳои кишвари соҳибистиқлоли мо мебошад.

Муфассал... Шарҳ додан

Истиқбол дар фурудгоҳи байналмилалии шаҳри Боку

10 Август 2018

9 августи соли 2018 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари расмӣ вориди шаҳри Боку пойтахти Ҷумҳурии Озарбойҷон шуданд.

Дар фурудгоҳи байналмилалии шаҳри Боку меҳмони олиқадр - Сарвари давлати Тоҷикистон муҳтарам Эмомалӣ Раҳмонро намояндагони воломақоми ҳукумати ин кишвар самимона истиқбол гирифтанд.

Дар доираи сафари расмӣ Президенти мамлакат муҳтарам Эмомалӣ Раҳмон бо Президенти Ҷумҳурии Озарбойҷон ва дигар роҳбарони воломақоми ин кишвар мулоқот анҷом дода, вазъи феълӣ ва дурнамои ҳамкории ду ҷонибаро баррасӣ менамоянд.

Муфассал... Шарҳ додан