АсосӣБойгонӣ

Навгонӣ

Гулпӯшу гулбасар бош, Хуҷанди азиз!

04 Май 2018

Имрӯзҳо дар қаламрави кишвар баҳри истиқболи сазовори 30-солагии Истиқлолияти давлатии Ҷумҳурии Тоҷикистон корҳои созандагию бунёдкорӣ ва ободонӣ вусъати тоза мегирад. Он дар асоси Фармони Президенти Ҷумҳурии Тоҷикистон аз 19 декабри соли 2017, № 968 «Дар бораи ҷашни 30-солагии Истиқлолияти давлатии Ҷумҳурии Тоҷикистон», қарори Раиси вилояти Суғд аз 14 марти соли 2018, № 89 «Дар бораи вусъат бахшидан ба корҳои созандагию бунёдкорӣ, ободию кабудизоркунии маҳали зист ва сазовор истиқбол гирифтани ҷашни 30-солагии Истиқлолияти Ҷумҳурии Тоҷикистон» ва қарори Раиси шаҳри Хуҷанд аз 9 апрели соли 2018, № 179 «Дар бораи эълон намудани 1300 рӯзи ободонию созандагӣ ба истиқболи 30-солагии Истиқлолияти давлатии Ҷумҳурии Тоҷикистон» роҳандозӣ гаштааст.

Муфассал... Шарҳ додан

Муҳаммад Осимӣ дар мусобиқаи шоҳмот мақоми дуюмро гирифт

(1 овоз, миёна 5.00 аз 5)

04 Май 2018

Тавре, ки иттилоъ дода будем мусобиқаи шаҳрӣ оид ба шоҳмот байни хонандагони мусассисаҳои таҳсилоти миёнаи умумӣ, литсей ва гимназияҳои шаҳр барои дарёфти мукофоти Раиси шаҳри Хуҷанд бахшида ба таҷлили Рўзи æавонони Тоҷикистон таҳти унвони «Ҷавонон - пайрави Пешвои миллат!» санаҳои 1-3 майи соли 2018 ҷараён дошт, имрӯз он дар муассисаи таълимии барои хонандагони болаёқати шаҳри Хуҷанд натиҷагирӣ карда шуд.

Ҳайати ҳакамот баъди баҳогузорӣ муайян намуданд, ки байни писарон ҷои якумро Дориюш Усмонов, хонандаи гимназияи ба номи Ё.В.Гёте, ҷои дуюмро Муҳаммад Осимӣ хонандаи литсейи донишкадаи политехникӣ ва ҷои сеюмро Ҷаъфар Деҳқонов хонандаи гимназияи ба номи Ё.В.Гёте соҳиб гардиданд. Аз байни духтарон мақоми аввалро Мўниса Раҳимова хонандаи гимназияи №24, ҷои дуюмро Мухбира Саидалиева хонандаи муассисаи таҳсилоти миёнаи умумӣ №11 ва ҷои сеюм Замирахон Алиева хонандаи мактаби хусуси “Гулчини маърифат” ба даст оварданд.

Муфассал... Шарҳ додан

Сабрина Кенҷаева-ғолиби озмуни «Донояк»

03 Май 2018

Дар ширхоргоҳ-кӯдакистони №40 озмуни шаҳрии «Донояк» баргузор гардид ва ғолибон муайян карда шуданд.

Шоҳҷоиза насиби тарбиятгирандаи ширхоргоҳ-кӯдакистони №33 Сабрина Кенҷаева, ду ҷойи якумро тарбиятгирандаи ширхоргоҳ-кӯдакистони №13 Малика Икромова ва тарбиятгирандаи кӯдакистони хусусии «Дилоро» Ганҷина Ашӯрова, ҷойи дуюмро тарбиятгирандагони кӯдакистони №20 Меҳронаи Тоҳирӣ ва Фарида Шукруллозода ва ҷойи сеюмро тарбиятгирандагони кӯдакистонҳои №6, №36 ва №37 Махфират Раҳимова, Сумая Арипова ва Шоҳина Исмоилова ба даст оварданд.

Ҷоиз ба зикр аст, ки иштирокчиёни озмун аз рӯйи шартҳои саломнома ва муаррифии он, қироати шеъри кӯдакона, бозидани нақшаи асосӣ аз рӯйи қаҳрамонҳои «Афсонаҳои халқи тоҷик» ва суруд ё рақс дар оҳанги мусиқии миллии кӯдакона бо ҳам рақобат намуданд.

Муфассал... Шарҳ додан

Саноатчии муваффақ

03 Май 2018

Дар толори Мақомоти иҷроияи ҳокимияти давлатии шаҳри Хуҷанд конференсияи илмӣ - назариявӣ бахшида ба фаъолияти меҳнатии Корманди шоистаи саноати Ҷумҳурии Тоҷикистон, Шаҳрванди фахрии шаҳри Хуҷанд Ғаффорхон Муҳитдинов таҳти унвони "Саҳми Ғаффорхон Муҳитдинов дар пешрафти соҳаи саноати Ҷумҳурии Тоҷикистон” баргузор гардид.

Раиси шаҳри Хуҷанд Маъруф Муҳаммадзода зимни маърӯзаи хеш гуфт, ки “Истиқлолияти давлатӣ бо сайъю кӯшишҳои пайвастаи Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон дар рушду тараққиёти кишвар пешравиҳои назаррасро фароҳам овард. Дар ин росто саҳми фарзандони кордону садоқатманди фарзонаи миллат низ боризу назаррас арзёбӣ мегардад."

Таъкид шуд, ки Ғаффорхон Муҳитдинов соли 1993 Академияи хоҷагии халқии назди Ҳукумати Федератсияи Русияро хатм намуда, солҳои 1993-1994 дар вазифаи муовини аввали Раиси шаҳри Хуҷанд кор кардаанд.

Муфассал... Шарҳ додан

Муҳаммадалӣ Абдураҳмонов дар Чемпионати Осиё медали биринҷӣ ба даст овард

02 Май 2018

Дастпарвари мактаби захираҳои олимпии шаҳри Хуҷанд, муҳассили МТМУ№18-и шаҳр Муҳаммадалӣ Абдураҳмонов дар Чемпионати Осиё-2018 дар шаҳри Бангкоки кишвари Тайланд сазовори медали биринҷӣ гардид.

Ба ин муносибат истиқболи расмии варзишгар дар назди Кохи «Суғдиён»-и шаҳр бо иштироки варзишгарон, хонандагон ва ҷавонони фаъоли шаҳр дар фазои тантанавӣ сурат гирифт.

Мудири бахши ҷавонон ва варзиши Мақомоти иҷроияи ҳокимияти давлатии шаҳри Хуҷанд Бахтиёр Исматҷонов ин дастовардро қадами устувор дар иштирок ба Чемпионати ҷаҳон оид ба бокс унвон намуда, миннатдории Раиси шаҳри Хуҷанд Маъруф Муҳаммадзодаро ба варзишгар Муҳаммадалӣ Абдураҳмонов расонд.

Муфассал... Шарҳ додан