АсосӣБойгонӣ

Навгонӣ

Маликаи шаҳри Хуҷанд муайян гардид.

(1 овоз, миёна 5.00 аз 5)

21 Май 2014

Саноат Раҳимова, донишҷўи соли якуми факултети география-экологияи Донишгоҳи давлатии Хуҷанд ба номи академик Б. Ғафуров дар озмуни «Маликаи соли 2014»-и шаҳри Хуҷанд ғолиб гардида, сазовори мукофоти олии Гран-прӣ шуд. Дар канори ин, ҷойи дуюмро Нилуфар Юсуфова аз факултети математика ва ҷойи сеюмро Фарангис Муҳиддинова, донишҷўйи факултети таърих ва ҳуқуқ, ки ҳардуи онҳо низ донишҷўёни донишгоҳи номбурда мебошанд, ба даст оварданд. Ба «Маликаи соли 2014»- Саноат Раҳимова тӯҳфаҳои таъсис намудаи Мақомоти иҷроияи ҳокимияти давлатии шаҳри Хуҷанд ва роҳхат ба осоишгоҳи «Баҳористон» супорида шуд.
Озмуни «Маликаи сол» дар маркази вилоят ҳамасола гузаронида шуда, ин чорабинӣ бахшида ба таҷлили Рӯзи ҷавонони Тоҷикистон бо мақсади эҳё намудани анъанаҳои миллӣ, тарбияи маънавию эстетикии ҷавонон, эҳтиром ва муҳаббат нисбат ба зан, ҳусну ҷамол, тарзи муомилаву завқи либоспӯшӣ, мустаҳкам намудани тарбияи зебоипарастии ҷавонон ташкил мешавад.

Муфассал... Шарҳ додан

50 нафар гирандагони стипендияи Раиси шаҳр шуданд.

(1 овоз, миёна 5.00 аз 5)

21 Май 2014

Имрӯз дар маҷлисгоҳи Мақомоти иҷроияи ҳокимияти давлатии шаҳри Хуҷанд маросими тантанавии супоридани стипендияи Раиси шаҳри Хуҷанд баргузор гардид. Дар он ҳайати комиссияи озмуни стипендияи Раиси шаҳри Хуҷанд, роҳбарони донишгоҳу донишкадаҳои маркази вилоят ширкат намуданд.
Раиси шаҳри Хуҷанд Раҷаббой Аҳмадзода ҷамъомадагонро бо таҷлили Рӯзҳои ҷавонони Тоҷикистон табрик намуда, қайд намуд, ки нерӯю малакаи ҷавонони созанда барои ояндаи дурахшони кишвари азизамон заминаи устувор мегузорад. Раиси шаҳр таъкид намуд, ки маблағи стипендия нисбат ба соли гузашта, 30 дар сад зиёд гашта, ҳамсола ин раванд идома дорад.
Муҳассилини муассисаҳои умумӣ ва олии шаҳри Хуҷанд дар дар ду марҳилаи озмун ширкат намуда, дар давраи ниҳоӣ 72 нафар имтиҳон супориданд.

Муфассал... Шарҳ додан

Бо нидои «Андалеб».

21 Май 2014

Соли 2014 бо истиқболи як қатор санаҳои таърихӣ барои аҳли кишвар соли хотирмон мебошад. Ҷашнгирии 20-солагии Рӯзи қабули Конститутсияи Ҷумҳурии Тоҷикистон яке аз санаҳои муҳими ин сол буда, дар доираи таҷлили он чорабиниҳои зиёди фарҳангиву иҷтимоӣ доир мегарданд. Ин аст, ки яке аз намоёнтарин барномаи адабиву фарҳангии миқёси ҷумҳурӣ Фестивал-озмуни телевизионии эҷодиёти халқ «Андалеб-2014» бахшида маҳз ба ҳамин санаи фархунда аст.
Имрӯз Тоҷикистон бо қадамҳои устувор дар самти татбиқи вазифаҳои азими стратегии ҳаёти сиёсию иҷтимоӣ, иқтисодӣ, фарҳангӣ ва ташаккули тафаккури нави демократии ҳар узви ҷомеа роҳ мепаймояд. Шаҳри Хуҷанд ҳам дар ин радиф ҳамчун узви ҷудонопазири ин кишвари бузург дар канор набуда, дар ин самт саҳми беназири худро мегузорад.

Муфассал... Шарҳ додан

110 солагии Муҳиддин Аминзода ва 60 солагии Мӯҳсин Аминзода таҷлил гардид.

21 Май 2014

Бо ибтикори шуъбаи Иттифоқи нависандагони Тоҷикистон дар вилояти Суғд ва ҳамдастии мақомоти иҷроияи ҳокимияти давлатии вилоят ба ифтихори 80-солагии Иттифоқи нависандагони Тоҷикистон 110-солагии шоир, мутарҷим ва навозандаи моҳири асбобҳои мусиқии халқӣ Муҳиддин Аминзода ва 60-солагии писари ин устоди накӯном шоир Муҳсин Аминзода дар театри мазҳакаи мусиқии ба номи Камоли Хуҷандӣ маҳфили дилорое барпо шуд.
Маҳфил бо сухани ифтитоҳии раиси шӯъбаи суғдии Иттифоқи нависандагони Тоҷикистон Аҳмадxони Раҳматзод ҷараён гирифт.
Муовини аввали Раиси вилояти Суғд Ҷумъабой Сангинов ба аҳли нишаст расондани Меҳрномаи Раиси вилоят, муовини аввали раиси Маҷлиси миллии Маҷлиси Олии Ҷумҳурии Тоҷикистон Абдураҳмон Қодирӣ аз хусуси саҳми Муҳиддин Аминзода дар ривоҷи адабиёти тоҷик, тарбияи носирону нозимон ва дромнависон ҳарф зад.

Муфассал... Шарҳ додан

Табрикоти Раиси шаҳри Хуҷанд ба ифтихори Рӯзи ҷавонони Тоҷикистон.

(2 овоз, миёна 5.00 аз 5)

20 Май 2014

Ҷавонони арҷманд!
Бо ҳисси қаноатманди ва ифтихори бепоён Шумоён, ҷавонони азиз, ворисони арзандаи насли шуҷою қаҳрамонро бо фарорасии иди пурфайзу пуршукӯҳ - Рӯзи ҷавонони Тоҷикистон аз номи Мақомоти иҷроияи ҳокимияти давлатии шаҳри Хуҷанд самимона табрик ва муборакбод менамоям.
Бароятон саодатнмандӣ, нерӯи тоза ба тозаи созанда ва сарбаландиҳо таманно мекунам.
Таҷлили ин санаи фархунда дар радифи созгориҳои ҳаёти ҷомеа шукӯҳу шаҳомати даврони ширини зиндагиро баралоина рӯй мекушояд ва насли ояндасози ҷамъиятро ба эҷодкориҳои нав ба нав ҳидоят месозад. Баргузории чунин тантанаи хотирмон, ки бо ибтикор ва ташаббуси Ҷаноби Олӣ, Президенти Ҷумҳурии Тоҷикистон мӯҳтарам Эмомалӣ Раҳмон ҳамасола дар чунин фасли зебою гулшукуфти сол сурат мегирад, шаҳодати эътибор ва эътиқоди сарвари давлатамон ба кули ҷомеа нисбати ҷавонон, нерӯи эҷодгар ва созандаву бунёдкори онҳост.