АсосӣБойгонӣ

Навгонӣ

Аксияи «Соҳил-2014».

26 Май 2014

Тибқи дастури Раиси шаҳри Хуҷанд Раҷаббой Аҳмадзода шӯъбаи ҳифзи муҳити зисти шаҳри Хуҷанд аксияи «Соҳил-2014»-ро ташкил карданд. Дар ин аксия наздик 600 нафар сокинони шаҳр ба хотири тоза кардани соҳилҳои дарёи Сир ҷалб карда шуданд. Ҳашарчиён аз ҳисоби донишҷӯёни донишгоҳҳои олии вилоят ва ҳамчунин кормандони корхонаву ташкилотҳои давлативу хусуси мебошанд.
Дар тоза намудани атрофи соҳилҳо бештар донишҷӯёни факултаҳои география ва экалогияи донишгоҳҳо ҷалб шуданд. Устодони онҳо мегуянд, ки дар баробари тоза намудани соҳил аз партовҳо ба донишҷӯён дарси амалӣ ҳам мегузарад. Мақсади аксия тоза нигоҳ доштани соҳил ва ҳимояи оби дарё аз ҳар гуна партов мебошад. Дар мавсими имсола ин аввалин аксияи «Соҳил-2014» мебошад.

Муфассал... Шарҳ додан

Дар кӯчаи ба номи Ҳаким Карим таъмири пурра ба охир мерасад.

24 Май 2014

Дар шаҳри Хуҷанд тибқи дастури Раиси шаҳри Хуҷанд Раҷаббой Аҳмадзода бо мақсади тадбиқи нақшаи вобаста ба соли 2014 эълон шудани соли роҳҳои обод, ҳамарӯза корҳои ободонӣ дар маҳаллаҳо, кӯчаҳои марказӣ ва роҳҳои иловагӣ бо маром идома дорад.
То интиҳои ҳафтаи равон кӯчаи ба номи Ҳаким Карим, ки масофаи он 400 метрро ташкил медиҳад бо кӯмаки молии Мақомоти иҷроияи ҳокимияти давлатии шаҳри Хуҷанд Идораи давлати истифодабарии роҳҳои маркази вилоят аз таъмири куллии хушсифат бароварда мешавад.
Ҳоло кормандон марҳилаи ниҳоии корҳои асфалтхобониро ба анҷомрасонда, кӯчам мазкурро барои истифода омода мекунанд.

Муфассал... Шарҳ додан

Мусобиқаи байналмиллалӣ барои мукофоти Раиси шаҳри Хуҷанд оғоз ёфт.

23 Май 2014

Дар шаҳри Хуҷанд мусобиқаи кушоди байналмиллалии вазнбардорӣ барои мукофоти Раиси шаҳри Хуҷанд оғоз гардид.
Дар қисмати ифтитоҳи ин мусобиқаи бонуфуз, ки 14 сол инҷониб баргузор мегардад, муовини аввали Раиси шаҳри Хуҷанд Иброҳим Иброҳимов иштирок намуда, кулли иштирокдорон ва меҳмонони мусобиқаро бо Рузи ҷавонони Тоҷикистон аз номи Раиси шаҳри Хуҷанд Раҷаббой Аҳмадзода табрик намуда, меҳмонони мусобиқаро хайра мақдам гуфт.
Дар мусобиқа варзишгарон аз Ҷумҳуриҳои Тоҷикистон 7 даста, Федератсияи Россия як даста,Ҷумҳурии Қазоқистон як даста, Ҷумҳурии Қирғизистон се даста ва аз Ҷумҳурии Ӯзбекистон як даста умуман 75 вазнбардорон, ширкат доранд. Мусобиқаи мазкур аз рӯи 8 вазн байни мардон ва аз рӯи 6 вазн байни бонувон баргузор гашта истодааст.

Муфассал... Шарҳ додан

Назорати маҳсулоти хӯрока дар фасли гармо пурзӯр карда мешавад.

23 Май 2014

Бо мақсади пешгирӣ намудани ҳолатҳои сар задани касалиҳои сироятӣ ва бемориҳо, ки аз истеъмоли маводи хӯрокаи дар фасли тобистон зуд вайрон мешуда, муовини Раиси шаҳри Хуҷанд Маҳмадӣ Давлатов бо супориши Раиси шаҳри Хуҷанд Раҷаббой Аҳмадзода ҷаласаи корӣ доир намуд.
Бо баробари гармшавии ҳаво маҳсулоти гӯштиву ширӣ ва қаннодӣ зуд вайрон мешаванд ва онҳо бояд дар таҷҳизотҳои махсус нигаҳдорӣ шаванд.
Мутаасифона имрӯз бисёре аз фурӯшандагони бозор ин ҳолатро сарфи назар мекунанд, ки ин ба саломатии сокинон хатар эҷод мекунад, гуфт сардори Маркази назорати давлатии санитарию-эпидемиологии шаҳри Хуҷанд Абдумавлон Абдуллоев. Вай изҳор дошт, ки бо максади пешгирӣ аз чунин ҳолатҳо қарореро ба тавсиб расонидаанд, ки фурӯши ин гуна маҳсулотро дар ҳолатҳои ғайрисанитарӣ ва савдои кучагӣ манъ мекунад.

Муфассал... Шарҳ додан

Нахустин рассом-тарроҳ Мактаби рассомии бачагонаи шаҳри Хуҷандро хатм намуд.

23 Май 2014

Имрӯз дар мактаби рассомии бачагонаи шаҳри Хуҷанд ҳисоботи эҷодии хатмкунандагони ин муассисаи махсуси таълимӣ баргузор гардид. Дар толори намоишгоҳи ин дабистон зиёда аз 200 маҳсули меҳнати худро дар мавзую жанрҳои гуногун барои тамошо гузошта шуданд. Барои тамошо ҳамчунин либосҳои миллии аз ҷониби хонандагони ин мактаб тарроҳӣ шуда, матоҳои йӯрмадӯзишуда, кашидадӯзӣ пешниҳод гардида буд.
Хатмкунандагон давоми чаҳор соли таҳсил нозукиҳои касби рассомӣ-тарроҳӣ, кашидадӯзию йӯрмадӯзиро аз устодони худ Ғафурҷон Дониёров, Раъно Сангинова, омӯхта соҳиби шаҳодатномаи хатм гаштанд.
Лозим ба қайд аст, ки чаҳор сол қабл мактаби мазкур таълими наврасонро ба касби рассом тарроҳ ба роҳ монда буд.