АсосӣБойгонӣ

Навгонӣ

Номаи муборакбодии Раиси шаҳри Хуҷанд Маъруф Муҳаммадзода ба муносибати Рӯзи кормандони нақлиёти автомобилӣ

24 Июл 2018

Кулли кормандони соҳаи нақлиёти автомобилиро аз номи Мақомоти иҷроияи ҳокимияти давлатии шаҳр бо самимият ва эҳтироми афзун табрик намуда, барояшон тани сиҳату хотири ҷамъ, табъи болидаю рӯзгори обод ва дар фаъолияти минбаъда ба хотири рушду тараққии соҳа комёбиҳои тоза таманно мекунам.

Нақши соҳаи нақлиёти автомобилӣ дар рушди иқтисодиёт ва дар ин радиф беҳдошти сатҳи иҷтимоии аҳолӣ, ободонию зебоии шаҳр басо назаррас аст. Аз ин рӯ, Ҳукумати Ҷумҳурии Тоҷикистон бо сарварии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон ба рушди инфрасохтори нақлиёти автомобилӣ, аз қабили сохтмону таҷдиди роҳҳо ва иншоотҳои он таваҷҷӯҳи хоса зоҳир менамоянд. Тавре ки Пешвои муаззами миллат, мӯҳтарам Эмомалӣ Раҳмон дар яке аз суханрониҳояшон қайд намудаанд:

Муфассал... Шарҳ додан

600 нафар ашхоси саховатпеша ба нуқтаи хайру эҳсон таваҷҷуҳ намуданд

24 Июл 2018

Дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон баҳри дастгирии оилаҳои камбизоат, ятимону маъюбон ва шахсони яккаву танҳо, аз ҷиҳати саломатӣ нуқсон дошта нуқтаи хайру эҳсони маҳаллаи «Ваҳдат»-и шаҳри Хуҷанд амалҳои хайрхоҳона анҷом медиҳад.

Тавре, ки сардори ин нуқтаи хайргузор Нуъмон Ҳасанов зикр дошт, ки «Аз рӯзҳои аввали фаъолияти нуқта 600 нафар шахси саховатпешаи шаҳри Хуҷанд ба нуқта либоси занона, мардона, бачагона, пойафзол, асбобу анҷоми зиёдатии рӯзгори худро супурданд. Дар ин муддат 5200 нафар ба нуқта муроҷиат намуда, либосу пойафзол, чиниворӣ, техникаи хонаро ройгон гирифтанд. Айни замон дар нуқта 180 адад либоси занона, 120 адад либоси мардона, 210 адад либоси бачагона, пойафзол, асбобу анҷоми рӯзгор интизори соҳибони нав мебошанд.

Муфассал... Шарҳ додан

Пиари сиёҳи Кабирӣ аз бемории Иброҳими чорсола

24 Июл 2018

Дар деҳаамон мӯйсафеде буд ва ҳар гапу коре боиси тааҷҷубаш мегашт, ҳамон лаҳза мегуфт: «Бобо намурд, дар ин зиндагӣ ҳамаи балоро дид». Чун ҷавонтар будам, ба умқи ин сухан намерасидам. Ҳикмати баландашро тадриҷан дарк карда истодаам.

Чанд рӯз пеш Кабирӣ бо истифодаи таҷрибаи пирони наҳзатиаш ва роҳнамоии хоҷагони маънавиаш мехост боз ҷамъе равшанфикрони тоҷики дар хориҷ қарордоштаро бо баҳои чанд динору риёли барояш додаи дигарон бихараду мисли солҳои 90-ум қурбонии нақшаҳои ҳизби террористиаш созад. Аммо тираш хок хӯрд. Ҷамъомаде, ки гирд овард, амалан ба ҷаласаи хонаводагиаш табдил ёфт. Пеши онҳое, ки кафолати сохтани ИНОТ-и навро барояшон дода буд, шарманда шуду назди охундҳои шиа, ки ин ҳама маблағро барои ин маърака ҷудо карда буд (барои ташкили кору иҷораи толору роҳхарҷии ба гуфти худашон 300 нафар даъватшуда ва маблағи меҳмонхонаҳои зисти онҳо ва хӯрду хӯрокашон бо кисапулию монанди инҳо) қарздор. Акнун, ки корҳо барор нагирифт, роҳҳои дигари нишон додани худро пеш гирифт. Роҳҳои қаблан озмудашударо.

Муфассал... Шарҳ додан

Озуқа дар ҷойи муқарраршуда фурухта шавад

24 Июл 2018

Тобистон айёмест, ки ба инсоният баробари бахшидани нерӯ, муаммоҳоро низ пеш меорад. Аз он ҷумла, гармии аз ҳад зиёди ҳаво аст, ки нурҳои баланди офтоб метавонанд ба организми инсон таъсири амиқ расонанд. Тибқи маълумоти мутахассисони ин соҳа ҳарорати баланд ва пасти муҳити беруна ба вайроншавии мубодила таъсир расонида, сабабгори гармшавии аз ҳад зиёди одам мешавад.

Маркази назорати давлатии снитарию эпидемиологии шаҳри Хуҷанд ҳам вобаста ба гармшавии ҳарорат қарори дахлдор бароварда, як қатор чорабиниҳоро зери назорат гирифтааст.

Бо мақсади пешгирии ҳодисаҳои нохуш, заҳролудшавӣ аз мавод ва маҳсулоти қаннодии кремдор, нӯшокиҳои хонагии ташнагишикан, хуришҳои дар шароити хона тайёркардашуда, ҳамзамон бо ҳадафи таъмини амнияти санитарию эпидемиологии аҳолӣ дар марҳилаи фасли гармо истеҳсоли маҳсулоти қаннодии кремдор дар муассисаҳо, новобаста аз шакли моликият ва тобеъият, ки хулосаи санитарию эпидемиологии мақомотҳои назорати давлатии санитарию эпидемиологиро надоранд, манъ карда шуд.

Муфассал... Шарҳ додан

Музди миёнаи маош ба 1237 сомонӣ расид

24 Июл 2018

Дастгирии соҳаҳои иҷтимоӣ ва таъмин намудани шароити зиндагии шоистаи сокинони шаҳри Хуҷанд яке аз ҳадафҳои асосии Роҳбарияти шаҳр ба ҳисоб рафта, барои ноил шудан ба ин ҳадафҳо ва баланд бардоштани сатҳу сифати зиндагии мардум тамоми захираву имкониятҳо сафарбар карда шуда истодаанд.

Ин тадбирҳо имкон доданд, ки музди маоши миёнаи кормандони хоҷагии халқи шаҳр дар нимсолаи аввали соли равон ба 1237,4 сомонӣ баробар гардида, нисбат ба ҳамин давраи соли сипаригашта, 58,1 сомонӣ, ё 5,0 фоиз афзоиш ёфтааст. Пардохти музди маоши кормандони тамоми соҳаҳо зери назорат қарор дошта, имруз қарзи музди меҳнат ҷой надорад.

Муфассал... Шарҳ додан