АсосӣБойгонӣ

Навгонӣ

НОМА БА МУХИДДИН КАБИРИ – “КОВАИ ТОЧИКИ”

14 Август 2018

“Кунад хамчинс бо хамчинс парвоз,
Кабутар бо кабутар, гоз бо гоз”
( Зарбулмасали точики)

“Скажи мне, кто твой друг, и я скажу тебе, кто ты”
(Зарбулмасали руси)

Мухиддин! Бе шаф-шаф аз шафтолуи гап сар мекунем. Аввал ин ки набераатро Яздони пок шифои комил ва очил дихаду умраш дарозу босаодат бошад.

Акнун ки Хамза ба Туркия расиду он чо зери назорати табибони шояд савияи донишашон бехтар аз пизишкони Точикистон карор дорад, дили ман низ мисли хазорхо нафаре,ки дар як чабха ба мубориза барои начоти у бархоста буданд, каме таскин ёфт.

Холо мехохам бо чанд суоле ба ту мурочиат бинамоям.

Муфассал... Шарҳ додан

Оғози ярмарка-фурӯши лавозимот ва либоси ягонаи мактабӣ

14 Август 2018

Субҳи имрӯз Раиси шаҳри Хуҷанд Маъруф Муҳаммадзода ба ярмарка-фурӯши лавозимот ва либоси ягонаи мактабӣ бо иштироки васеъи хонандагону кормандони соҳаи маорифи шаҳр дар назди китобхонаи вилоятиии ба номи Тошхоҷа Асирӣ ҳусни оғоз бахшид.

Раиси шаҳри Хуҷанд Маъруф Муҳаммадзода зимни боздид аз растаи фурӯшандагони молҳои полиграфӣ ба фурӯшандагон доир ба дастрасии нарх ва сифати он дастуру супоришҳо дод. Таъкид гардид, ки набояд дафтару қалам ва хомаи пастсифат бо хонандагон пешниҳод гардида, ба саломатии эшон зарар орад. Сифати молу маҳсулот дар маҳаки асосии фаъолияти фурӯшандагон қарор гирад. Бояд мақомоти назоратии соҳа ба ин масъала низ таваҷҷуҳ зоҳир намоянд. Аз фурӯши молу маҳсулот бо аксҳои тарғиботи зӯроварию ба фарҳанги мо бегона ҷилавгирӣ карда шавад.

Муфассал... Шарҳ додан

Ифтитоҳи Муассисаи таҳсилоти миёнаи умумии №31 дар ноҳияи Шоҳмансури шаҳри Душанбе

14 Август 2018

Субҳи рӯзи 14-уми августи соли 2018 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Шоҳмансури шаҳри Душанбе бинои муассисаи таҳсилоти миёнаи умумии рақами 31-ро дар вазъияти тантанавӣ ифтитоҳ карданд.

Муассисаи таълимии мазкур бо таваҷҷӯҳи ҳамешагии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо мақсади боз ҳам беҳтар намудани шароити таҳсил, бо сифати баланд сохта ба истифода дода шуд.

Бинои муассисаи таҳсилоти миёнаи умумии рақами 31 аз 4 ошёна ва таҳхона иборат буда, он бо тарҳи нав ва ҷавобгӯ ба талаботи замони муосир бунёд гардидааст.

Муфассал... Шарҳ додан

Суханронӣ дар маросими ифтитоҳи бинои нави таълимии муассисаи таҳсилоти миёнаи умумии №31 ноҳияи Шоҳмансури шаҳри Душанбе

14 Август 2018

Омӯзгорони муҳтарам ва шогирдони азиз !
Ҳозирини гиромӣ!

Имрӯз дар вазъияти тантанавӣ бинои нави таълимии муассисаи таҳсилоти миёнаи умумии №31-и ноҳияи Шоҳмансури пойтахтро ифтитоҳ намудем. Ба ин муносибат ҳамаи шуморо самимона табрик мегӯям.

Баланд бардоштани нишондиҳандаҳои рушди нерӯи инсонӣ ба воситаи дастрасӣ ба таҳсилот ва муҳайё намудани инфрасохтори зарурии таълиму тарбия яке аз самтҳои муҳимтарини сиёсати давлату Ҳукумати Тоҷикистон дар даврони истиқлолияти давлатӣ мебошад.

Яъне соҳаи илму маориф дар сиёсати давлату Ҳукумати мамлакат мақоми калидӣ ва бисёр муҳим дорад.

Муфассал... Шарҳ додан

Барқияи тасаллият ба Президенти Федератсияи Россия Владимир Путин

14 Август 2018

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Федератсияи Россия Владимир Путин барқияи тасаллият ирсол намуданд, ки дар он, аз ҷумла, омадааст:
«Муҳтарам Владимир Владимирович,
Хабари фоҷеабори ба ҳалокат расидани шаҳрвандони Федератсияи Россияро бар асари нишасти дурушти чархбол бо кӯҳнавардон дар минтақаи кӯҳии Ҷумҳурии Тоҷикистон бо эҳсоси андӯҳи амиқ дарёфтем.
Комиссияи ҳукуматӣ аз ҳисоби роҳбарони вазорату идораҳои дахлдори Тоҷикистон барои муайян намудани сабаб ва ҳолати ҳодисаи фавқулода, ки боиси талафоти ҷонӣ гардид, тамоми тадбирҳои заруриро меандешад.

Муфассал... Шарҳ додан