АсосӣБойгонӣ

Навгонӣ

Адолат Ҳайдарова «Муаллими сол» шуд

03 Ноябр 2017

Ҳар сол чун анъана дар чаҳор марҳила баргузор шудани озмуни «Муаллими сол» дар шаҳри Хуҷанд рамзи эҳтиром ва гиромидошти садоқати бепоён ва нақши босазои омӯзгор дар тарбияи насли навраси шоистаи даврон мебошад ва аҳамияти он аз пешрафти донишу маҳорат ва малакаву истеъдоди эҷодкории омӯзгорон шаҳодат медиҳад.
Озмуни мазкур ба рушди фаъолияти эҷодии омӯзгорон омӯзишу баррасии таҷрибаи пешқадами педагогӣ, пешниҳодҳои инноватсиониву технологӣ, ва усулҳои фаъоли таълим мусоидат менамояд. Ҳадафи озмун дарёфти омӯзгорони эҷодкору навовар, баланд бардоштани дониши касбӣ, сайқал додани маҳорати омӯзгорӣ, тарғиби ҳамаҷонибаи таҷрибаи педагогии омӯзгороне мебошад, ки дар таълиму тарбияи шогирдон ба натиҷаҳои хуб ноил гардидаанд.

Муфассал... Шарҳ додан

Даҳ хусусияти Конститутсияи Ҷумҳурии Тоҷикистон

03 Ноябр 2017

Дар яке аз қисмҳои ҳарбии комендатураи ҳарбии гарнизони Суғд дар шаҳри Хуҷанд доир ба нақши Конститутсияи Ҷумҳурии Тоҷикистон дар рушди давлатдории навин мулоқот баргузор гардид.
Суннатулло Латифов, устоди Донишгоҳи давлатии ҳуқуқ, бизнес ва сиёсати Тоҷикистон дар мавзуъи «Даҳ хусусияти Конститутсияи Ҷумҳурии Тоҷикистон» маърӯзаи илмӣ намуда, аз ҷумла афзуд, ки «Конститутсияи Ҷумҳурии Тоҷикистон соли 1994 Қонуни асосии давраи соҳибихтиёрии Ҷумҳурии Тоҷикистон, бунёди марҳилаи нави давлатдории миллии тоҷик мебошад. Дар он таҳкурсии ҳуқуқии давлати нави миллӣ гузошта шуда, шакл, моҳият, ҳадаф ва вазифаҳо муайян карда шудаанд. Ин санади олӣ манфиатҳои мардуми бошарафи Тоҷикистонро таҷассум намуда, аз Конститутсияҳои қаблӣ тавафоти куллӣ дорад.

Муфассал... Шарҳ додан

Изҳороти муштараки Президентҳои Ҷумҳурии Тоҷикистон ва Туркманистон

03 Ноябр 2017

Бо даъвати Президенти Ҷумҳурии Тоҷикистон Эмомалӣ Раҳмон рӯзи 2 ноябри соли 2017 сафари расмии Президенти Туркманистон Гурбангули Бердимуҳамедов ба Ҷумҳурии Тоҷикистон баргузор гардид.

Президентҳои Ҷумҳурии Тоҷикистон ва Туркманистон дар фазои дӯстона ҳолати кунунӣ ва дурнамои рушди муносибатҳои дуҷониба, инчунин масъалаҳои мубрами байналмилалӣ ва минтақавии мавриди таваҷҷуҳи тарафайн қарордоштаро, муҳокима намуданд.

Сарони давлатҳо аз сатҳи устувору мусбии ҳамкориҳои миёни Тоҷикистону Туркманистон дар бахшҳои сиёсӣ, иқтисодӣ, иҷтимоию гуманитарӣ ва дигар самтҳои робитаҳои дуҷониба изҳори қаноатмандӣ намуданд.

Муфассал... Шарҳ додан

Изҳороти матбуотӣ аз рӯи натиҷаҳои сафари расмии Президенти Туркманистон Гурбонгулӣ Бердимуҳамедов

03 Ноябр 2017

Муҳтарам намояндагони воситаҳои ахбори омма,

Сафари расмии муҳтарам Президенти Туркманистон ба Ҷумҳурии Тоҷикистон дар муносибатҳои дуҷонибаамон рӯйдоди муҳим мебошад.

Натиҷаҳои он бори дигар азми ҷонибҳои роҳбарияти ду давлатро дар такони нав бахшидани ҳамгироии бисёрҷонибаи Тоҷикистону Туркманистон тасдиқ мекунанд.

Дар доираи муколамаи сиёсиамон мо вазъ ва дурнамои маҷмӯи тамоми ҳамкориҳои Тоҷикистону Туркманистонро баррасӣ намудем.

Мо бо муҳтарам Гурбонгулӣ Мяликгулиевич дар як ақидаем, ки айни ҳол дар муносибатҳои Тоҷикистону Туркманистон барои рушди минбаъдаи ҳамгироиямон дар сиғаи шарикии стратегӣ майдони устувори сиёсӣ ба миён омадааст.

Муфассал... Шарҳ додан

С. Р. Мирзозода: «Ҳизби наҳзати исломии Тоҷикистон, бидуни шак, дар кӯшиши табаддулот даст дошт»

03 Ноябр 2017

alt (Суҳбати ихтисосии хабарнигори ҳафтаномаи «Ҷумҳурият» бо муовини Прокурори генералии Ҷумҳурии Тоҷикистон, Сарпрокурори ҳарбӣ генерал-майори адлия С. Р. Мирзозода)
Дар ҷаҳони муосир падидаи нангини экстремизм ва терроризм ба рушди инсоният хатари ҷиддӣ эҷод менамояд. Кӯшишҳои сиёсисозии дин дар бозиҳои геополитикӣ барои абарқудратҳо ҳамчун меъёр қарор гирифта, дар заминаи он гурӯҳҳои манфиатхоҳ низоъ ва даргириҳоро дар манотиқи мухталифи сайёра роҳандозӣ мекунанд. Вобаста ба ин ва дигар масоили дахлдор суҳбате оростем бо муовини Прокурори генералии Ҷумҳурии Тоҷикистон, Сарпрокурори ҳарбӣ генерал-майори адлия С.Р. Мирзозода. Сараввал барои розигиатон ба мусоҳиба изҳори сипос менамоем ва суҳбатро бо ин савол шурӯъ мекунем: