АсосӣБойгонӣ

Навгонӣ

Марҳалаи оғози корҳои бузург

(1 овоз, миёна 5.00 аз 5)

16 Апрел 2015

Мувофиқ ба нақшаи тадбирҳои мураттабнамудаи Мақомоти иҷроияи ҳокимияти давлатии вилояти Суғд Маҷлиси фаъолони шаҳри Хуҷанд бо иштироки муовини Раиси вилояти Суғд Назира Fаффорова дар толори маҷлиси Қасри фарҳанг доир гардид.
Муовини аввали Раиси шаҳри Хуҷанд Иброҳим Иброҳимов ба маҷлиси фаъолон ҳусни оғоз бахшид ва изҳор дошт, ки дар маҷлис як масъала –натиҷагирӣ аз вазъи иҷтимоию иқтисодии хоҷагиҳои халқи шаҳри Хуҷанд дар се моҳи аввали соли 2015-ум мавриди баррасӣ ва муҳокима қарор мегирад. Дар он муовинони Раиси шаҳр, роҳбари дастгоҳи Раиси шаҳр, роҳбарони сохторҳои мақомоти иҷроия, сарварони мактабҳои олӣ, сарварони муассисаҳои таълимии томактабӣ ва мактабҳои шаҳр, сарварони муассисаҳои тиб, раисони кумитаҳои маҳаллаҳо ва КВДК «Сарраёсати ободонӣ,хоҷагию манзилӣ ва коммуналӣ» ширкат доштанд.

Муфассал... Шарҳ додан

Муроҷиати шаҳрвандон иҷро мешавад.

(1 овоз, миёна 5.00 аз 5)

14 Апрел 2015

Дар асоси супориши Президенти Ҷумҳурии Тоҷикистон Эмомалӣ Раҳмон баррасии муроҷиати саривақтии сокинон ва ҳалли масалаҳои муҳими ҳаёти шаҳрвандон дар фаъолияти Мақомоти иҷроияи ҳокимияти давлатии шаҳри Хуҷанд дар мадди аввал меистад.
Чанде пеш ба мақомоти маҳаллии шаҳри Хуҷанд як гурӯҳ сокинони кӯчаҳои ба номи Шариф Раҷабов ва “Истиқлол”-и маҳаллаи Раззоқи шаҳр аз таъмиртлаб будани кӯчаҳояшон арз карда буданд.
Раиси шаҳри Хуҷанд Раҷаббой Аҳмадзода бо мақсади огаҳӣ ёфтан аз асли воқеа ба маҳалли истиқоматии номбурда омада, бо вазъият ошно шуд ва бо сокинон сӯҳбати гарму самимӣ орост.
Раҷаббой Аҳмадзода изҳор дошт, ки худи сокинон низ дар ин кор бояд ташаббускор бошанд. Ҳалли мушкилоти ҷамъшавии оби борон ва ободонии кӯчаҳо ин корҳоест, ки бошандагони маҳаллӣ имкон доранд тариқи ҳашар ба сомон расонанд.

Муфассал... Шарҳ додан

Раиси шаҳр ҳамроҳи муроҷиаткунандагон дархостро баррасӣ намуд.

(3 овоз, миёна 3.67 аз 5)

11 Апрел 2015

Баробари муқаррар намудани рӯзи қабули шаҳрвандон аз ҷониби Раиси шаҳри Хуҷанд Раҷаббой Аҳмадзода сокинони маркази вилоят пайваста барои саҳм гирифтан дар корҳои ободонии кӯчаю маҳаллаҳои худ бо пешниҳод ба унвони Мақомоти иҷроияи ҳокимияти давлатии шаҳри Хуҷанд муроҷиат менамоянд.
Бо ин мақсад сокинони биноҳои № 83 ва №85 бо аризаи дархостӣ ба Раиси шаҳри Хуҷанд санаи 08 апрели соли равон муроҷиат намуданд.
Дар аризае,ки 16 нафар бошандагони биноҳои номбурдаи хиёбони И. Сомонӣ имзо мондаанд, пешниҳоди дар якҷоягӣ бо Мақомоти иҷроияи ҳокимияти давлатии шаҳр асфалтпӯш намудани саҳни ҳавлӣ ва кӯчаи роҳгузари ин биноҳо Ҳамчунин бунёди майдончаи варзишӣ барои бозии валейбол зикр гардида буд.

Муфассал... Шарҳ додан

«Дарёи муҳаббат» дар боғи Камоли Хуҷандӣ.

11 Апрел 2015

Мутобиқи қарори Раиси шаҳри Хуҷанд Раҷаббой Аҳмадзода бо мақсади таҳкими арзишҳои оиладорӣ ва иҷроиши Фармони Президени Ҷумҳурии Тоҷикистон Эмомалӣ Раҳмон бобати эълон гаштани «Соли 2015- соли оила», дар шаҳри Хуҷанд силсиламаҳфилҳо-озмун таҳти унвони «Дарёи муҳаббат» доир мегарданд. Маҳфил-озмуни навбатӣ дар боғи таърихӣ- фарҳангӣ ва фароғатии Камоли Хуҷандӣ баргузор шуд.
Маҳфили номбурда бо иштироки 10 оилаи намунавии маркази вилоят доир гашт. Оилаи ҷавони маҳфил собиқаи 30 солаи оиладорӣ ва кӯҳансолтаринаш бошад, собиқаи 60 солаи оиладорӣ доранд. Иштирокдорони маҳфил аз рӯзгори оилвии худ ба иштирокчиён нақл намуда, хушбахтии оилаи худро дар осудагии оила ва сиҳатии фарзандон медонанд. Иштирокчиён тариқи суолу ҷавоб лаҳзаҳои ҷолиби зиндагии якҷоя, мушкилии рӯзгори худро нақл намуданд.
Чорабиниро намоишҳои ҳунарҳои мардумӣ ва фарҳангии занони фаъоли маҳаллаҳои шаҳр шукӯҳи хоса бахшид.

Муфассал... Шарҳ додан

Кӯчаи навбунёд номи Мавҷуда Ҳакимоваро гирифт.

(1 овоз, миёна 5.00 аз 5)

10 Апрел 2015

Бо қарори Маҷлиси вакилони халқи шаҳри Хуҷанд даъвати чаҳорум яке аз кӯчаҳои маркази вилоят ба номи шоираи ширинкаломи тоҷик Мавҷуда Ҳакимова гузошта шуд.
Ба ин муносибат дар кӯчаи навбунёди маҳаллаи «Ваҳдат», ки номи Мавҷуда Ҳакимова гузошта шуд, ҷамъомади хотиравӣ ва номгузорӣ доир гардид.
Дар он Раиси шаҳри Хуҷанд Раҷаббой Аҳмадзода иштирок намуда, дар назди ҳозирон баромад намуд.
Раиси шаҳри Хуҷанд хизматҳои арзандаи журналист, шоира драматург ва ходими давлати қайд намуда, изҳор дошт,ки эхтироми фарзандони диёр, шахсиятҳои шинохтаи миллат аз дастуру иқдомҳои Президенти Ҷумҳурии Тоҷикистон Эмомалӣ Раҳмон маншаъ мегирад. Дар ҳамин замина сиёсати Раиси вилояти Суғд Абдураҳмон Қодирӣ низ ба он нигаронда шудааст, ки кору зиндагиномаи чунин шахсон ҳамеша бояд мавриди омӯзиш ва намунаи ибрати насли ҷавон бошад.

Муфассал... Шарҳ додан