АсосӣБойгонӣ

Навгонӣ

Таҷрибомузии донишҷуёни ДДХ дар ҷануби кишвар

15 Июн 2017

Як ҳайати гурӯҳи донишҷӯёни курси сеюми шуъбаи рӯзонаи факултети геоэкологияи Донишгоҳи давлатии Хуҷанд ба номи академик Бобоҷон Ғафуров, аз ҷумла Барчиной Вайдуллоева, Музаффар Ёрматов, Гулноза Қаҳорова Нигора Мирахматова, Диёра Султонхоҷаева, Муаззама Умарзода, Элёр Пӯлотов, Парвина Холиқова, Нодира Бегзамоновна, Таҳмина Азимбекова, Шарофат Мирзоева, Шаҳбоз Раупов, Эҳром Раҷабов, Ислом Турсунов, Дилшод Шобобоев, Мирзошариф Аҳроров бо роҳбарии профессор Садриддин Абдураҳимов тибқи фармоиши ректори донишгоҳ ба таҷрибаомӯзии таълимии байниминтақивии дур аз санаи 12.06.2017 то санаи 22.06.2017 сафарбар гардиданд.

Муфассал... Шарҳ додан

Ғолибони озмуни “Муаллими сол-2017” дар ДДХ муайян шуданд

13 Июн 2017

Дар толори калони раёсати Донишгоҳи давлатии Хуҷанд ба номи академик Бобоҷон Ғафуров даври ниҳоии озмуни умумидонишгоҳии “Муаллими сол-2017”, ки ба ифтихори Соли ҷавонон баргузор гардид, натиҷагирӣ карда шуд.
Ровиёни чорабинӣ онро ифтитоҳ бахшида аз ҷумла зикр сохтанд, ки таи солҳои охир дар Донишгоҳи давлатии Хуҷанд ба номи академик Бобоҷон Ғафуров анъанаи неки ташкили озмунҳо барои баланд бардоштани сатҳу сифати дарс ва беҳдошти раванди таълим роҳандозӣ гардидааст. Аз ҷумлаи онҳо озмуни «Дарси беҳтарин» - 2013, «Рушди сифати таҳсилот» -2014, “Дарсҳои намунавии докторони илм, профессорони донишгоҳ-2015”, “Дарсҳои намунавии собиқадорони меҳнат -2016”-ро номбар кардан мумкин аст, ки дар пешрафти раванди таълим ва беҳдошти сифати он нақши назаррас гузоштааст.

Муфассал... Шарҳ додан

Дар шаҳри Хуҷанд шанбегӣ гузаронида шуд.

10 Июн 2017

Мувофиқи дастури Раиси шаҳри Хуҷанд Маъруф Муҳаммадзода ба истиқболи таҷлили 20 солагии Рӯзи ваҳдати миллӣ имрӯз дар шаҳри Хуҷанд шанбегии умумишаҳрӣ гузаронида шуд.
Назар ба маълумоти пешниҳодгашта дар шанбегӣ бештар аз 11 ҳазор нафар кормандони сохторҳои марбутаи Сарраёсати ободонӣ хоҷагию манзилӣ ва коммуналии шаҳр ҳамчунин ҳашарчиён аз тамоми корхонаю ташкилотҳо ва муассисаҳои маркази вилоят ширкат намуданд.
Давоми рӯз ба миқдори наздик 700 дона гулҳои ороишии мавсимӣ шинонда шуда, ба масоҳати 1800 метри квадратӣ майдонҳои сабзкорию гулпӯшкунӣ ташкил карда шуд. Ҳамчунин бо кӯмаки иштирокчиёни шанбегӣ ба масоҳати 4330 метри квадратӣ майдонҳои шаҳр аз алафҳои бегона тоза карда шуд.

Шарҳ додан

Ташрифи донишҷӯёни хатлонӣ ба ДДХ ба номи академик Бобоҷон Ғафуров

13 Июн 2017

Аз санаи 20 то 23 июни соли равон рӯзҳои донишҷӯёни вилояти Хатлон дар Донишгоҳи давлатии Хуҷанд ба номи академик Бобоҷон Ғафуров таҳти унвони «Донишҷӯён-ҷавонони ваҳдатсаро» баргузор мешавад. Дар ин бора ба мо мудири шуъбаи тарбияи донишгоҳ Фаридун Ҳодибоев иттилоъ дод.
Ин манбаъ афзуд, ки зиёда аз 30 нафар донишҷӯёну устодони Донишгоҳи давлатии Кӯлоб ба номи Абӯабдуллоҳ Рӯдакӣ, Донишгоҳи давлатии Қӯрғонтеппа ба номи Носири Хусрав ва Донишгоҳи давлатии Данғара бо мақсади таҳкими дӯстӣ, шиносоӣ оид ба вазъи таҳсил ва табодули таҷриба, ошноӣ аз ҷойҳои таърихиву фарҳангии вилоят, иштирок дар конфронсу мулоқот ва маҳфилҳои гуногун ба ДДХ ба номи академик Бобоҷон Ғафуров ташриф меоранд.

Муфассал... Шарҳ додан

Таъмири роҳҳо дар шаҳри Хуҷанд идома дорад.

(1 овоз, миёна 5.00 аз 5)

09 Июн 2017

Дар асоси нақшаи Мақомоти иҷроияи ҳокимияти давлатии шаҳри Хуҷанд масъулину мутасаддиёни Идораи давлатии нигаҳдории роҳҳои автомобилгарди шаҳри Хуҷанд ҳамарӯза маъракаи мумфаршкунӣ ва таъмири роҳҳоро вусъат бахшида, нақша доранд соли ҷорӣ 43,35-км роҳҳои нақлиётгарди ҳудуди шаҳрро ба таъмиру таҷдид фаро гиранд. Айни замон бошад мумфаршкунии пурраи кӯчаҳои ба номи Т.Эрйигитов, Ф.Энгелс ва Р.Ҷалил ҷараён дорад. Масоҳати умумии таъмиршавандаи роҳ дар ин мавзеъ 3800-метри мураббаъро ташкил дода, то имрӯз 80-дарсади корҳо ба сомон расонида шудааст. Сокинони маҳалла аз чунин иқдоми мақомоти маҳаллӣ арзи хушҳоли намуда, таъкид медоранд, ки ин иқдом боиси боз ҳам беҳтару хубтар гаштани рафту омад дар тамоми фасли сол мегардад.