АсосӣБойгонӣ

Навгонӣ

Табрикоти Раиси шаҳри Хуҷанд ба муносибати 71-солагии Рӯзи Ғалаба дар Ҷанги Бузурги Ватанӣ

06 Май 2016

alt Ҳамдиёрони азиз!
Падарони шуҷою шарафманд!
Фарорасии 71-умин солгарди Ғалаба дар Ҷанги Бузурги Ватаниро барои ҳар яки Шумо муборакбод мегӯям. Ба кулли мардуми диёри офтобиамон осмони софу беғубор, тани сиҳату хотири ҷамъ, ба падарони матину қаҳрамон давлати пирӣ таманно мекунам.
Ҳафтоду як сол муқаддам дар ҳамин гуна рӯзҳои баҳорон хабари маҳви фашизми гитлерӣ, анҷоми музаффаронаи Ҷанги Бузурги Ватанӣ ва муҷдаи Зафар дар рӯи олам танинандоз гардид. Ин ҷанги мудҳиштарин дар таърихи инсоният 1418 шабонарӯз давом карда, дуду оташи он садҳову ҳазорон шаҳру деҳаҳоро ба хок яксон намуда, ҳаёти 27 миллион нафар мардумони шӯравиро ба комаш фурӯ бурд.

Муфассал... Шарҳ додан

Боздид аз муассисаҳои тиббии шаҳр

05 Май 2016

Раиси шаҳри Хуҷанд Шарифзода Шариф Файз барои огоҳӣ пайдо кардан аз вазъи беморхонаҳову марказҳои саломатии дар шаҳр амалкунанда ба як қатор муассисаҳои тиббӣ омада, бо кормандону табобатгирандагон мулоқот анҷом дод.
Дар Беморхонаи клиникавии сироятии шаҳри Хуxанд Шарифзода Шариф Файзро духтурону ҳамширагони шафқат хуш пазируфтанд. Раиси шаҳр бо кормандони беморхона сeҳбат ороста, оид ба моҳияти эълон шудани «Соли 2016-Соли фарди солим», иҷрои бандҳои Барномаҳои давлатӣ оид ба ҳифзи сиҳатии омма ва ҳамчунин, аз вазъи хизматрасонии тиббӣ ба аҳолӣ сухан кард. Сардухтури беморхона Баҳодур Мӯъминов иттилоъ дод, ки дар беморхонаи мазкур 216 нафар кормандон фаъолият дошта, аз ин шумор 19 духтур, 80 ҳамшираи тиб, 80 корманди миёнаи тиб ва ҳамчунин, кормандони ҳамкор мебошанд. Беморхона дорои 5 шӯъба, шӯъбаи эҳё, қабул ва ташхисгоҳ буда, дар онҳо 270 кати муолиxавӣ гузошта шудааст.

Муфассал... Шарҳ додан

Мусобиқаи варзишӣ дар муассисаи таълимии ҳарбӣ

04 Май 2016

Бахшида ба 25 солагии Истиқлолияти давлатии Ҷумҳурии Тоҷикистон дар факултети № 4 Академияи Вазорати корҳои дохилии Ҷумҳурии Тоҷикистон мусобиқаҳои варзишӣ байни кормандони ҳайати шахсӣ ва курсантҳои ин муассисаи таълимии ҳарбӣ аз рӯи намудҳои футбол, бандкашӣ, вазнкашӣ ва давидан ба масофаи 100м баргузор гардид. Мақсади чорабиниро масъулин баланд бардоштани ҳисси ватандӯстӣ, тарбияи ахлоқӣ ва маънавии курсантон, тайёр намудани курсантон барои хизмат ба халқу Ватан, санҷиши донишу малакаи касбии онҳо арзёбӣ менамоянд.
Мусобиқа давоми 10 рӯз идома ёфта, дар ниҳояти ин чорабинии варзишӣ ғолибият аз рӯи натиҷаи инфиродӣ ва даставӣ муқаррар карда шуд.

Муфассал... Шарҳ додан

Дар Хуҷанд Рӯзҳои ҷавонон оғоз гардид

05 Май 2016

Бахшида ба таҷлили Рӯзи ҷавонони Тоҷикистон дар шаҳри Хуҷанд чорабинии фарҳангӣ-таърихии таҳти унвони «Ҷавонон–пайрави Пешвои миллат ва муҳофизони дастовардҳои 25 соли Истиқлолияти давлатии Ҷумҳурии Тоҷикистон!» силсилаи чорабиниҳои мухталиф баргузор мегардад. Ҳамзамон тибқи нақшаи тасдиқгардида дар маркази вилоят ба муносибати 71-умин солгарди Рӯзи Ғалаба дар Ҷанги Бузурги Ватанӣ ҳафтаи «Поси хотир» оғоз гардид. Яке аз ин чорабаниҳои пуршукӯҳ ва хотирмон дар Осорхонаи таърихию кишваршиносии вилояти Суғд таҳти унвони «Ҳеҷ кас ва ҳеҷ чиз фаромӯш нашудааст» баргузор гардид.
Бо гирандагони стипендияи Президентӣ ва Раиси шаҳр, ҷавонони фаъоли шаҳр, сарбозони қисми низомии 3501-и Вазорати корҳои дохилаи Ҷумҳурии Тоҷикистон иштирокчиёни Ҷанги Бузурги Ватанӣ Мамадхон Эшонов ва Қориҷон Ахмедов мулоқоти самимӣ намуда аз зиндагиномаю корнамоиҳои худ дар набарди мудҳиши асри гузашта нақл намуданд.

Муфассал... Шарҳ додан

Шариф Шарифзода: «Мардонагию қаҳрамонии Шумо ифтихори насли имрӯзу фардост.»

04 Май 2016

Бахшида ба 71 солагии Рӯзи Ғалаба имрӯз дар Мақомоти иҷроияи ҳокимияти давлатии шаҳри Хуҷанд ба 5 нафар иштирокчиёни Ҷанги Бузурги Ватанӣ, Мамадхон Эшонов, Ашӯр Комилов, Аҳрулло Саидов, Маликаброр Шарипов ва Сотим Мирзоалиев супоридани кӯмакҳои яквақтаи пулии Асосгузори сулҳу ваҳдати милли, Пешвои миллат, Президенти кишвар Эмомалӣ Раҳмон Раиси вилояти Суғд ва Раиси шаҳри Хуҷанд баргузор гардид. Дар оғоз Раиси шаҳри Хуҷанд Шарифзода Шариф Файз меҳмононро ба собиқадорони ҷанг муаррифӣ намуда, барои онҳо таманниёти неку самимии хешро расонд.
Муовини вазири маориф ва илми ҷумҳурӣ Бозорали Одиназода ин мардони қаҳрамонро аз номи Пешвои миллат,Президенти Ҷумҳурии Тоҷикистон Эмомалӣ Раҳмон табрик намуда, изҳори умедворӣ намуд,ки имсолу солҳои минбаъда садри маҳфилҳои ҷашнии мардуми шарифи кишвар хоҳанд буд.

Муфассал... Шарҳ додан