АсосӣБойгонӣ

Навгонӣ

Ярмаркаи V-уми байналмилалии савдо “Суғд-водии имконот 2018” дарҳояшро боз намуд!

06 Июл 2018

Дар толори «Қасри варзиш»-и шаҳри Хуҷанд» маросими ифтитоҳии Ярмаркаи V-уми байналмилалии савдо “Суғд-водии имконот 2018” бо ҳузури Раиси вилояти Суғд Раҷаббой Аҳмадзода, намояндагони корпусҳои тиҷоратии минтақавӣ ва хориҷи дур баргузор гардид.

Раиси вилояти Суғд Раҷаббой Аҳмадзода зимни баромади худ таъкид дошт, ки ярмаркаи V-уми байналмилалии савдо “Суғд- водии имконот 2018” бо мақсади дастгирии рушди савдои байналмилалӣ, баланд бардоштани нерӯи содиротӣ, ба роҳ мондани ҳамкории судманд бо давлатҳои хориҷии дуру наздик, ҷалби сармоягузорӣ ва воридоти технологияҳои муосир доир гардида истодааст, ки дар он иштироки намояндагони доираҳои тиҷоратии Русия, Чин, Қазоқистон, Қирғизистон, Ӯзбекистон, Кореяи ҷанубӣ, ташкилотҳои байналхалқӣ, ҳамзамон соҳибкорону ҳунармандон аз шаҳри Душанбе, вилоятҳои Суғд, Хатлону Бадахшон ва навоҳии тобеи марказ бо молу маҳсулоти худ ҳузур доранд.

Муфассал... Шарҳ додан

Сафари корӣ ба Ҷумҳурии Қазоқистон

06 Июл 2018

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати анҷоми сафари корӣ ба Ҷумҳурии Қазоқистон сафар карданд.

Дар фурудгоҳи байналмилалии Душанбе Президенти Ҷумҳурии Тоҷикистон Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, Роҳбари Дастгоҳи иҷроияи Президенти Ҷумҳурии Тоҷикистон ва дигар шахсони расмӣ гусел намуданд.

Шарҳ додан

Либоси сиёҳ мотамӣ аст

05 Июл 2018

Бо мақсади тарғиби фарҳанги либоспӯшӣ дар дармонгоҳи №6-и шаҳри Хуҷанд мулоқоти масъулини шуъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд ва Кумитаи иҷроияи ҲХДТ дар шаҳр бо занони маҳаллаи Бофанда ва кормандони дармонгоҳ мазкур сурат гирифт.

Мудири шуъбаи кор бо занон ва оилаи шаҳри Хуҷанд Муяссар Сангинова гуфт,ки оийини ҳар халқу миллат таьриху маданияти он маҳсуб меёбад, ки ҷузьи ҷудонашавандаи фарҳанг буду ҳаст. Халқи фарҳангиву тамаддунсози тоҷик аз қадим соҳиби фарҳанги воло буда, имруз низ он арзишҳоро ҳифз намуда,барои ояндагон ба мерос мегузорад. Рисолати мо аз он иборат аст,ки ин арзишҳои гаронбаҳоро ҳифз намоем, дар раванди таҷдид ва ташаккули онҳо саҳмгузор бошем. На балки ба либосҳои бегона пайравӣ намоем.

Муфассал... Шарҳ додан

Ҷаласаи навбатии Комиссия оид ба ҳуқуқи кўдак

05 Июл 2018

Ҷаласаи навбатии Комиссия оид ба ҳуқуқи кўдаки назди мақомоти иҷроияи ҳокимияти давлатии шаҳри Хуҷанд таҳти роҳбарии раиси Комиссия, муовини Раиси шаҳри Хуҷанд Фирӯза Нуруллозода баргузор градид, ки дар он аъзои Комиссия 19 масъаларо мавриди баррасӣ қарор доданд.

Шаҳрвандон доир ба масоили иваз намудани номи фарзанд, барои ба васоят гирифтани наздикон, гирифтани фарзанд аз “Хонаи кӯдакон ва ғайраҳо муроҷиат намуда, хулосаҳои қаноатбахши Комиссияро ба даст оварданд. Ҳамчунин Комиссия мактуби як қатор мақомоти дахлдорро вобаста ба амалу кирдори ноболиғон бо ҳузури волидайн, ноболиғ ва маъмурияти муасисаи таълимӣ омӯхта, хулосабарорӣ намуданд.

Муфассал... Шарҳ додан

Таъсиси гуруҳи корӣ ва тарғиби соҳибкорӣ дар Хуҷанд

(2 овоз, миёна 3.00 аз 5)

04 Июл 2018

Тибқи як қарори Раиси шаҳри Хуҷанд Маъруф Муҳаммадзода бо мақсади дар сатҳи баланд таъмин намудани талаботи қарори Раиси вилояти Суғд «Дар бораи ташкил ва гузаронидани озмуни «Соҳибкори беҳтарини соли 2018» гуруҳи корӣ таъсис дода шуд.

Гуруҳи корӣ муваззаф гардидааст, ки баҳри дар сатҳи баланд гузаронидани озмуни зикргардида нақша-чорабиниҳо таҳия намуда, доир ба тарғиби соҳибкорӣ байни аҳолӣ, бахусус миёни ҷавонон, занону духтарон тадбирҳо андешад.

Дар пояи қарори мазкур, силсилаи иқдомҳои зиёд, аз ҷумла ташкили рӯзи ягонаи вохӯрии роҳбарияти мақомоти иҷроияи ҳокимияти давлатии шаҳр бо соҳибкорон, таъсиси маҳфили соҳибкорони ҷавон, ташкили семинарҳо ҷиҳати баланд бардоштани иқтидорҳои технологӣ ва идоракунии кормандони корхонаҳои хурду миёнаи шаҳр, баргузор намудани мизҳои мудаввар дар мавзуъҳои марбут ба тиҷорат, баланд бардоштани дониши ҳуқуқии соҳибкорон,

Муфассал... Шарҳ додан