АсосӣБойгонӣ

Навгонӣ

Ширкати "Роҳи сомон" ордро арзон кард...

26 Май 2018

Cубҳи имруз дар мавзеъи назди театри Хоҷа Камоли Хуҷандии шаҳри Хуҷанд ярмарка фуруши маҳсулоти хоҷагии қишлоқ сурат гирифт. Дар ярмарка ба сокинони шаҳри Хуҷанд аз бозор 20-30 фисад арзон маҳсулотҳо пешкаш карда шуданд. Масалан нархи гушт 30 сомонӣ, пиёз аз 0, 70 дирам то 1,50 сомон, сабзӣ 1 сомонӣ, шакар 4, 50 сомонӣ ва ғайра арзиш доштанд.

Бо назардошти иҷрори дастуру супоришҳои Сарвари давлат муҳтарам Эмомалӣ Раҳмон зимни мулоқоташон бо аҳли ҷомеаи кишвар аз ҷониби ширкати "Роҳи сомон" беш аз 600 халта орди 50 килогӣ бо маблағи 110 сомонӣ дар ду мавзеъи шаҳр: микроноҳияи 20 ва назди театри Хоҷа Камоли Хуҷандӣ пешкаш карда шуд.

Муфассал... Шарҳ додан

Раиси шаҳри Хуҷанд аз ҳолати кӯчаву маҳаллаҳои шаҳр боздид намуд

25 Май 2018

Дирӯз Раиси шаҳри Хуҷанд Маъруф Муҳаммадзода, бо мақсади омодагии шаҳр ба ҷашни Ваҳдати миллӣ ва шиносоӣ аз ҳолати воқеъии канори кӯчаҳо аз мавзеъи варзишгоҳи «Спартак»-и хиёбони Исмоили Сомонӣ то китобхонаи вилоятии ба номи Тошхоҷа Асирӣ пиёда боздид намуд.

Маъруф Муҳаммадзодаро дар ин боздид муовинони Раиси шаҳр, роҳбари дастгоҳи Раиси шаҳр, директори генералии КВДК «СО ва ХМК»-и шаҳр, сардорони қитъаҳои зертобеъ, раисони кумитаи маҳаллаҳои Суғдиён ва Мевағул, роҳбарони воҳидҳои сохтории дахлдори мақомоти иҷроияи ҳокимияти давлатии шаҳр ҳамроҳӣ намуданд.

Таъкид шуд, ки гулҳои шинонидашудаистодаи хиёбонҳои шаҳр бо нақша ва дизайни нав шинонида шавад. Фавран барои обёрии гулҳои кӯчаҳои шаҳр таваҷҷуҳ зоҳир карда, дар ин мавзеъҳо нуқтаи обтаъминкуни ташкил гардад.

Муфассал... Шарҳ додан

Оғози мумфаршкунии кӯчаи Сирдарё

25 Май 2018

Субҳи имрӯз бо иштироки Раиси вилояти Суғд Раҷаббой Аҳмадзода, Раиси шаҳри Хуҷанд Маъруф Муҳаммадзода, сокинони маҳаллаи «Навбаҳор», фаъолони шаҳр ба корҳои мумфаршкунӣ ва азнавсозӣ дар кӯчаи Сирдарёи шаҳри Хуҷанд ҳусни оғоз бахшида шуд.

Раиси вилояти Суғд Раҷаббой Аҳмадзода қабл аз оғози маъракаи мумфаршкунӣ назди ҳозирин баромад карда, аз ҷумла қайд кард, ки чорабинии мазкур дар заминаи иҷрои фармони Президенти Ҷумҳурии Тоҷикистон муҳтарам Эмомалӣ Раҳмон доир ба таҷлили 30 солагии Истиқлолияти давлатии Ҷумҳурии Тоҷикистон ва қарори Раиси вилояти Суғд оид ба эълон гардидани 1300 рӯзи ободонию кабудизоркунӣ ба истиқболи 30 солагии Истиқлолияти давлатии Ҷумҳурии Тоҷикистон сурат мегирад.

Роҳбари вилоят гуфт, ки дар замини санадҳои мазкур имрӯз дар 18 шаҳру навоҳии вилоят корҳои ободонию созандагӣ сурати тоза пайдо намудааст.

Муфассал... Шарҳ додан

«Хуҷанд» дар саргаҳи ҷадвали мусобиқот

25 Май 2018

Дирӯз дар варзишгоҳи «20-солагии Истиқлолияти Тоҷикистон”-и шаҳри Хуҷанд бозии миёни дастаҳои «Хуҷанд» ва «Истиқлол» баргузор шуд ва бо ҳисоби 4 – 3 ба фоидаи соҳибони майдон ба анҷом расид.

Дар дақиқаи 21-уми бозӣ футболбози дастаи «Истиқлол» Николай Зенко ҳисобро боз кард. Дар дақиқаи 24–ум Нозим Бобоҷонов голи дуюми меҳмонро ба ҳадаф расонд. Муаллифи голи сеюми дастаи “Истиқлол” Ромиш Ҷалилов гардид.

Ҳамин тариқ Ҳасан Рустамов, Фарҳод Тоҳиров, Ҳикматулло Расулов ва Дилшод Бозоров муаллифони голҳо аз дастаи “Хуҷанд” гардиданд.

Ҷоиз ба зикр аст, ки “Хуҷанд” дар ҷадвали мусобиқаро бо 23 имтиёз соҳибӣ намуд. “Истиқлол” дар зинаи дуюм ва “Хатлон”-и Бохтар бо 13 имтиёз дар зинаи сеюм қарор доранд.

Муфассал... Шарҳ додан

Таҷлили Рӯзи ҷавонон дар Хуҷанд

24 Май 2018

Дар назди маҷмааи «Истиқлол»-и шаҳри Хуҷанд бо иштироки зиёди ҷавонон ва фаъолони шаҳру навоҳии вилояти Суғд аз Рӯзи ҷавонони Тоҷикистон таҷлил карда шуд.

Нахуст аз ду ҷониби ин маҷмаа роҳпаймоии беш аз 20 ҳазор нафар ҷавонон сурат гирифт. Раиси вилояти Суғд Раҷаббой Аҳмадзода ҷавононро бо идашон табрик гуфта, аз ҷумла афзуд, ки «Боиси ифтихор аст, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба нерӯи созанда, иқдомҳои бунёдкорона, ташаббусҳои наҷиби ҷавонон ва қобилияти баланди зеҳниву ҷисмонии онҳо эътимоди комил доранд ва ғамхорӣ дар ҳаққи насли ояндасози миллатро самти меҳвари фаъолияти худ қарор додаанд.

Муфассал... Шарҳ додан