АсосӣБойгонӣ

Навгонӣ

Оромию осудагии ҷомеа гавҳари бебаҳо

01 Август 2018

Дар Маркази фарҳанги шаҳри Хуҷанд мулоқот бо фаъолону сокинони шаҳри Хуҷанд доир ба маҳкум намудани амалҳои терорристӣ ва пешгирии фаъолияти аъзоёни ҳизбу ҳаракат ва равияҳои динӣ – экстремистидошта бо ҳузури роҳбарияти шаҳр, роҳбарони мақомоти ҳифзи ҳуқуқ, роҳбарони муассисаҳои таҳсилоти олӣ ва миёнаи махсус, роҳбарон ва муовинони муассисаҳои таълимӣ, ҷавонон, варзишгарон, имомхатибони масҷидҳо, раисони кумитаҳои маҳаллаҳо, раисони Шӯрои занон ва Шўрои ҷавонони кумитаи маҳаллаҳо баргузор гардид.

Раиси шаҳри Хуҷанд Маъруф Муҳаммадзода чорабиниро оғоз намуда, аз ҷумла афзуд, ки бунёди давлати демократӣ ва дунявӣ, ки дар он тамоми ҳуқуқу озодиҳои шаҳрвандон таъмин карда мешавад, яке аз ҳадафҳои асосии сиёсати Ҳукумати Ҷумҳурии Тоҷикистон ва Асосгузори сулҳу ваҳдати миллӣ – Пешвои миллат, мўҳтарам Эмомалӣ Раҳмон мебошад.

Муфассал... Шарҳ додан

Автобусҳои нав дар 2 хатсайр фаъол гардиданд

01 Август 2018

Субҳи имрӯз 25 адад автобусҳои нав, яке бо хатсайри микроноҳияи 3-юми шаҳри Хуҷанд ба воситаи хиёбонҳои Истиқлолу Исмоили Сомонии шаҳр ба истгоҳи роҳи оҳани ноҳияи Бобоҷон Ғафуров ва ва дуюмӣ аз микроноҳияи 3-юм тариқи роҳи байни микроноҳияҳои 8-12 ва 12-13 (кӯчаи Усмон Қосимов) сипас ба воситаи кӯчаи Рифъат Ҳоҷиев ва хиёбони Исмоили Сомонии шаҳри Хуҷанд то ба истгоҳи роҳи оҳани ноҳияи Бобоҷон Ғафуров фаъолияти хешро оғоз бахшиданд.

Тибқи дастури Раиси вилояти Суғд Раҷаббой Аҳмадзода рӯзи аввали ба фаъолият оғознамоии автобусҳо, яъне 1-уми августи соли равон дар масирҳои номбурда ба шаҳрвандон хизматрасонии комилан ройгон ба роҳ монда шуд.

Шуруъ аз 2-юми августи соли равон нархи роҳкирои автобусҳо дар сайрхатҳои номбурда ҳамагӣ 1 сомонӣ аз ҷониби шаҳрдорӣ муайян гардидааст.

Муфассал... Шарҳ додан

Мухбира Дониёрова мудири САҲШ-и шаҳри Хуҷанд таъин шуд

(1 овоз, миёна 5.00 аз 5)

31 Июл 2018

Тибқи қарори Раиси шаҳри Хуҷанд Маъруф Муҳаммадзода аз 30-юми июли соли равон мудири шуъбаи сабти асноди ҳолати шаҳрвандии шаҳр Мухбира Дониёрова таъин карда шуд.

Мухбира Дониёрова баъди хатми мактаби миёна соли 1994 ба ба факултаи забонҳои хориҷии Донишгоҳи давлатии Хуҷанд ба номи академик Бобоҷон Ғафуров дохил шуда, соли 1999 онро хатм намуда, дар донишгоҳи номбурда ҳамчун омӯзгори фанни забони англисӣ фаъолияти меҳнатиашро оғоз бахшид.

Ҳамзамон дар ин муддат Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷандро бо ихтисоси ҳуқуқшинос хатм намуд.

Муфассал... Шарҳ додан

Баррасии мушкилоти муҳоҷирони экологӣ

31 Июл 2018

Дар толори Мақомоти иҷроияи ҳокимияти давалатии шаҳри Хуҷанд бо иштироки муовини Раиси шаҳри Хуҷанд Ҷамшед Абдуқаюмзода, сардори шӯъбаи Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар шаҳри Хуҷанд Манзурат Саторова ва дигар аъзоёни Комиссияи маҳаллии танзими равандҳои муҳоҷирати дохилӣ (ихтиёрӣ ва экологии назди мақомоти иҷроияи ҳокимияти давлатии шаҳри Хуҷанд ва як гурӯҳ муҳоҷирони экологӣ доир гардид.

Дар ҷараёни маҷлис масъалаи ташкили инфрасохтор дар маҳалҳои барои муҳоҷирони экологӣ ҷудогардида баррасӣ шуд.

Муфассал... Шарҳ додан

Конференсияи илмӣ-тадқиқотӣ дар Миср: “Миср ва Тоҷикистон дар мубориза бар зидди созмонҳои террористӣ.

31 Июл 2018

Конференсияи илмӣ-тадқиқотӣ дар Миср: “Миср ва Тоҷикистон дар мубориза бар зидди созмонҳои террористӣ. Омӯзиши тафсилии фаъолияти “Ихвонулмуслимин” ва ТТЭ Ҳизби наҳзати исломӣ” Конференсияи мазкур зери сарпарастии пажуҳишгоҳҳои давлатии илмӣ-тадқиқотии Ҷумҳурии Арабии Миср - Шӯрои Миср оид ба корҳои хориҷӣ, Форуми мисрӣ дар масъалаҳои ВАО, Маркази тадқиқоти сиёсӣ ва хабарии “Ҳивор” ва Намоишгоҳи баҳрӣ барпо мегардад.

Мавзӯи конференсияи мазкур: “Миср ва Тоҷикистон дар мубориза бар зидди созмонҳои террористӣ. Омӯзиши тафсилии фаъолияти “Ихвонулмуслимин” ва ташкилоти террористӣ-экстремистии ҳизби наҳзати исломӣ” мебошад. Муҳиммияти конференсия масъалаи мубориза бар зидди терроризм дар Миср ва Тоҷикистон, шабоҳати вазъияти ду кишвар ва вуҷуди созмонҳои террористие ба мисли “Ихвонулмуслимин” ва ҲНИ, ки ҳардуи он кӯшиши ноором сохтани суботи ду кишварро доранд, мебошад.

Муфассал... Шарҳ додан