АсосӣБойгонӣ

Навгонӣ

Дарёи муҳаббат

15 Май 2018

Дар толори Хонаи ақди никоҳи шаҳри Хуҷанд, ба ифтихори «Рӯзи байналмилалии оила» маҳфили «Дарёи муҳаббат» ташкил ва баргузор карда шуд.

Чорабиниро сардори хонаи ақди никоҳ Хуршедахон Хоҷазода ҳусни оѓоз бахшида, ҳамагонро бо «Рӯзи байналмилалии оила» муборакбод намуда, ба оилаҳои барӯманди шаҳри Хуҷанд барору муваффақиятҳо таманно кард.

Мудири шӯъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд Муяссар Сангинова ҳадаф аз гузаронидани чунин маҳфилҳоро дар остонаи Рӯзи оила ва муқаддас будани оиларо ба аҳли нишаст шарҳ дод.

Сипас аз ҷониби барандагони чорабинӣ оилаи ҳамзисти 60 сола Алиевҳо аз маҳаллаи «Содирхон Ҳофиз», оилаи ҳамзисти 55 сола Юнусовҳо аз маҳаллаи «Навбаҳор», инчунин оилаи ҳамзисти 50 сола оилаи Сайдуллоевҳо аз маҳаллаи «Сари баландӣ» ва оилаи ҳунарманд Ашӯровҳо бо ҳунари гаҷкори, ки саҳми худро дар ин толори хонаи ақди никоҳ гузоштаанд, даъват карда шуданд.

Муфассал... Шарҳ додан

Барқияи табрикӣ ба Сарвазири Малайзия доктор Маҳатҳир Муҳаммад

15 Май 2018

Имрӯз Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Сарвазири Малайзия доктор Маҳатҳир Муҳаммад барқияи табрикӣ ирсол намуданд, ки дар он омадааст:

«Ҷаноби Олӣ,

Табрикоти самимии маро ба муносибати интихоб гардиданатон ба маснади олии Сарвазири Малайзия қабул фармоед.

Боиси қайд аст, ки маҳз дар замони сарвазирии Шумо солҳои 1982-2003 кишвари дӯсти Малайзия мушкилиҳои зиёди иқтисодиву иҷтимоиро паси сар карда, ба дастовардҳои назаррас ноил шуд ва ба яке аз давлатҳои зуд рушдёбандаи ҷомеаи ҷаҳонӣ мубаддал гашт.

Мо ба ояндаи неки равобити ҳасана бо Малайзия итминон дорем ва дар чорчӯби татбиқи сиёсати хориҷии худ барои рушду густариши онҳо пайваста саъю талош хоҳем кард.

Муфассал... Шарҳ додан

Раҷаббой Аҳмадзода аз вазъи азнавсозии «Қалъаи Хуҷанд» шинос шуд

14 Май 2018

Дирӯз Раиси вилояти Суғд Раҷаббой Аҳмадзода баъди иштирок дар ярмарка фурӯши маҳсулоти кишоварзӣ дар шаҳри Хуҷанд, аз вазъи корҳои азнавсозии Маҷмааи “Қалъаи Хуҷанд” аз наздик шинос гардид.

Олимон, муаррихон, адибон ва масъулини сохтмони қалъа доир ба вазъи омодагии корҳои азнавсозӣ ба Раиси вилоят маълумоту машварат доданд.

Раҷаббой Аҳмадзода ба масъулин дастур дод, ки зимни таҷдиду азнавсозӣ аҳамияти таърихӣ ва қадимии «Қалъаи Хуҷанд» нигоҳ дошта шавад ва ҳамзамон барои осеб нарасидани моли таърих чораҳо андешида шаванд.

Ба муовини Раиси вилояти Суғд Анвар Яъқубӣ дастур дода шуд, ки нақшаи кулли азнавсозии қалъа омода ва корҳо дар зудтарин фурсат дар се баст ташкил гарданд.

Муфассал... Шарҳ додан

Раиси шаҳри Хуҷанд 9 оилаи намунавиро ба Самарқанд фиристонд

14 Май 2018

Дар толори Хонаи ақди никоҳи шаҳри Хуҷанд аз Рӯзи оила таҷлил карда шуд. Нахуст дар вазъияти тантанавӣ оилаҳои барӯманди шаҳри Хуҷанд, ки муддати зиёд ҳамзистӣ намуда буданд, ба саҳнаи ифтихорӣ бо карнаю доира ва сурнай даъват карда шуданд.

Раиси шаҳри Хуҷанд Маъруф Муҳаммадзода аз дастоварди ҳунармандони шаҳри Хуҷанд ошноӣ пайдо карда, ба ҳунари дастӣ онҳо баҳои баланд дод. Раиси шаҳр ба ҳунармандон омодагии Мақомоти ичрояи ҳокимияти давлатии шаҳри Хуҷандро ҷиҳати дастгирӣ ва мусоидат баҳри рушди ҳунармандӣ изҳор дошт. Шаҳрдор ҳамчунин тавсияҳои хешро ҷиҳати бозоргир намудани маҳсулот ба ҳунармандон ироа дошт.

Дар ҷамъомади бошукуҳи идона бахшида ба Рӯзи оила Раиси шаҳри Хуҷанд Маъруф Муҳаммадзода иштирок ва баромад намуда, аз ҷумла таъкид дошт, ки соли 2018 барои сокинони кишварамон соли бобарор ва соли иду ҷашнҳост.

Муфассал... Шарҳ додан

Иштироки Раҷаббой Аҳмадзода дар ярмарка фурӯши маҳсулоти кишоварзӣ

14 Май 2018

Рӯзҳои истироҳатии шанбе ва якшанбеи ҳафтаи гузашта бо ибтикор ва ташаббусҳои созандаву хайрхоҳонаи Роҳбарияти Мақомоти иҷроияи ҳокимияти давлатии вилояти Суғд ба муносибати фарорасии моҳи шарифи Рамазон дар шафати театри Хоҷа Камоли Хуҷандии маркази вилоят ярмарка - фурӯши маҳсулоти кишоварзӣ ва маводи озуқаворӣ баргузор гардида истодааст.
Дируз Раиси вилояти Суғд Раҷаббой Аҳмадзода ва Раиси шаҳри Хуҷанд Маъруф Муҳаммадзода аз ҷараёни фуруши маҳсулоти кишоварзӣ ошноӣ пайдо намуданд.

Иттилоъ дода шуд, ки дар ярмарка кишоварзони шаҳру ноҳияҳои вилоят, корхонаҳои паррандапарварӣ, иттифоқҳои матлуботи вилоят, соҳибкорон ва дигар хоҷагиҳои ёрирасон маҳсулоти хушсифатро нисбат ба нархҳои бозор 20-30 фисад арзонтар пешниҳоди сокинон намуда истодаанд.

Муфассал... Шарҳ додан