АсосӣБойгонӣ

Навгонӣ

Беҳтаринҳо муайян гардиданд

04 Апрел 2017

Дар гимназияи №1 ба номи Маҳмудхоҷа Беҳбудӣ бахшида ба Соли ҷавонон ба мақсади ташвиқи варзиши сабук, мустаҳакам намудани алоқаи дӯстӣ, баданд бардоштани маҳорати касбии варзишгарон ва муайян намудани варзишгарони беҳтарин барои аъзои дастаи яккачини шаҳри Хуҷанд мусобиқаҳои варзишӣ байни толибилмони муассисаҳои таълимии шаҳр баргузор гардид. Мусобиқаҳои варзиши сабук аз рӯи намудҳои спринт- дав бо монеа, формула-1, ҷаҳидан ба дарозӣ, ҳаво додани найзаи кӯдакона, ҳаво додани ҳалқа бо гардиш, давидани пурбардоштона гузаронида шуд. Дар мусобиқаи варзишӣ дастаҳои МТМУ №22, 19, 10, 7, 21, М/Х «Файз», «Гулчини маърифат», гимназияи №1 ва дигарон ширкат варзида, бо чусту чолокии ба худ хос намудҳои варзиши сабукро иҷро карданд.

Муфассал... Шарҳ додан

Сафири давлати Украина дар шаҳри Хуҷанд

03 Апрел 2017

Сафири Фавқулода ва Мухтори Ҷумҳурии Украина дар Ҷумҳурии Тоҷикистон Виктор Никитюк ба вилояти Суғд бо сафари корӣ қарор дорад.
Дар маҷлисгоҳи мақомоти иҷроияи ҳокимияти давлатии шаҳри Хуҷанд Раиси шаҳри Хуҷанд Маъруф Муҳаммадзода ва Сафири давлати Украина дар Ҷумҳурии Тоҷикистон Виктор Никитюк бо бартарафкунандагони садамаи Нерӯгоҳи барқи атомии Чернобил мулоқот оростанд.
Раиси шаҳри Хуҷанд Виктор Никитюкро ба шаҳри Хуҷанд хайрамақдам гуфта, таъкид намуд, ки мулоқоти имрӯза баёнгари дӯстию рафоқати мардуми ин ду кишвар аст.
Дар рафти мулоқот қайд карда шуд, ки дар бартарафсозии ин садама аз вилояти Суғд беш аз 1000 нафар шаҳрвандон иштирок намудаанд.

Муфассал... Шарҳ додан

Ободии диёр аз хонаву дари худ оғоз меёбад

(1 овоз, миёна 5.00 аз 5)

31 Март 2017

Дар доираи эълон шудани соли 2017- Соли ҷавонон дар Донишкадаи политехникии Донишгоҳи техникии Тоҷикистон чорабиниҳои мухталифи фарҳангиву варзишӣ доир гардида истодаанд.
Наздики як моҳ байни бошандагони хобгоҳи донишкада озмуни «Ҳуҷраи беҳтарин» ва «Ошёнаи беҳтарин» ҷараён гирифта, дар он ҳамаи донишҷӯёни дар хобгоҳ иқоматдошта фаъолона ширкат варзиданд.
Рӯзи гузашта озмуни мазкур ҷамъбаст гардид.
Директори донишкада Саидӣ Дилафрӯз Раббизода зарурияти баргузории чунин озмунро дар соли барои ҷавонон муҳим қайд намуда, таъкид дошт, ки дӯст доштани Ватан аз хонаву дари худ оғоз меёбад. Бояд ҳар як насли худогоҳу хештаншинос барои ободии макони зист, ҷое, ки он ҷо таълим мегираду ба камол мерасад, кӯшиш варзад. Сарвари донишкада иқдоми пешгирифтаро қадаме ба пеш ба сӯи омодасозии ҷавонон ба ҳаёти мустақилона номид.

Муфассал... Шарҳ додан

Раиси шаҳри Хуҷанд муаррифӣ гардид.

(1 овоз, миёна 5.00 аз 5)

03 Апрел 2017

Рӯзи шанбеи 1 апрел бо иштироки Раиси вилояти Суғд Абдураҳмон Қодирӣ ва мушовири бахши Ёрдамчии Президенти Ҷумҳурии Тоҷикистон оид ба масъалаи кадрҳо Алишер Шарифов муаррифии раиси шаҳри Хуҷанд баргузор гардид.
Бо Фармони Президенти Ҷумҳурии Тоҷикистон аз 31 марти соли 2017 бо сабаби ба кори дигар гузаштан раиси шаҳри Хуҷанд Шарифзода Шариф Файз аз вазифа озод карда шуданд.
Дар толори хурди мақомоти иҷроияи ҳокимияти давлатии вилоят бо иштироки фаъолони шаҳри Хуҷанд раиси нави шаҳри Хуҷанд низ муаррифӣ гардид. Абдураҳмон Қодирӣ барои хизматҳояш ба Шарифзода Шариф Файз изҳори сипос намуда, ба раиси нави шаҳр Маъруф Муҳаммадзода ҷиҳати рушди соҳаҳои гуногуни хоҷагии халқ дастуру супоришҳои мушаххас дод.

Шарҳ додан

Таваҷҷӯҳ ба рушди футбол дар ДПДТТ

30 Март 2017

Бо мақсади дар амал татбиқ намудани дастуру ҳидоятҳои Асосгузори сулҳу ваҳдати миллӣ- Пешвои миллат мӯҳтарам Эмомалӣ Раҳмон ҷиҳати оммавӣ гардонидани соҳаи варзиш рӯзи гузашта бо иштироки шумораи зиёди устодону донишҷӯёни Донишкадаи политехникии Донишгоҳи техникии Тоҷикистон майдончаи футболи назди хобгоҳ ба истифода дода шуд.
Дар расми ифтитоҳи майдончаи варзишӣ директори донишкада Саидӣ Дилафрӯз Раббизода суханронӣ намуда, таъкид дошт, ки варзиш - гарави саломатӣ ва саломатии миллат шарти муҳимтарини бақои имрӯзу фардои давлат мебошад. Бояд гуфт, ки ҳар чӣ қадар мо ба рушди соҳаи варзиш шароит фароҳам оварем, ҳамон қадар насли ҷавонро аз амалҳои номатлуб, ба монанди нашъамандиву нашъаҷаллобӣ, аъзо шудан ба гурӯҳҳои экстремистию ифротгаро ва ғайра наҷот мебахшем.