АсосӣБойгонӣ

Навгонӣ

Бақои Ваҳдати миллӣ аз сарҷаъмии мост!

18 Апрел 2017

Мардуми шарафманду тамаддунофари тоҷик ҳанӯз аз ёдҳои хеш паёматҳои ҷанги хонумонсӯзи шаҳрвандиро набаровардааст ва ҳар лаҳза аз ин сулҳу амният, ваҳдату дӯстӣ, фаровониву хуррамӣ шукрона намуда ҳама гуна ҳодисаҳои нангине, ки ба ин неъматҳо мухолифат менамояд, сарзаниш месозад. Хушбахтона имрӯз Тоҷикистони азизу маҳбубамон дар арсаи ҷаҳонӣ шуҳратманд гардида дар фазои он кабӯтарони сулҳ парвоз доранд, кӯдакон хурсандии кӯдакона доранд, пирони рӯзгордида давлати пирӣ меронанд, ҷавонони саодатманд дар пешрафти Ватани дилоро саҳми хешро мегузоранд, ки ин ҳама фароҳам мегардад дар чаҳорчӯбаи сулҳ, ки Тоҷикистон бо ҷони зиёда аз яксаду панҷоҳ ҳазор нафар қурбониён ва дигар оқибатҳои даҳшатбор ба даст овард. Ба ҳамин хотир қадру қиммати сулҳ, Ваҳдати миллӣ хеле гарон аст ва ҳар як нафар фарзанди воқеии Ватан барои ҳифз ва ба наслҳои оянда мерос гузоштани ин арзишҳои муқаддас кӯшиш менамояд.

Муфассал... Шарҳ додан

Устодони ДПДТТ ҷоизаи академияи илмҳоро соҳиб шуданд

(2 овоз, миёна 5.00 аз 5)

18 Апрел 2017

Дар Академияи илмҳои Ҷумҳурии Тоҷикистон бахшида ба Рӯзи илми тоҷик сессияи илмии солонаи «Айнӣ» ва Форуми ҷумҳуриявии навоварон ва ихтироъкорони ҷавон таҳти унвони «Инноватсия- омили муҳими рушд дар ҷаҳони муосир» бо ҷалби соҳибкорон ва корхонаҳои истеҳсолии ватанӣ баргузор гардид.
Дар ҷамъомад Абдуҷаббор Раҳмонзода, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа, олимони варзидаи тоҷик, навоварон ва ихтироъкорон, олимони ҷавон, аспирантон, магистрон ва донишҷӯёни соҳиблаёқати муассисаҳои илмиву таълимии Тоҷикистон иштирок намуданд.
Дар Форуми ҷумҳуриявии навоварон ва ихтироъкорони ҷавон таҳти унвони «Инноватсия-омили муҳими рушд дар ҷаҳони муосир» олимони ҷавон маърӯзаҳои илмӣ намуда, ихтирооти худро ба ҳозирин муаррифӣ карданд.

Муфассал... Шарҳ додан

Мулоқоти Комиссияи ҳуқуқи кӯдаки шаҳр бо толибилмон.

(3 овоз, миёна 2.00 аз 5)

14 Апрел 2017

Дар муассисаҳои таълимии шаҳри Хуҷанд силсилаи мулоқоту вохуриҳо ба толибилмон ва омӯзгорони мактабҳои таҳсилоти умумӣ масъулини комиссия оид ба ҳуқуқи кӯдаки Мақомоти иҷроияи ҳокимияти давлати шаҳри Хуҷанд баргузор мегардад. Максад ин чорабинӣ пешгирии зӯроварӣ ва гузаронидани тарзи ҳаёти солим, пешгирии шомилшавии ноболиѓону ҷавонон ба ҳаргуна падидаҳои номатлуб ва даст задани онҳо ба ҳуқуқвайронкуниву ҷиноятсодиркунӣ ва инчунин фаҳмонидани мӯҳтавои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» аст. Дар мулоқот сармутахассиси Комиссия оид ба ҳуқуқи кӯдак Усмонҷон Юсуфӣ масъулини Бахши кор бо ҷавонон варзиш ва сайёҳӣ, намояндагони ташкилоти ҷамъиятӣ ширкат намуданд.
Дар мулоқот доири санадҳои меъёрию ҳуқуқии байналхалқӣ ва миллӣ, тартибу низоми амалишавии ҳуқуқи кӯдакон ва ҳимояи онҳо маълумоти муфассал пешниҳод карда шуд. Хонандагон ба масъулини сохторҳои зикргардида доири тадбиқи амалишавии ҳуқуқи онҳо, фаъоляти комиссияи ҳуқуқи кӯдак саволҳо доданд.

Муфассал... Шарҳ додан

Сохтмони мактаби нави инноватсионӣ идома дорад.

17 Апрел 2017

Бо таваҷҷӯҳи Ҳукумати Тоҷикистон, бунёди иншооти таълимӣ ва фароҳам овардани шароити донишомӯзӣ, соҳаи маориф ба дастовардхои нав ба нав ноил мегардад.
Дар доираи ин дастгирихо дар шахри Хучанд бунёди муассисаи нави таълимӣ бо фарогирии 1300 нафар хонандагон идома дошта, барои таъмиру ба шароити замон мутобиқ намудани кӯдакистонҳои шаҳр низ тадбирҳо амалӣ мешаванд.
Бунёди мактаби наву замонавии сеошёна дар микроноҳияи 8-уми шаҳ ри Хучанд аз чумлаи икдомхоест, ки имрӯз корҳои сохтмонӣ дар он вусъат дорад. Аз рӯи лоиҳа мактаби нав аз 4 бинои асосӣ иборат буда, бо дарназаргирии шароити таълиму тарбия, варзишгох, ошхона ба хонандагону омӯзгорон шароити кору дарсомӯзӣ мухайё карда мешавад.

Муфассал... Шарҳ додан

Соҳаҳои шаҳри Хуҷанд аз семоҳаи аввали сол натиҷагирӣ намуданд.

14 Апрел 2017

Имрӯз дар Маркази фарҳанги шаҳри Хуҷанд таҳти раёсати Раиси шаҳри Хуҷанд маҷлиси ҷамбастии фаъолияти тамоми самтҳои хоҷагии халқи шаҳри Хуҷанд дар семоҳаи авали соли равон доир гардид.
Дар кори ҷаласа муовини Раиси вилояти Суғд Анвар Яъқубӣ, муовинони Раиси шаҳри Хуҷанд, роҳбарони воҳидҳои сохторӣ, ташкилоту муассисаҳо ва фаъолони шаҳр ширкат намуданд.
Доири натиҷаҳои семоҳаи соли 2017 муовини Раиси шаҳри Хуҷанд Абдураҳим Солизода маъруза намуд.
Аз ҷониби Раиси шаҳри Хуҷанд ва муовини Раиси вилояти Суғд доири аз фаъолият мондани 38 корхонаҳои саноати шаҳр, таҳлили вазъи ба амал омада, назорати корхонаҳои истеҳсолии мавсимӣ, аз байн бурдани қарзи музди маоши кормандони корхонаи саноатӣ ва ғайра бо маърӯзачи муколама сурат гирифт.