АсосӣБойгонӣ

Навгонӣ

Ҳама ба дифои ватан, ҳама ба дифои модар

03 Май 2017

Ба ифтихори 72-умин солгарди ғалабаи Ҷанги Бузурги Ватанӣ имрӯзҳо дар сар то сари кишварамон чорабиниҳои гуногун доир шуда истодааст.
Бо мақсади арҷгузорӣ ба қаҳрамонии падарону бобоёнамон, қадрдонии заҳмати дар ақибгоҳбудагон ҳар сол бо иштирокчиёни ин набард дар Донишкадаи политехникии Донишгоҳи техникии Тоҷикистон вохӯрӣ доир мегардад.
Чунончӣ, Мирзоалиев Сотимбойи 92-сола, ки иштирокчии фронти 2-юми Украина буданд, меҳмони устодону донишҷӯёни донишкада гардиданд.
Муовини директор оид ба тарбия Фаррух Аминов чорабиниро ҳусни ифтитоҳ бахшида, қайд кард, ки 9 май ҳамчун рӯзи пирӯзии сулҳ бар ҷанг, некӣ ба бадӣ ва дурахшонтарин саҳифаи таърихи башар ҳар сол пуршукӯҳ таҷлил мешавад.

Муфассал... Шарҳ додан

Мусобиқаи варзишии корхонаю ташкилотҳо оғоз ёфт

02 Май 2017

Бо дастгирии Мақомоти иҷроияи ҳокимияти давлатии шаҳри Хуҷанд дар маҷмаи майдончаҳои варзишии маҳаллаи «Суғдиён» мусобиқа барои дарёфти мукофоти ширкати «XL» оид ба футболи хурд байни идораҳо ташкилотҳо ва корхонаҳо бахшида ба соли 2017 “Соли ҷавонон” оғоз гардид.
Дар расми кушоди ин чорабинии варзишӣ Раиси шаҳри Хуҷанд Маъруф Муҳаммадзода иштирок ва суханронӣ намуд.
Дар мусобиқа 20 даста иштирок дошта, бозии байни дастаҳо то санаи 25 май идома меёбад.
Барои беҳтарин дастаҳои ҷойҳои ифтихориро ишғол намуда, тӯҳфаҳои хотиравӣ ва мукофотпулӣ супорида мешавад.

Шарҳ додан

Иҷлосияи нӯҳуми Маҷлиси вакилони халқи шаҳри Хуҷанд, даъвати панҷум баргузор гардид.

27 Апрел 2017

Имрӯз дар Мақомоти иҷроияи ҳокимияти давлатии шаҳри Хуҷанд таҳти раёсати Раиси шаҳри Хуҷанд Маъруф Муҳаммадзода иҷлосияи нӯҳуми Маҷлиси вакилони халқи шаҳри Хуҷанд, даъвати панҷум баргузор гардид. Дар кори иҷлосия ҳамчунин муовини Раиси вилояти Суғд Назира Ғаффорӣ ширкат доштанд. Дар иҷлосияи мазкур ҳамчунин баробари 38 нафар вакилон ҳамчунин роҳбарони воҳидҳои сохтории мақомоти иҷроияи ҳокимияти давлатии шаҳр, мақомотҳои ҳифзи ҳуқуқ, ташкилоту муассисаҳои шаҳрӣ, муассисаҳои таълимӣ, раисони кумитаи маҳаллаҳо, сохторҳои корхонаи воҳиди давлатии коммуналии «Сарраёсати ободонӣ ва хоҷагии манзилию коммуналӣ»-и шаҳр, намояндагони воситаҳои ахбори умум ширкат намуданд.
Баъди интихоби котиботи иҷлосия вакилон рӯзномаи маҷлисро иборат аз ҳашт масъала барои баррасӣ тасдиқ намуданд.
Мувофиқи масъалаи якум ва дуюми рӯзномаи маҷлис муовини Раиси вилояти Суғд Назира Ғаффорӣ лоиҳаи қарорҳои дахлдорро дар бораи аз вазифаи раиси шаҳри Хуҷанди вилояти Суғд озод намудани Шарифзода Ш.Ф. ва дар бораи «Тасдиқ кардани ба вазифаи раиси шаҳри Хуҷанди вилояти Суғд таъин намудани Муҳаммадзода Маъруф ба овоздиҳии вакилони шаҳрӣ пешниҳод намуд.

Муфассал... Шарҳ додан

Таҳкими сулҳу осоиштагӣ қарзи ҳар як нафар аст

01 Май 2017

Дар Маркази фарҳанги шаҳри Хуҷанд вобаста ба вазъи сиёсӣ, таблиғоти ҳуқуқӣ, пешгирӣ намудани ҷинояткорӣ, экстремизму терроризм, шомил шудани ҷавонон ба ҳизбу ҳаракатҳои ғайриқонунӣ ва баланд бардоштани ҳисси ватандӯстии аҳолӣ таҳти раёсати Раиси шаҳри Хуҷанд Маъруф Муҳаммадзода ҷаласаи фаъолони шаҳр баргузор гардид. Дар мулоқот ҳамчунин прокурори шаҳр мушовири адлияи дараҷаи 1 Солизода Арабшо, сардори шӯъбаи Вазорати корҳои дохилаи Ҷумҳурии Тоҷикистон дар шаҳр Ҷалилзода Эмин Карим, Саидзода Зикрулло Алӣ- сардори факултаи 4-уми академияи ВКД, муовини сардори Академия, Шарифзода Мавҷуда-Раиси суди шаҳр, Исмоилов Алишер - сардори шӯъбаи шаҳрии КДАМ иштирок намуданд.

Муфассал... Шарҳ додан

Маҳфуза Усмонова – ғолиби озмуни «Донояк»

(1 овоз, миёна 5.00 аз 5)

27 Апрел 2017

Дар кӯдакистони №25-и шаҳри Хуҷанд бахшида ба Соли ҷавонон, 20-солагии ҷашни Ваҳдати миллӣ ва 25-солагии Иҷлосияи таърихии 16-уми Шӯрои Олии Ҷумҳурии Тоҷикистон озмуни «Донояк» баргузор гардид. Дар озмун тарбиятгирандагони беш аз 30 муассисаҳои томактабии шаҳр иштирок карда, ҳунару истеъдоди хешро аз рӯи шартҳои: саломнома, шиносоӣ ва қироати шеъри кӯдакона, олами ҷавонон бо чашми кӯдакон, кори амалӣ, пурра намудани расми парранда, рақс ё суруд дар оҳанги миллии кӯдакона намоиш доданд.
Ҳайати ҳакамон ба истеъдоди ҳар як нафар тарбиятгиранда баҳои арзанда ва воқеӣ дода, беҳтаринҳро муайян намуданд.
Маҳфуза Усмонова аз кӯдакистони №25 ба гирифтани ҷойи аввал мушарраф гардид. Шоҳҷоизаи озмунро Абдусалом Дадобоев аз МТТ №23 ба даст овард. Фарзона Маҷидова аз кӯдакистони №40 ва Ойиша Нурматова аз кӯдакистони №16 ба гирифтани мақоми дуввум мушарраф гардиданд.