АсосӣБойгонӣ

Навгонӣ

Дар ҷавонӣ дор пиронро азиз!

(3 овоз, миёна 4.67 аз 5)

06 Май 2017

Тибқи нақшаи чорабиниҳои Бахши ҷавонон, варзиш ва сайёҳии шаҳри Хуҷанд бахшида ба Соли ҷавонон ҳафтаи "Поси хотир" таҳти унвони "Дар ҷавонӣ дор пиронро азиз!" дар маркази вилоят идома дорад.
Субҳи имрӯз кормандони бахш, гирандагони стипендияи Президентӣ ва волонтёрони назди бахш иштирокчиёни Ҷанги Бузурги Ватаниро аёдат намуданд. Ҷавонон ба манзили ҳамаи 11 нафар иштирокчиёни Ҷанги Бузурги Ватанӣ, ки дар шаҳри Хуҷанд истиқомат доранд, рафта табрикоти тамоми ҷавонони шаҳрро ба онҳо расонданд.

Шарҳ додан

Ба иштирокчиёни Ҷанги Бузурги Ватанӣ мукофотпулӣ тақдим гардид

04 Май 2017

Имрӯз дар Мақомоти иҷроияи ҳокимияти давлатии шаҳри Хуҷанд ба шаш нафар иштирокчиёни Ҷанги Бузурги Ватанӣ мукофотпулии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон Раиси вилояти Суғд Абдураҳмон Қодирӣ ва Раиси шаҳри Хуҷанд супорида шуд.
Дар оғоз сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон Каримзода Тоҳир Авғон аз номи Президенти Ҷумҳурии Тоҷикистон собиқадорони ҷангро бо Иди Ғалаба самимона табрик гуфта, се ҳазор сомонӣ мукофотпулиро ба онҳо супорид. Сардори Раёсати меҳнат, муҳоҷират ва шуғли аҳолии вилояти Суғд Зайнура Шарифзода ҳамчунин табрикоти Раиси вилояти Суғдро ба иштирокчиёни Ҷанги Бузурги Ватанӣ расонда ба ҳар кадоми онҳо 1500 сомонӣ супорид.

Муфассал... Шарҳ додан

Табрикоти Раиси шаҳри Хуҷанд ба муносибати 72-солагии Рӯзи Ғалаба дар Ҷанги Бузурги Ватанӣ

04 Май 2017

Ҳамшаҳриёни азиз!
Мӯҳтарам иштирокчиёни ҷанг ва собиқадорони меҳнат!
Фарорасии иди барои тамоми инсонияти тараққихоҳи дунё азизу мӯътабар ва фархунда – 72-умин солгарди Рӯзи Ғалаба дар Ҷанги Бузурги Ватаниро барои ҳар яки Шумо муборакбод гуфта, бароятон саломатӣ ва рӯзгори ободу осуда орзу менамоям.
Ҳафтоду ду сол муқаддам дар ҳамин гуна рӯзҳои баҳорон хабари маҳви фашизми гитлерӣ, анҷоми музаффаронаи Ҷанги Бузурги Ватанӣ ва муҷдаи Зафар дар рӯи олам танинандоз гардид.
Бояд гуфт, ки ин ҷанги даҳшатнок таъсири худро ба ҳар як хонадони мардуми Тоҷикистон гузошт. Аз Тоҷикистон садҳо ҳазор ҷавонмардон ба ҷабҳаи набардҳои хунин рафтанд ва дар ин роҳ корнамоиҳои бемисл нишон доданд.

Муфассал... Шарҳ додан

Баргузории фестивал-озмуни «Гулдухтарони Суғдӣ» дар ДПДТТ

04 Май 2017

Бо мақсади баланд бардоштани фарҳанги оиладорӣ, омода намудани духтарон ба оилаву оиладорӣ, тарғибу ташвиқ намудани бунёди оилаи солим, тарзи муошират дар оиладорӣ, муносибати хуби байниҳамдигарӣ, сабру таҳаммул, иззату эҳтиром, рафтори ғамхорона нисбат ба якдигар, одоби рӯзғордорӣ ва маҳорати кадбонугӣ бахшида ба эълон шудани соли 2017-Соли ҷавонон бо иқдоми мақомоти иҷроияи ҳокимияти давлатии вилояти Суғд дар ҳама ташкилоту муассисаҳо фестивал-озмуни «Гулдухтарони суғдӣ» доир гардида истодааст.
Аз ҷумла рӯзи гузашта дар Донишкадаи политехникии Донишгоҳи техникии Тоҷикистон дар шаҳри Хуҷанд озмуни мазкур аз рӯи панҷ шарт- муаррифӣ ба воситаи намоиш додани саҳнача, саволу ҷавоб, пешкаш намудани хӯроки миллӣ, намоиши рақс, суруд ё навозиш ва намоиши либоси базмӣ байни факултетҳои донишкада доир гардид. Ҳамаи 4 духтарони факултаҳо ҳунари баланд нишон дода, хотири аҳли нишастро шод намуданд.

Муфассал... Шарҳ додан

Табрикоти Раиси шаҳри Хуҷанд ба ифтихори Рӯзи радио ва алоқа

04 Май 2017

Кулли кормандони воситаҳои алоқа, хабарнигорон ва алоқамандони радиоро бо иди касбӣ – Рӯзи радио ва алоқа аз номи мақомоти иҷроияи ҳокимияти давлатии шаҳр бо самимият ва эҳтироми афзун табрик намуда, барояшон тани сиҳату хотири ҷамъ, табъи болидаю рӯзгори обод ва дар фаъолияти минбаъда ба хотири ғановати фазои иттилоотӣ, хабарнигорӣ, тарғибу ташвиқи ғояҳои давлати демократӣ, ҳуқуқбунёд, дунявӣ ва ҳидояти мардум ба меҳнати созанда комёбиҳои тоза таманно мекунам.
Дар ин рӯзҳои фархунда, мардуми шарифи кишварамон бо руҳбаландӣ ба ҷашнҳои муқаддаси миллӣ – 20-умин солгарди Рӯзи Ваҳдати миллӣ ва 25-солагии Иҷлосияи 16-уми Шӯрои Олии Ҷумҳурии Тоҷикистон омодагӣ мебинанд.

Муфассал... Шарҳ додан