АсосӣБойгонӣ

Навгонӣ

Толибилмони литсей Тоҷикистонро муаррифӣ менамоянд

10 Май 2017

Бо ташаббуси Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон Эмомалӣ Раҳмон Соли ҷавонон эълон шудани соли 2017 аз таваҷҷуҳи рӯзафзуни Ҳукумати кишвар ба ин қишри ҷомеа гувоҳӣ медиҳад. Имрӯз аҳли маориф дастур ва роҳнамоиҳои Пешвои миллатро сармашқи кори хеш қарор дода, барои боз ҳам баланд бардоштани сатҳи таълиму тарбия ҷаҳду талошҳои созанда менамоянд. Бо таваҷҷуҳ ба соҳаи сарнавиштсози ҷомеа Сарвари кишвар таъкид кардаанд: “Зиндагии оянда аз насли наврас саводу маърифати баланд, ҷаҳонбинии васеъ, дониши амиқ, донистани техникаву технологияи навтарин ва забондониро қатъӣ талаб мекунад”. Ин гуфтаҳои Пешвои миллатро аҳли ҷомеаи Муассисаи таълимии давлатии «Литсей барои хонандагони болаёқат» дар шаҳри Хуҷанд сармашқи кори хеш қарор дода, толибилмони боистеъдоди муассиса бо иштироки фаъолонаи хеш дар олимпиадаҳои ҷумҳуриявӣ ва байналмилалӣ ба дастоварди арзанда ноил гардиданд.

Муфассал... Шарҳ додан

Таҷлили Иди Ғалаба дар шаҳри Хуҷанд

09 Май 2017

Субҳи имрӯз дар майдони ёдгории шаҳидони Ҷанги Бузурги Ватании шаҳри Хуҷанд тантанаи 72-юмин солгарди Ғалабаи мардуми Иттиҳоди Шӯравӣ муқобили фашизми гитлерӣ баргузор гардид. Дар чорабинии идона собиқадорони ҷангу меҳнат, роҳбарони мақомоти ҳифзи ҳуқуқ, ташкилоту муассисаҳо ва шаҳрвандони вилоят иштьирок намуданд.
Бо мақсади гиромидошти хотираи шаҳидони ин ҷанг ба мавзеи таҷлили ид Раиси вилояти Суғд Абдураҳмон Қодирӣ муовинони Раиси вилоят, Раиси шаҳри Хуҷанд Маъруф Муҳаммадзода ҳозир шуда дар пояи муҷассамаи шаҳидони Ҷанги Бузурги Ватанӣ гулчанбар гузошта бо лаҳзаи хомӯшӣ хотираи қурбониёнро пос доштанд.

Муфассал... Шарҳ додан

«12 соли интизорӣ» дар қисми низомӣ

(1 овоз, миёна 4.00 аз 5)

08 Май 2017

Бахшида ба Соли ҷавонон дар асоси дастури Раиси шаҳри Хуҷанд Маъруф Муҳаммадзода ва тибқи нақшаи бахши ҷавонон, варзиш ва сайёҳии шаҳр дар қисми низомии 3501 -и Қушунҳои дохилии ВКД Ҷумҳурии Тоҷикистон дар шаҳри Хуҷанд намоиши филми ҳунарии "12 соли интизорӣ" баргузор гардид.
Пеш аз намоиши филми мазкур мудири Бахши ҷавонон, варзиш в сайёҳии шаҳри Хуҷанд Бахтиёр Иматҷонов сарбозону афсаронро бо чорабиниҳои Соли ҷавонон ошно намуда, хайати шахсии ин қисми низомиро бо Иди Ғалаба табрик намуд.

Муфассал... Шарҳ додан

Раиси шаҳри Хуҷанд роҳбари дасгоҳро муаррифӣ намуд

(2 овоз, миёна 4.00 аз 5)

08 Май 2017

Имрӯз дар маҷлисгоҳи Мақомоти иҷроияи ҳокимияти давлатии шаҳри Хуҷанд таҳти раёсати Раиси шаҳри Хуҷанд Маъруф Муҳаммадзода ҷаласаи корӣ баргузор гардид.
Раиси шаҳри Хуҷанд қабл аз ҳама ҳозиронро бо қарорҳои дахлдор доири тағйироти кадрии мақомоти шаҳрдорӣ ошно намуд.
Мувофиқи Қарори Раиси шаҳри Хуҷанд аз санаи 08 майи соли равон Абдуваҳоб Ҳомидов роҳбари дастгоҳи Раиси шаҳри Хуҷанд таъин гардид. Ҳамчунин Даврон Шокиров мувофиқи фармони директори генералии КВД Сарраёсати ободонӣ хоҷагию манзилӣ ва коммуналии шаҳри Хуҷанд, директори корхонаи истифодабарии манзили соҳили чап таъин карда шуд.
Маъруф Муҳаммадзода ба нафарони навтаъингашта барои кору масъулияти минбаъдаашон барору комёбиҳо таманно намуд.
Ҳамчунин доири фаъолияти идораи сабти асноди ҳалатҳои шаҳрвандӣ Шаҳло Мирзозода маълумоти мухтасар дод.

Муфассал... Шарҳ додан

Омодагӣ ба таҷлили Рӯзи ҷавонон

06 Май 2017

Мувофиқи нақшаи Мақомоти иҷроияи ҳокимияти давлатии шаҳри Хуҷанд санаи 20 май дар варзишгоҳи «Спартак»-и маркази вилоят чорабинии идона ва барномаи фарҳангӣ бахшида ба Соли ҷавонон баргузор мегардад.
Бо мақсади ошноӣ бо вазъи корҳои омодагӣ таъмир Раиси шаҳри Хуҷанд Маъруф Муҳаммадзода дар ин муассисаи варзишӣ ҷаласаи сайёр баргузор намуд.
Вобаста анҷоми корҳои тармим ободонӣ ороиш ва такмили сценарияи чорабинии мазкур аз ҷониби Раиси шаҳри Хуҷанд ба роҳбарони воҳидҳои сохторӣ вазифаҳои мушаххас супорида шуд.
Санаи 20 май дар ин варзишгоҳ бо иштироки наздик 10 ҳазор ҷавонон компазитсияи адабӣ ва барномаи фарҳангӣ пешбинӣ гаштааст.