АсосӣБойгонӣ

Навгонӣ

Ярмарка-фурӯши маҳсулоти кишоварзӣ дар шаҳри Хуҷанд

06 Сентябр 2017

Субҳи имрӯз бо ибтикори Мақомоти иҷроияи ҳокимияти давлатии вилояти Суғд дар ду мавзеъи шаҳри Хуҷанд ярмарка-фурӯши маҳсулоти кишоварзӣ баргузор гардид.
Ин ярмарка дар шафати Театри мазҳака-мусиқавии ба номи Камоли Хуҷандӣ ва дар назди бинои Кохи матбуот доир гардида, ба гуфти масъулин маҳсулоти пешниҳодгардида нисбати бозор 20-30 фоиз арзон мебошад.
Дар шафати театри мазҳака-мусиқавии ба номи Камоли Хуҷандӣ кишоварзони шаҳру ноҳияҳои Панҷакент, Куҳистони Мастчоҳ, Шаҳристон, Спитамен, Конибодом ва Исфара молу маҳсулоти ниёзи аввалро пешниҳоди мардум гардониданд. Дар назди Кохи матбуот низ чунин ярмарка-фурӯши маҳсулоти кишоварзи сурат гирифта, кишоварзони ноҳияҳои Бобоҷон Ғафуров, Ҷаббор Расулов, Ашт, Зафаробод, Деваштич, Айнӣ ва шаҳри Истаравшан маҳсулоти худро ба фурӯш гузоштанд.

Муфассал... Шарҳ додан

Шанбегии умумишаҳрӣ дар шаҳри Хуҷанд

02 Сентябр 2017

Имрӯз тибқи иҷрои дастуру супориши Раиси шаҳри Хуҷанд бахшида ба 26 - солагии Истиқлолияти давлатии Ҷумҳурии Тоҷикистон дар тамоми муассисаҳои соҳаи маорифи шаҳри Хуҷанд шанбегии умумишаҳри гузаронида шуд.
Инчунин дар муассисаҳои варзишии шаҳри Хуҷанд низ бо фазои шукӯҳу идона, бо як ҷаҳон фараҳу шодӣ ва эҳсоси ифтихор аз фарорасии бузургтарин ҷашни таърихи нави давлатдориамон Истиқлолияти давлатии Ҷумҳурии Тоҷикистон ҳашарҳои ободонӣ ва шанбегӣ бо иштироки мураббиён, кормандон ва варзишгарон гузаронида шуд.

Шарҳ додан

Мулоқоти Пешвои миллат бо Директори генералии Ширкати “Юнан Констракшн Энд Инвестмент Групп” Лю Гуочан

02 Сентябр 2017

Дар шаҳри Пекин ҳамчунин Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Директори генералии Ширкати “Юнан Констракшн Энд Инвестмент Групп” Лю Гуочан мулоқот карданд.
Президенти мамлакат муҳтарам Эмомалӣ Раҳмон зимни суҳбат омодагии ҷониби Тоҷикистонро барои тақвияти ҳамкорӣ бо ширкатҳои сармоягузории Чин баҳри рушди иқтисодиёт ва пешрафти саноати мамлакат иброз доштанд.
Ширкати “Юнан Констракшн Энд Инвестмент Групп” ташкилоти молиявию технологӣ буда, яке аз ширкатҳои пешсаф дар бахши истеҳсоли алюминий мебошад.

Муфассал... Шарҳ додан

Таҷлили "Рӯзи дониш" дар шаҳри Хуҷанд

02 Сентябр 2017

Санаи 1-уми сентябр дар саросари кишвари азизамон Тоҷикистон дар фазои шукӯҳу идона, бо як ҷаҳон фараҳу шодӣ ва эҳсоси ифтихор аз фарорасии бузургтарин ҷашни таърихи нави давлатдориамон, яъне 26-умин солгарди Истиқлолияти давлатии Ҷумҳурии Тоҷикистон соли нави таҳсили 2017-2018 оғоз ёфт. Баробари дигар муассисахои таълимӣ дар гимназияи № 4-и маркази вилоят ботантана Рузи дониш таҷлил карда шуд.
Дар чорабинии мутантани ин таълимгоҳ Раиси шаҳри Хуҷанд Маъруф Муҳаммадзода ва намояндаи макомоти ичроияи хокимияти давлатии вилояти Суғд Рустамзода Сӯҳроб иштирок намуданд.

Муфассал... Шарҳ додан

Мулоқоти Пешвои миллат бо ноиби Президенти ширкати технологии “Хуавей” хонум Лин Жуйтсӣ

02 Сентябр 2017

Дар мулоқоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ноиби Президенти ширкати технологии “Хуавей” хонум Лин Жуйтсӣ масоили вобаста ба ҳамкорӣ дар соҳаи телерадиокоммуникатсия баррасӣ шуд.
Президенти мамлакат муҳтарам Эмомалӣ Раҳмон зимни мулоқот бо дарназардошти воридот ва насби технологияи муосир дар бахшҳои гуногун тақвияти ҳамкориро дар самти омода кардани мутахассисони тоҷик барои фаъолияти пурсамар дар ин соҳа таъкид намуданд.
Ёдовар мешавем, ки ҳамкории Ширкати Хуавей бо Тоҷикистон аз соли 2009 оғоз ёфта, яке аз бузургтарин лоиҳаҳояш тарҳи “Шаҳри бехатар”, яъне насби камераҳои назоратӣ дар кӯчаҳои шаҳри Душанбе мебошад. Дар намояндагии ширкати Хуавей (Huawei) дар Ҷумҳурии Тоҷикистон беш аз 140 нафар бо ҷойи кор таъмин буда, аз он 135 нафарашон мутахассисони маҳаллӣ мебошанд.