АсосӣБойгонӣ

Навгонӣ

Шабакаҳои барқи шаҳр соҳиби ошхона шуд

08 Сентябр 2017

Дар доираи ҷашни 26-умин солгарди Истиқлолияти давлатии Ҷумҳурии Тоҷикистон дар идораи Шабакаҳои барқи шаҳри Хуҷанд маҷлиси идона баргузор гардид.
Раиси шаҳри Хуҷанд Маъруф Муҳаммадзода барқчиёнро бо фарорасии Иди Истиқлолият таҳният гуфта, аз ҷумла афзуд, ки ягон кишвари дунё бе рушди энергетика тараққӣ карда наметавонад ва истифодаи ин захираҳо, хусусан, барои Тоҷикистон, ки соҳаҳои иқтисодӣ ва аҳолии он дар мавсими тирамоҳу зимистон бо танқисии шадиди нерӯи барқ рӯ ба рӯ мешаванд, амри зарурӣ ва ногузир аст. Тавре ки медонед, дар кишвари мо соҳаи энергетика сол аз сол рушд ёфта, Ҳукумати мамлакат барои ноил шудан ба яке аз ҳадафҳои стратегии миллӣ - таъмини истиқлолияти энергетикӣ тамоми имконияту захираҳоро сафарбар намудааст.

Муфассал... Шарҳ додан

«Файзи Истиқлол»- намоиши амалҳои рассомон

08 Сентябр 2017

Субҳи имрӯз бо иштироки Раиси шаҳри Хуҷанд Маъруф Муҳаммадзода дар Арт-галереяи «Сомониён» ифтитоҳи намоиши амалҳои рассомон таҳти унвони «Файзи Истиқлол» бахшида ба 26-солагии Истиқлолияти давлатии Ҷумҳурии Тоҷикистон сурат гирифт.
Маъруф Муҳаммадзода ширкаткунандагони намоишномаро бо фарорасии ҷашни бузурги миллӣ 26-солагии Истиқлолияти давлатии Ҷумҳурии Тоҷикистон таҳният намуда, ба эҷодиёташон комёбиҳо таманно намуд. Ва афзуд, ки дар арафаи ҷашни Истиқлол, ифтитоҳ гардидани намоиши рассомон таҳти унвони «Файзи Истиқлол» хеле рамзист. Чунки дар он нафақат манзараҳои табиати диёри офтобӣ, балки он дастовардҳое, ки дар тӯли истиқлолият рассомони тоҷик ба даст овардаанд, намоиш дода мешавад. Халқи тоҷик аз давраҳои қадим ба санъати тасвирӣ рағбати беандоза дошт.

Муфассал... Шарҳ додан

Аёдати 94 нафар кӯдакони имконияташон маҳдуд

07 Сентябр 2017

Дар арафаи ҷашни 26 солагии Истиқлолияти давлатии Ҷумҳурии Тоҷикистон бо дастуру супоришҳои Раиси вилояти Суғд Абдураҳмон Қодирӣ ва Раиси шаҳри Хуҷанд Маъруф Муҳаммадзода аз тарафи намояндагони сарпарастон кӯдакони имконияташон маҳдуди муассисаи таҳсилоти томактабии №26 –и шаҳр аёдат карда шуданд. Ба онҳо тӯҳфаҳо хотиравӣ ва дастархони идона густурда шуд.
Бояд қайд намуд, ки кӯдакистони мазкур барои наврасони қувваи босирашон суст ва нобино пешбинӣ гардида, дар он 94 нафар таълиму тарбия мегаранд ва ҳамеша зери назорати қатъии шуъбаи маориф ва роҳбарияти шаҳр қарор доранд.

Муфассал... Шарҳ додан

Қадршиносии пешқадамони арсаи меҳнат ба шарафи Истиқлолият

(1 овоз, миёна 1.00 аз 5)

07 Сентябр 2017

Субҳи имрӯз дар бинои Мақомоти иҷроияи ҳокимияти давлатии шаҳри Хуҷанд маросими қадршиносии фаъолонони арсаи меҳнат, ғолибони озмунҳо ва пешқадамон ба муносибати 26 солагии Истиқлолияти давлатии Ҷумҳурии Тоҷикистон баргузор гардид.
Раиси шаҳри Хуҷанд Маъруф Муҳаммадзода ҳозиринро бо ҷашни 26 солагии Истиқлолияти давлатии Ҷумҳурии Тоҷикистон таҳният гуфта, аз ҷумла гуфт, ки Истиқлолият ганҷи бебаҳо, неъмати азизтарин барои мардум аст. Истиқлолияти мо рамзи гӯёи озодии миллат ва мамлакат, соҳибихтиёрии давлат ва нишонаи равшани ватандориву ватандӯстии мо мебошад.

Муфассал... Шарҳ додан

Таъмири роҳҳои шаҳри Хуҷанд вусъат меёбад

07 Сентябр 2017

Дар доираи корҳои ободонӣ ва созандагӣ ба муносибати 26 солагии Истиқлолияти давлатии Ҷумҳурии Тоҷикистон дар шахри Хуҷанд корҳои таъмиру азнавсозии роҳҳои дохилишаҳрӣ вусъат мегиранд.
Дирӯз аз тарафи идораи истифодабарии роҳҳои шаҳри Хуҷанд дар кучаи Хушбахтии шаҳри Хуҷанд корҳои таъмиру азнавсозӣ сурат гирифт. Ин иқдом бо ҷалби сокинони маҳаллӣ, соҳибкорон ва дастгирии Мақомоти иҷроияи ҳокимияти давлатии шаҳри Хуҷанд амалӣ гардид. Сокинони маҳал аз ин ташаббуси созанда изҳори хушнудӣ намуданд.

Муфассал... Шарҳ додан