АсосӣБойгонӣ

Навгонӣ

Мулоқот бо Маҳмадалӣ Ватанзода

11 Сентябр 2017

Дар толори театри мусиқӣ-мазҳакавии ба номи Камоли Хуҷандии маркази вилояти Суғд мулоқоти Маҳмадалӣ Ватанзода, ёрдамчии Президенти Ҷумҳурии Тоҷикистон оид ба масъалаҳои ҳуқуқӣ – намояндаи ваколатдори Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон бо масъулини соҳа ва раисони комиссияҳои доимии маҳаллии шаҳру навоҳии вилояти Суғд оид ба татбиқи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» баргузор гардид.
Рустам Раҳматзода муовини аввали Раиси вилояти Суғд чорабиниро ифтитоҳ намуда, дар бораи моҳият ва мазмуни мулоқот андешаронӣ карда гуфт, ки баҳри фаҳмонида додани нуқтаҳои муҳими Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва дигар санадҳои меъёрии ҳуқуқӣ дар самти танзими анъана ва ҷашну маросимҳо ин ҷо ҷамъ омадаем.

Муфассал... Шарҳ додан

Аёдати собиқадорони меҳнат ва камбизоатон

(1 овоз, миёна 5.00 аз 5)

09 Сентябр 2017

Баъди тантанаҳои ҷашни Истиқлолияти давлатии Ҷумҳурии Тоҷикистон дар шаҳри Хуҷанд дар Кохи ба номи устод Абӯабдуллоҳ Рӯдакӣ Раиси Кумитаи идораи замин ва геодезии Ҷумҳурии Тоҷикистон Раҷаббой Аҳмадзода, Раиси шаҳри Хуҷанд Маъруф Муҳаммадзода ва Раиси Кумитаи идораи замини вилояти Суғд Ҷамшед Умарзода бо мақсади аёдат ба манзили собиқадори меҳнат, Шаҳрванди фахрии шаҳри Хуҷанд Ҳамроҳхон Тоҳироваи 93 сола, муаллимаи хизматнишондода Фотима Самадова, ашхоси камбизоат Каромат Маҳмудова ва Ҳурматой Усмонова ташриф оварда, кӯмакҳои молии Асосгузори сулҳу Ваҳдати миллӣ, Пешвои миллат, Президенти мамлакат, муҳтарам Эмомалӣ Раҳмон ва Раиси вилояти Суғд мӯҳтарам Абдураҳмон Қодириро ба муносибати 26 солагии Истиқлолияти давлатии Ҷумҳурии Тоҷикистон расониданд.

Муфассал... Шарҳ додан

Паёми табрикотии Раиси шаҳри Хуҷанд Маъруф Муҳаммадзода ба муносибати Рӯзи Истиқлолияти давлатии Ҷумҳурии Тоҷикистон

09 Сентябр 2017

Ҳамватанони азиз!
Дар таърихи давлатдории навин санаи 9 сентябри соли 1991 дар таърихи Ҷумҳурии Тоҷикистон бо ҳарфҳои заррин чун Рӯзи Истиқлолияти давлатии Ҷумҳурии Тоҷикистон сабт гардидааст, ки имсол мо 26-солагии онро ҷашн мегирем.
Ба муносибати ин ҷашни бузурги миллӣ бо камоли ифтихору шукргузорӣ Шумо - мардуми Хуҷанди бостониро аз номи Мақомоти иҷроияи ҳокимияти давлатии шаҳри Хуҷанд самимона табрику муборакбод намуда, ба хонадони ҳар яки Шумо ободиву осоиш, хушбахтиву хушрӯзӣ ва файзу баракат орзу менамоям.
Тавре ки аз таърихномаи миллат аён аст, мардуми шарифи тоҷик дар солҳои аввали соҳибистиқлолии кишвар ба вартаи ҷанги шаҳрвандӣ кашида шуд ва ин ҷанги бемаънӣ барои аз байн рафтани миллати тоза ба истиқлолият расида, замина гузошт.

Муфассал... Шарҳ додан

Шукуҳи идонаи шаҳри Хуҷанд ба муносибати 26 солагии Истиқлолият

09 Сентябр 2017

Дар Кохи ба номи устод Абӯабдуллоҳ Рӯдакии шаҳри Хуҷанд тантанаҳои идона ба ифтихори 26 солагии Истиқлолияти давлатии Ҷумҳурии Тоҷикистон баргузор гардид. Раиси шаҳри Хуҷанд Маъруф Муҳаммадзода чорабиниро ифтитоҳ намуда, ҳамагонро ба шарофати Истиқлолият табрику таҳният намуд. Сипас, Раиси Кумитаи давлатии идораи замин ва геодезии Ҷумҳурии Тоҷикистон Раҷаббой Аҳмадзода Паёми табрикотии Асосгузори сулҳу Ваҳдати миллӣ, Пешвои миллат, Президенти мамлакат, муҳтарам Эмомалӣ Раҳмонро ба муносибати 26 солагии Истиқлолияти давлатии Ҷумҳурии Тоҷикистон ба самъи ҳозирин расонида аз ҷумла таъкид намуд, ки назару эътибор ва таваҷҷуҳи Роҳбари Давлат ба мардуми шаҳри Хуҷанд хеле самимӣ ва ғамхорона буда, пайваста дар гӯшаву канори мамлакат аз урфу одат, фарҳанги воло ва рушду тараққиёт бемайлони шаҳр ва ин мардуми куҳанбунёд баён месозанд, ки боиси ифтихори сокинон аст.

Муфассал... Шарҳ додан

Паёми телевизионии Пешвои миллат Эмомалӣ Раҳмон ба муносибати 26-умин солгарди Истиқлолияти давлатӣ

08 Сентябр 2017

Ҳамватанони азиз!
Фардо мардуми шарифи Тоҷикистон ҷашни муқаддасу мубораки бистушашумин солгарди истиқлолияти давлатиро бо шукӯҳу тантанаи хосса таҷлил мекунанд.
Ба ин муносибат кулли сокинони кишвар ва ҳамватанони бурунмарзиамонро самимона шодбош гуфта, ба хонадони ҳар яки онҳо саодату хушбахтӣ ва дар роҳи амалисозии нияту нақшаҳои некашон барору комёбӣ орзумандам.
Дастовардҳои кишвари маҳбуби мо дар ин фосилаи кӯтоҳи таърихӣ шаҳодати равшани он аст, ки халқи мо бо ҳиммати баланди созандагиву фарҳангпарварӣ ва инсондӯстиву таҳаммулгароӣ ҳама гуна мушкилотро паси сар намуда, ҳамеша ба сӯи пешрафт ва ба хотири ободиву тараққиёт саъю талош мекунад.