АсосӣБойгонӣ

Навгонӣ

«Хуҷанд» «Регар-ТадАЗ»-ро мағлуб намуд

18 Сентябр 2017

Дастаи футболи «Хуҷанд»-и шаҳри Хуҷанд дар бозии марказии даври 19-уми Чемпионати Тоҷикистон миёни дастаҳои лигаи олӣ дар майдони худ бар дастаи «Регар-ТадАЗ»-и Турсунзода бо ҳисоби 3:2 пирӯз шуд.
Ин бозӣ дар варзишгоҳи «20-солагии Истиқлолияти Тоҷикистон»-и Хуҷанд бо ҳузури беш аз 2000 тамошобин барпо гардид. Ду голи мизбононро капитани даста Манучеҳр Аҳмадов ва як голи дигарро Хуршед Бекназаров ба ҳадаф расонданд. Ду голи меҳмононро Комрон Турсунов ва Шодибек Ғаффоров ба нишон расониданд.
Дастаи футболи «Хуҷанд», ки дар ҳамин ҳол бо 30 имтиёз дар зинаи сеюми ҷадвал қарор гирифтааст, муборизаро барои медалҳои нуқраву биринҷии мусобиқот бо рақиби аслиаш — КМВА «Помир»-и Душанбе идома медиҳад.

Муфассал... Шарҳ додан

Озмуни муассисаи нави таълимӣ

18 Сентябр 2017

Шуъбаи маорифи Мақомоти иҷроияи ҳокимияти давлатии шаҳри Хуҷанд барои қабули хонандагон ба Муассисаи таълимии давлатӣ барои хонандагони болаёқат ва кор дар ин муассисаи таълимӣ омӯзгоронро барои иштирок дар озмун даъват менамояд.
Тавре, ки ба мо мудири маорифи шаҳри Хуҷанд Илҳом Султонӣ иттилоъ дод, ба ин муассаи таълимӣ хонандагонро тариқи озмун ба синфҳои 1-9 қабул карда мешавад ва озмун барои синфҳои 1 шифоҳӣ, ба дигар синфҳо тариқи хаттӣ гузаронида шуда, ба муҳассилине, ки дар олимпиадаҳои шаҳрию вилоятӣ сазовори ҷойи аввал гаштаанд, имтиёз дода мешавад. Довталабоне, ки ба сифати омӯзгор дар ин муассисаи таълимӣ фаъолият намуданиянд, бояд на кам аз 3 сол фаъолияти омӯзгорӣ дошта бошанд, яке аз забонҳои хориҷиро донанд, бо тахтаи электронӣ, интернет ва компутер кор карда тавонанд.

Муфассал... Шарҳ додан

Ҷалби 150 нафар ба ҳашари чиниши пахта

18 Сентябр 2017

Рӯзи шанбеи ҳафтаи гузашта бо иқдоми Раиси шаҳри Хуҷанд Маъруф Муҳаммадзода зиёда аз 150 нафар кормандони Мақомоти иҷроияи ҳокимияти давлатии шаҳри Хуҷанд, сохторҳои марбутаи он, шоиру нависандагон, омӯзгорон, аҳли фарҳанг бо мақсади кӯмаки амалӣ расонидан ба марди деҳқон ба маъракаи пахтачинӣ ҷалб карда шуданд.
Ҳашарчиён дар хоҷагии ба номи Саидхоҷа Ӯрунхоҷаеви минтақаи Варашилобод ба чиниши пахта машғул шуда, саҳми назарраси худро дар ғанӣ гардонидани хирмани тиллои сафеди ноҳияи Бобоҷон Ғафуров гузоштанд.
Раиси шаҳри Хуҷанд Маъруф Муҳаммадзода ин иқдоми некро барои кӯмаки амалӣ расонидан ба деҳқонони ноҳияи Бобоҷон Ғафуров хуб арзёбӣ намуда, зикр кард, ки бо истифода аз ҳавои мусоид мо бояд барои бенуқсон чидани ҳар як пағаи пахта саҳмгузорӣ намоем.

Муфассал... Шарҳ додан

Нақши Рӯдакӣ дар густариши маснависароии тоҷик

18 Сентябр 2017

Нишасти 154-умини маҳфили илмиву адабии “Ганҷи сухан”, бахшида ба Рӯзи Рӯдакӣ ва Рӯзи забон дар толори факултети филологияи тоҷики ДДХ ба номи академик Б.Ғафуров баргузор гардид. Дар он бештар аз 200 нафар устодону донишҷӯён ва мухлисони каломи бадеъ ширкат варзиданд. Маҳфилро масъули маҳфил номзади илмҳои филология, дотсент Саидумрон Саидов ифтитоҳ бахшид. Нахуст ӯ оид ба ворид шудани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» изҳори назар карда, муҳимияти ин санади мардумиро таъкид кард. Ӯ гуфт ин санади муҳим аз он шаҳодат медиҳад, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар баробари андешаи ободиву осудагии мардум моро ба сӯи маънавиёт раҳнамоӣ менамоянд.

Муфассал... Шарҳ додан

Танзим-баракоти рӯзгор

(1 овоз, миёна 1.00 аз 5)

15 Сентябр 2017

Имрӯз низ дар доираи силсилавохӯриҳо ҷиҳати шарҳи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва дигар санади меъёрии ҳуқуқии дахлдор дар мактаби хусусии «Ирфон», муассисаи таълимии таҳсилоти умумии №5 ва коллеҷи педагогии Донишгоҳи давлатии Хуҷанд ба номи академик Бобоҷон Ғафуров бо иштироки Гулбаҳор Назирӣ, вакили Маҷлиси намояндагони Маҷлиси Олии Ҷумҳурии Тоҷикистон Саодат Аминҷонова, узви Маҷлиси миллии Маҷлиси Олии Ҷумҳурии Тоҷикистон ва фаъолони маҳаллаҳои шаҳри Хуҷанд мулоқот сурат гирифт.

Муфассал... Шарҳ додан