АсосӣБойгонӣ

Навгонӣ

Номаҳои шодбошӣ аз роҳбарони давлатҳо ва созмонҳои хориҷӣ

06 Октябр 2017

Дар робита ба зодрӯзи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз сарони давлатҳои хориҷӣ ва ҳукуматҳо, роҳбарони созмонҳои байналхалқӣ номаҳои шодбошӣ ворид гардиданд.

Дар паёми шодбошии Раиси Ҷумҳурии Мардумии Чин Си Ҷинпин омадааст:

«Муҳтарам Ҷаноби Президент,

Ҷашни зодрӯзи Шуморо аз самими дил табрику муборакбод намуда, ба Шумо беҳтарин таманниётро орзумандам.

Солҳои наздик раванди муносиботи Чин ва Тоҷикистон ба таври нек рушд намуда, миёни кишварҳои мо боварии сиёсӣ қавӣ гардидааст. Ҳамкорӣ дар соҳаи иқтисод, тиҷорат, кишоварзӣ, бунёди инфрасохтори аввалин, амният ва ғайра торафт тавсеа ёфта, дӯстии анъанавии ҷонибҳо рӯз аз рӯз мустаҳкам шуда истодааст.

Муфассал... Шарҳ додан

Дар 7 соли охир бори аввал «Хуҷанд» ба финал баромад

05 Октябр 2017

Клуби футболи «Хуҷанд»-и Хуҷанд дар варзишгоҳи марказии шаҳри «Ҳисор» бо дастаи футболи ин шаҳр – «Барқчӣ» дар вохӯрии ҷавобии даври нимфинали Ҷоми Тоҷикистон оид ба футбол мубориза бурд.
Ин вохӯрӣ дирӯз, 4-уми октябр, баргузор шуд. Вохӯрии якуми ин дастаҳо дар Хуҷанд бо ғалабаи «Хуҷанд» ба анҷом расида буд. Дар он вохӯрӣ хуҷандиҳо бо ду гол ғолиб омада буданд. Барои ба финал баромадан ба онҳо бохт бо ҳисоби камтарин ҳам басанда буд, аммо барои ҳисориҳо ғалаба бо таносуби се гол лозим буд. Ҳисобро дар охирҳои қисми якум шогирдони Мубин Эргашев кушоданд. Ин корро капитани «Баркчӣ» Шериддин Бобоев анҷом дод. Дар охири қисми дуюм ҳисориҳо маротибаи дуюм дарвозаи меҳмононро сӯрох карданд. Ин навбат Ваҳдат Ханонов буд, ки ҳисобро ба 2:0 расонд. Вақти асосӣ бо ҳамин ҳисоб ба охир расид ва натиҷаи умумӣ 2:2 шуд. Мувофиқи низомнома ба бозӣ ду қисми 15-дақиқаӣ илова карда шуд.

Муфассал... Шарҳ додан

Паёми телевизионӣ ба муносибати Рӯзи забони давлатӣ

05 Октябр 2017

Ҳамватанони азиз!
Ҳамаи шуморо ба ифтихори Рӯзи забони давлатӣ, яъне забони шоиронаву шевои тоҷикӣ, ки онро султони суханварони Аҷам устод Рӯдакӣ «тараббахши рӯҳу фараҳафзои ҷон» номидааст, самимона табрик мегӯям.
Забони тоҷикӣ мероси бузурги ниёгони некноми мо бо вуҷуди мушкилоту монеаҳои зиёд ҳамчун риштаи пайванди насл ба насли миллат аз ҳазорсолаҳои дур то давлати соҳибистиқлоли тоҷикон омада расидааст ва решаҳои умри миллатамонро оби ҳаётбахш додааст.
Бинобар ин, арҷгузорӣ ба забони давлатӣ, ки ҳамчун рукни муҳимтарини ҳастии миллат, пойдевори асосии давлатдорӣ ва фарҳангу маънавиёти халқамон нақши барҷаста дорад, вазифаи инсониву виҷдонии ҳар як фарди бонангу номус ба ҳисоб меравад.

Муфассал... Шарҳ додан

Забони давлатӣ-сарчашмаи ифтихори миллат

05 Октябр 2017

Бахшида ба Рӯзи забони давлатӣ дар ташкилоту муассисаҳо ва коллеҷу донишгоҳҳои шаҳри Хуҷанд нишасту конфронс ва мулоқоту чорабиниҳои расмӣ, илмӣ ва тарбиявӣ гузаронида шуданд. Аз ҷумла дар бинои асосии Донишгоҳи давлатии Хуҷанд ба номи академик Бобоҷон Ғафуров конфронси илмӣ таҳти унвони «Сарчашмаи ифтихори миллат» бо иштироки устодони донишҷӯёни макотиби олии вилояти Суғд баргузор гардид.
Ҷамшед Ҷӯразода ректори ДДХ ба номи академик Бобоҷон Ғафуров конфронсро ифтитоҳ намуда, ҳозиринро бо рӯзномаи конфронс ошно намуд. Сипас Тоҷибой Султонӣ мудири шуъбаи рушди иҷтимоӣ ва робита бо ҷомеа дастгоҳи Раиси вилояти Суғд Паёми табрикотии Раиси вилоят Абдураҳмон Қодириро ба самъи ҳозирин расонд, ки дар он аз ҷумла гуфта шудааст:

Муфассал... Шарҳ додан

Ҷавонони Хуҷанд зидди ифротгароён мубориза мебаранд

04 Октябр 2017

Дар толори маркази фарҳанги шаҳри Хуҷанд бо ташаббуси бахши кор бо ҷавонон ва варзиши шаҳр вохӯрии намояндагони мақомоти ҳифзи ҳуқуқ роҷеъ ба баланд бардоштани маърифати ҳуқуқии ҷавонон, пешгирии ҷинояткориву ҳуқуқвайронкунӣ, амалҳои номатлуб, шомилшавии ҷавонон ба гурӯҳҳои террористиву экстремистӣ, ҳизбу ҳаракатҳои ғайриқонунӣ ва даъвати ҷавонон ба хизмати ҳарбӣ бо директорони мактабҳои варзишӣ, варзишгарон, падару модарони варзишгарон, ҷавонон баргузор гардид.
Мудири бахши кор бо ҷавонон ва варзиши шаҳри Хуҷанд Бахтиёр Исматҷонов чорабиниро ифтитоҳ намуд, аз ҷумла афзуд, ки бунёди давлати демократӣ ва дунявӣ, ки дар он тамоми ҳуқуқу озодиҳои шаҳрвандон таъмин карда мешавад, яке аз ҳадафҳои асосии сиёсати Ҳукумати Ҷумҳурии Тоҷикистон ва Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон мебошад.

Муфассал... Шарҳ додан