АсосӣБойгонӣ

Навгонӣ

Мусобиқаи волейбол натиҷагирӣ карда шуд

21 Май 2018

Дар асоси нақшаи тақвими ягонаи чорабиниҳои оммавӣ, варзишӣ, солимгардонӣ ва иштирок дар мусобиқаҳои вилоятӣ, ҷумҳуриявӣ ва байналмилалӣ дар соли 2018, бо мақсади тарғибу ташвиқи волейбол, мустаҳкам намудани алоқаи дўстии байни хонандагони муассисаҳои таҳсилоти миёнаи умумӣ, литсей ва гимназияҳои шаҳр дар давоми соли хониш Лигаи шаҳри Хуҷанд оид ба намуди волейбол байни хонандагони муассисаҳои таҳсилоти миёнаи умумӣ, литсей ва гимназияҳои шаҳрӣ таҳти унвони «Ҷавонон - пайрави Пешвои миллат!» баргузор гардид.

Дар ин мусобиқа 12 даста байни духтарон ва 24 даста байни писарони муассисаҳои таҳсилоти миёнаи умумӣ, литсей ва гимназияҳои шаҳрӣ бо ҳам қувваозмоӣ намуданд ва дар натиҷа ҷои якумро байни духтарон муассисаи таълимии таҳсилоти миёнаи умумии №23, ҷои дуюмро дастаи муассисаи таълимии таҳсилоти миёнаи умумии №6 ва ҷои сеюмро дастаи муассисаи таҳсилоти миёнаи умуми № 16 соҳиб гардиданд.

Муфассал... Шарҳ додан

Баҳриддин Ахмедов- ходими ҳизбӣ, давлатӣ ва ҷамъиятӣ

21 Май 2018

Дар толори Маркази фарҳанг-и шаҳри Хуҷанд конференсияи илмию амалӣ бахшида ба фаъолияти меҳнатии Корманди хизматнишондодаи маданияти Тоҷикистон, Шаҳрванди фахрии шаҳри Хуҷанд Баҳридин Ахмедов таҳти унвони «Баҳриддин Ахмедов- ходими ҳизбӣ, давлатӣ ва ҷамъиятӣ” баргузор гардид.

Фирӯза Нуруллозода, муовини Раиси шаҳри Хуҷанд конфронсро ифтитоҳ намуд. Сипас, мудири шуъбаи рушди иҷтимоӣ ва робита бо ҷомеаи дастгоҳи Раиси вилоят Суғд Тоҷибой Султонзода табрикоти Раиси вилояти Суғд Раҷаббой Аҳмадзода ба ифтихори 85 солагии Баҳриддин Ахмедовро ироа намуд. Таъкид шуд, ки Баҳриддин Ахмедов баробари таъсисёбии вилояти Ленинобод (Суғди имрӯза) моҳи декабри соли 1970 ба узвияти кумитаи ташкилии вилоят пешбарӣ намуданд ва аз 14 феврали соли 1971 дар Иҷлосияи якуми Шӯрои депутатҳои меҳнаткашони вилояти Ленинобод, котиби комиҷроияи Шӯрои депутатҳои вилоят интихоб карданд ва дар ҳамин вазифа то ба нафақа баромадан, яъне соли 1993 фаъолият бурдаанд.

Муфассал... Шарҳ додан

Машқи пагоҳирӯзӣ ва велосипедронӣ

21 Май 2018

Тавре, ки иттилоъ дода будем, рӯзи шанбе ҳафтаи сипаришуда бо мақсади пуршукӯҳ ҷашни гирифтани Рӯзи ҷавонон ва тарғиби тарзи ҳаёти дар назди Маҷмааи давлатии «Истиқлол»-и шаҳри Хуҷанд машқи пагоҳирӯзӣ ташкил ва баргузор карда шуд.

Ҳамчунин худи ҳамин рӯз аз ин мавзеъ мусобиқа велосипедронӣ оғоз гардида, то маҳаллаи 12-уми шаҳр идома ёфт.

Ташкили чунин чорабиниҳо имкон медиҳад, ки мардум, бахусус ҷавонон ба он ҷалб гардида, он баҳри солимии рӯҳу тан мусоидат менамояд.

Муфассал... Шарҳ додан

Хуҷанд: 25 ҳазор нафар дар Дави миллӣ иштирок намуданд

21 Май 2018

Рӯзи 20 май дар маркази вилоят – шаҳри Хуҷанд чорабинии варзишии Дави миллӣ баргузор шуд, ки дар он беш аз 25 ҳазор нафар одамони касбу кори гуногун иштирок намуданд.

Дар қатори ҳазорҳо нафар сокинони маркази вилоят Раиси вилояти Суғд Раҷаббой Аҳмадзода, муовинони Раиси вилоят ва Раиси шаҳри Хуҷанд Маъруф Муҳаммадзода низ дар чорабинии мазкур иштирок намуданд. Қабл аз оғози Дави миллӣ Раҷаббой Аҳмадзода дар ҳузури сокинон суханронӣ намуда, аз дастгириҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушди соҳаи варзиш ёдоварӣ кард ва баргузории Дави миллиро ҷиҳати тарғиби тарзи ҳаёти солим иқдоми муҳиму саривақтӣ арзёбӣ кард. Таъкид шуд, ки варзиш танро солим ва рӯҳро болида намуда, барои фаъолияти пурсамари меҳнатӣ мусоидат менамояд.

Муфассал... Шарҳ додан

Барқияи тасаллият ба Раиси Шӯрои Давлатӣ ва Шӯрои Вазирони Ҷумҳурии Куба Мигел Диас-Канел

21 Май 2018

Дирӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Раиси Шӯрои Давлатӣ ва Шӯрои Вазирони Ҷумҳурии Куба Мигел Диас-Канел барқияи тасаллият ирсол намуданд, ки дар он гуфта мешавад:

«Ҷаноби Олӣ,

Хабари фоҷеаи суқути ҳавопаймои мусофирбар, ки боиси талафоти зиёди ҷонӣ гардид, моро сахт андуҳгин намуд.

Дар ин лаҳзаҳои ҳузнангез ба Шумо ва ба мардуми дӯсти Куба, ҳамчунин ба ҳамаи наздикону пайвандони фавтидагон ҳамдардиву тасаллияти хешро изҳор намуда, барои осебдидагон шифои ҳарчи зудтару комил мехоҳам».

Шарҳ додан