АсосӣБойгонӣ

Навгонӣ

«Гулбаҳор» Ҷоми баскетболро гирифт

19 Октябр 2017

Тибқи нақшаи чорабиниҳои бахши кор бо ҷавонон ва варзиши шаҳри Хуҷанд ва бо мақсади тарғибу ташвиқи намуди варзиши баскетбол байни омма, мустаҳкам намудани алоқаи дӯстӣ байни ҷавонон, баланд бардоштани маҳорати варзишӣ, муайян ва интихоби дастаи варзишгарони беҳтарин аз санаҳои 10 то 17 октябри соли 2017 дар толори варзишии Донишкадаи политехникии Донишгоҳи техники Тоҷикистон ба номи академик Муҳаммад Осимӣ мусобиқаи кушоди шаҳри Хуҷанд оид ба баскетбол байни маҳаллаҳо бахшида ба 25-солагии Иҷлосияи ХVI – уми Шӯрои Олии Ҷумҳурии Тоҷикистон ва соли 2017 «Соли ҷавонон» баргузор гардид.
Дар мусобиқаи мазкур 8 даста иштирок намуда ва дар натиҷа ҷои якум насиби дастаи «Гулбаҳор», ҷои дуюм дастаи «Чорчароғ» ва ҷои сеюм дастаи «Истаравшан» гардиданд.

Муфассал... Шарҳ додан

Дастовардҳо афзун, вале самаранокиву фаъолнокии бештар мебояд

18 Октябр 2017

Субҳи имрӯз дар Маркази фарҳанг маҷлиси фаъолони шаҳри Хуҷанд доир ба натиҷаҳои рушди иқтисодиву иҷтимоии шаҳр дар нӯҳ моҳи соли 2017 бо иштироки роҳбарони сохторҳо, мақомоти ҳифзи ҳуқуқ, раисони кумитаи маҳаллаҳо, сарварони макотиби таҳсилоти ҳамагонӣ, миёнаи махсус ва олӣ ва намояндагони ВАО баргузор гардид. Ҷаласаро Раиси шаҳри Хуҷанд Маъруф Муҳаммадзода ифтитоҳ намуда, ҳозиринро бо рӯзномаи он ошно намуд.
Сипас, муовини Раиси шаҳри Хуҷанд Раъно Ҳошимзода доир ба натиҷаҳои рушди иқтисодиву иҷтимоии шаҳри Хуҷанд дар нӯҳ моҳи соли 2017 иттилоъ дода аз ҷумла афзуд, ки “Дар давоми нуҳ моҳи соли ҷорӣ, новобаста аз таъсири манфии омилҳои беруна, корхонаҳои саноатии шаҳр, мутобиқ ба шароити нави иқтисодии бозорӣ ва пайдошавии рақобати озод дар бозорҳо, дар ҷанбаҳои мухталиф фаъолият бурдаанд, ки дар натиҷа шумораи умумии корхонаҳои калону миёнаи саноатӣ ба 155 адад расид.

Муфассал... Шарҳ додан

Диққат: озмун барои журналистон!

17 Октябр 2017

Шӯъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд ва Дафтари матбуоти Раиси шаҳр дар чорчӯбаи Барномаи давлатӣ «Оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023» озмуни беҳтарин мақола (рӯзнома, сомона), гузориши телевизионӣ ва ролики иҷтимоӣ дар самти зӯроварӣ ва ё хушунат эълон медорад.
Дар озмун тамоми рӯзноманигорон новобаста аз шакли моликият ва ҷойи кор иштирок карда метавонанд. Факту рақами мавод ҳатман воқеъӣ ва рӯзмарра бошад. Маводи озмун бояд то 1 декабри соли 2017 нашр ва нусхаи он ба комиссияи озмун пешниҳод карда шавад. Озмун аз рӯйи ҳар се номиннатсия, яъне беҳтарин мақола, гузориш ва ролики тарғиботӣ натиҷагирӣ карда мешавад.

Муфассал... Шарҳ додан

Барқияи табрикӣ ба Президенти тозаинтихоби Ҷумҳурии Қирғизистон Сооронбой Жээнбеков

18 Октябр 2017

Имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти тозаинтихоби Ҷумҳурии Қирғизистон Сооронбой Жээнбеков барқияи табрикӣ ирсол намуданд, ки дар он, аз ҷумла, омадааст:
«Муҳтарам Сооронбой Шарипович,
Дар робита ба интихоб гардидаданатон ба мансаби олии Президенти Ҷумҳурии Қирғизистон бо изҳори хушнудӣ ба Шумо табрикоти самимии худро ирсол медорам.
Мардуми Қирғизистон бо ибрози иродаи худ эътимоди баландашро ба фаъолияти давлатии Шумо ироа намуд.
Тоҷикистон ва Қирғизистонро риштаҳои дӯстӣ ва робитаҳои неки ҳамҷаворӣ, ки таърихи чандинасра доранд, ба ҳам мепайвандад.
Мо Шуморо ба ҳайси ҷонибдори собитқадами таҳкиму густариши минбаъдаи муносибатҳои гуногунҷанбаи Тоҷикистон ва Қирғизистон мешиносем.

Муфассал... Шарҳ додан

Ман бо Тоҷикистони маҳбубам ифтихор дорам

17 Октябр 2017

Бахши ҷавонон ва варзиши Мақомоти иҷроияи ҳокимияти давлатии шаҳри Хуҷанд байни хонандагони синфҳои болоии макотиби таҳсилоти ҳамагонӣ озмуни шаҳрии иншои беҳтарин дар мавзӯи “Ман бо Тоҷикистони маҳбубам ифтихор дорам” эълон менамояд. Озмун дар ду давр гузаронида мешавад. Даври аввал дар муассисаҳои таҳсилоти миёнаи умумӣ гузаронида шуда, ғолибон бо пешниҳоди директори муассиса ба даври дуюм-озмуни шаҳрӣ роҳхат мегиранд.
Тавре, ки дастандаркорони озмун иттилоъ доданд, ҳадаф аз ташкил ва гузаронидани озмун дастгирӣ намудани ташаббусҳои эҷодӣ, дарёфт ва дастгирӣ намудани ҷавонони соҳибистеъдод, ғанӣ гардонидани сатҳи маърифатнокӣ ва забондонии ҷавонон, баланд бардоштани маърифати илмӣ ва зеҳнии ҷавонон ва таҳким бахшидани тарбияи ватандӯстию ахлоқии ҷавонон буда он бахшида ба Рӯзи Парчами давлатии Ҷумҳурии Тоҷикистон ва «Соли ҷавонон» сурат мегирад.

Муфассал... Шарҳ додан