АсосӣБойгонӣ

Навгонӣ

Ғолибияти мактаби варзишии №1 дар Чемпионати Хуҷанд

13 Ноябр 2017

Бо ҳузури Раиси шаҳри Хуҷанд Маъруф Муҳаммадзода дар толори «Қасри варзиш» ба Чемпионати шаҳри Хуҷанд оид ба каратэ до бахшида Рӯзи Президенти Ҷумҳурии Тоҷикистон ва соли 2017 «Соли ҷавонон» ҳусни ифтитоҳ бахшида шуд.
Раиси шаҳр зимни баромади худ қайд кард, ки «Боиси сарфарозист, ки дар замони соҳибистиқлолии мамлакат бо ҳидояту раҳнамоиҳои Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон дар самти дастгирии ҷавонон ва варзиш тадбирҳои ҳадафманд андешида шуда, самтҳои гуногуни варзиш махсусан дар Соли ҷавонон басо равнақу ривоҷ ёфта истодааст. Тарғибу ташвиқи мақсадноки варзиш дар солҳои соҳибистиқлолии кишвар ба сатҳи даркорӣ ва муҳим расонида шуда, сокинони гуногунсинни шаҳри Хуҷанд бо он шуғли бештар ёфта, тарзи ҳаёти солимро пеш гирифтаанд.

Муфассал... Шарҳ додан

Ҳамоиши ҷавонони фаъоли шаҳри Хуҷанд

13 Ноябр 2017

Дар маркази фарҳанги шаҳри Хуҷанд мулоқоти масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо ҷавонони фаъоли шаҳри Хуҷанд баргузор гардид.
Дар мулоқот сардори раёсати кор бо ҷавонони Кумитаи кор бо ҷавонон ва варзиши назди Ҳукумати Ҷумҳурии Тоҷикистон Шаҳзод Раҳимов, сардори раёсати кор бо ҷавонон ва варзиши вилояти Суғд Олим Зоҳидзода, мудири бахши кор бо ҷавонон ва варзиши шаҳри Хуҷанд Бахтиёр Исматҷонов, гирандагони стипендияҳои Президентӣ, ғолибони олимпиадаҳо ҷавонони фаъоли шаҳр иштирок намуданд.
Дар мулоқот масъулин доир ба аҳамияти таърихии 25-умин солгарди Иҷлосияи 16-уми Шӯрои Олии Ҷумҳурии Тоҷикистон, дастгириҳои Асосгузори сулҳу Ваҳдати миллӣ, Пешвои миллат Президенти мамлакат мӯҳтарам Эмомалӣ Раҳмон ва эълон шудани соли 2017 «Соли ҷавонон», барномаҳои махсуси давлатӣ барои ҷавонон ва ғайраҳо андешаронӣ намуданд.

Муфассал... Шарҳ додан

Аксияи «Ҷавонон-пайрави Пешвои миллат"

13 Ноябр 2017

Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Мақомоти иҷроияи ҳокимияти давлатии шаҳри Хуҷанд ва Раёсати кор бо ҷавонон ва варзиши вилояти Суғд дар майдони Регистон ва бозори марказии «Панҷшанбе»-и шаҳр аксияи ҷумҳуриявӣ таҳти унвони «Ҷавонон-пайрави Пешвои миллат" бахшида ба таҷлили Рӯзи Президент, 25 - солагии Иҷлосияи 16 -уми Шӯрои Олии Ҷумҳурии Тоҷикистон ва Соли 2017-Соли ҷавонон ташкил ва гузаронида шуд.
Боиси зикр аст, ки дар рафти аксияи мазкур 1000 дона маводҳои тарғиботӣ, 250 дона нишони сарисинагӣ ва 500 дона тақвим бо акси Асосгузори сулҳу Ваҳдати миллӣ, Пешвои миллат Президенти мамлакат мӯҳтарам Эмомалӣ Раҳмон тақсим ва аз нақшу мақом ва хидматҳои ин фарзанди фарзонаи миллат дар рушди давлатдории миллии тоҷикон маълумот дода шуд.

Муфассал... Шарҳ додан

Ҷилои нави шаҳри Хуҷанд

13 Ноябр 2017

Бо иқдоми роҳбарияти Мақомоти иҷроияи ҳокимияти давлатии шаҳри Хуҷанд ва ташаббусҳои созандаи сокинони шаҳр тайи як моҳ аст, ки рӯзҳои шанбе ва якшанбе дар пешоруйи ҷашнҳои бузурги миллат, аз ҷумла 25 солагии Иҷлосияи тақдирсоз аз ҷониби шаҳрвандон корҳои ободониву тозаву озода нигоҳ доштани шаҳр силсилакорҳо анҷом ёфта истодааст. Таровати дигар пайдо намудани хиёбони Исмоили Сомонӣ бо овезаҳои тарғиби худшиносӣ ва обод гардидани шоҳроҳи Истиқлол бо чароғпояҳои муосиру мумфаршкунии роҳҳо исботи гуфтаҳои болоист.
Баҳри дар сатҳи баланди ташкилию омодагӣ гузаронидани ҷашнҳои дар пешистода дар самти тозагию ободонӣ, бунёдкорию созандагӣ, кабудизоркунию гулзоркунӣ, чароғонкунӣ, мумфаршкунӣ ва таъмири биноҳои баландошёнаи истиқоматӣ корҳои назаррас ба иҷро расонида шуданд.

Муфассал... Шарҳ додан

Шиносоӣ бо фаъолияти Муассисаи давлатии “Боғи миллии Тоҷикистон”

13 Ноябр 2017

Дирӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ бо нашъунамои дарахтони мевадиҳандаю сояафкан дар “Боғи миллии Тоҷикистон”, воқеъ дар қисми ғарбии пойтахт шинос шуданд.

Мавриди зикр аст, ки бо шарофати истиқлолияту ваҳдати комили сартосарӣ ва бо дастуру ҳидоятҳои Пешвои миллат муҳтарам Эмомалӣ Раҳмон дар саросари мамлакат боғҳои куҳна аз нав таҷдиду барқарор ва дар майдони ҳазорҳо гектар замин боғҳои нав бунёд карда мешаванд.

Бунёди боғҳои наву барқарор кардани боғҳои куҳна дар доираи татбиқи “Барномаи давлатии рушди соҳаи боғу токпарварӣ барои солҳои 2016 - 2020” амалӣ шуда, ин тадбир омили муҳими расидан ба яке аз ҳадафҳои асосию стратегӣ - таъмини амнияти озуқаворӣ дар ҷумҳурӣ, инчунин бо ин роҳ мусоидат кардан ба таъсиси ҷойҳои нави корӣ ва беҳдошти сатҳи иқтисодию иҷтимоии зиндагии аҳолӣ мебошад.

Муфассал... Шарҳ додан