АсосӣБойгонӣ

Навгонӣ

Мубодилаи барқияҳои табрикии Президенти Ҷумҳурии Тоҷикистон Эмомалӣ Раҳмон ва Президенти Конфедератсияи Швейтсария Дорис Лойтҳард

11 Декабр 2017

Дирӯз миёни Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Конфедератсияи Швейтсария Дорис Лойтҳард ба муносибати 25-умин солгарди барпо намудани робитаҳои дипломатии ду кишвар мубодилаи барқияҳои табрикӣ ба амал омад.

Ҳамин тавр, дар барқияи табрикии Президенти Ҷумҳурии Тоҷикистон муҳтарам Эмомалӣ Раҳмон ба унвони Президенти Конфедератсияи Швейтсария Дорис Лойтҳард, аз ҷумла, омадааст:

«Хонуми Олиҷоҳ,

Сарфарозам Шуморо ба муносибати 25-мин солгарди барпо намудани робитаҳои дипломатӣ байни Ҷумҳурии Тоҷикистон ва Конфедератсияи Швейтсария самимона табрику таҳният гӯям.

Муфассал... Шарҳ додан

Маҳфили нуру зиёи Нурмуҳаммад Ниёзӣ

(1 овоз, миёна 3.00 аз 5)

09 Декабр 2017

Дар толори театри мазҳака ва мусиқии Камоли Хуҷандӣ шаби эҷодӣ ва маҳфили шеъри Шоири халқии Тоҷикистон, Барандаи ҷоизаи давлатии Камоли Хуҷандӣ Нурмуҳаммад Ниёзӣ ба муносибати 50-солагии фаъолияти эҷодиашон баргузор гардид.
Раиси бахши суғдии Иттифоқи нависандагони Тоҷикистон, Шоири халқии Тоҷикистон Аҳмадҷони Раҳматзод нишастро оғоз намуда, зикр дошт, ки сиёсати фарҳангиву фардоофаринии Асосгузори сулҳу Ваҳдати миллӣ-Пешвои миллат Президенти Ҷумҳурии Тоҷикистон, муҳтарам Эмомалӣ Раҳмон боиси равнақи ҳамаҷонибаи адабиёт, таъсиси мактабу доираҳои адабӣ ва тамоми имкониятҳои муносибро барои аҳли адаб бунёд ниҳодааст. Шоири халқии Тоҷикистон, Нурмуҳаммад Ниёзӣ вориси арзандаи устодони бузурги адабиёт маҳсуб меёбанд.

Муфассал... Шарҳ додан

Ба боварии мардум сазовор бошем

08 Декабр 2017

Ба муносибати 23 солагии таъсисёбии Ҳизби халқии демократии Тоҷикистон бо ширкати собиқадорон ва фаъолони ҳизб дар толори маҷлисгоҳи кумиҷроияи ҲХДТ дар шаҳри Хуҷанд конференсияи илмӣ баргузор гардид.
Раиси кумиҷроия Наим Маликисломӣ чорабинро ҳусни ифтитоҳ бахшида, дар баромадаш аз ҷумла зикр дошт, ки Ҳизби халқии демократии Тоҷикистон замоне арзи вуҷуд карда буд, ки дар кишварамон нобасомониҳо идома дошту мардум аз ҳизбсозию ҳизббозӣ дилозурда шуда буданд. Зеро баъди ба даст овардани истиқлолияти кишвар як гурӯҳ аз мансабхоҳони миллаткуш мехостанд давлатамонро зери даст гирифта, онро чун як бозичаи саридастӣ идора кунанд. Ана дар ҳамин авзо ҳизби мо чун раҳнамо вориди сиёсат шуда, аз нахустин рӯзҳои фаъолияташ мавқеи устувори сиёсиро дар ҷодаи ҳимояи манфиатҳои халқ ба даст гирифт.

Муфассал... Шарҳ додан

Иштироки 40 нафар хонандагони шаҳри Хуҷанд дар олимпиадаи вилоятӣ

(1 овоз, миёна 5.00 аз 5)

08 Декабр 2017

Дар муассисаи таҳсилоти миёнаи умумии рақами 23-и шаҳри Хуҷанд даври вилоятии олимпиадаи мактаббачагони синфҳои 5-8 аз рӯи фанҳои дақиқ бо иштироки соҳибони ҷойҳои ифтихорӣ ва иштирокчиёни фаъоли даври шаҳриву ноҳиявӣ оғоз ёфт. Дар ин олимпиада 40 нафар хонандагони шаҳри Хуҷанд иштирок намуда истодаанд.
Чорабинии тантанавиро, ки ба ин муносибат доир гардид, роҳбари Маркази дарёфт ва рушди боистеъдодҳои назди Раёсати маорифи вилоят Дилбар Исмоилова ифтитоҳ бахшида, аз қоидаҳои гузаронидани олимпиада ёдовар шуд.
Зикр гардид, ки олимпиада ду рӯз идома ёфта, беҳтаринҳо муайян мегарданд. Даври вилоятии олимпиада барои синфҳои 9, 10, 11 дар моҳи январ доир мегардад.

Муфассал... Шарҳ додан

Ниҳолшинонӣ дар Мактаби Президентии шаҳри Хуҷанд

07 Декабр 2017

Бо мақсади иҷрои дастуру супоришҳои Асосгузори сулҳу Ваҳдати миллӣ-Пешвои миллат, Президенти мамлакат мӯҳтарам Эмомалӣ Раҳмон дар самти ободонию сабзу хуррамгардонии муҳити атроф ва муассисаву ташкилотҳо хонандагону омӯзгорони мактаби Президентии шаҳри Хуҷанд ба мавсими ниҳолшинонӣ оғоз бахшиданд.
Толибилмону устодони муассисаи таълимии мазкур зиёда аз 40 адад дарахтони сояафкану ороишӣ шинонида, барои ҳусни дигар зам намудан ба мактаби Президентии шаҳри Хуҷанд ҳиссагузорӣ намуданд. Интизор меравад, ки шинонидани чунин навъи ниҳолҳо дар моҳи феврали соли 2018 идома хоҳад ёфт.