АсосӣБойгонӣ

Навгонӣ

Комиссияи ҳуқуқи кӯдак

01 Декабр 2017

Ҷаласаи навбатии комиссияи оид ба ҳуқуқи кӯдаки Мақомоти иҷроияи ҳокимияти давлатии шаҳри Хуҷанд таҳти роҳбарии Раиси комиссия, муовини Раиси шаҳри Хуҷанд Раъно Ҳошимзода баргузор гардид.
Аъзои комиссия масъалаи марбут ба иваз намудани ному насаби кӯдакони ноболиғ, гирифтани фарзанд аз хонаи кӯдакони шаҳри Хуҷанд, муайян намудани вақт ва тартиби муошират бо фарзандон, баррасии мактуби мақомоти дахлдор марбут ба ноболиғон ва як қатор масъалаҳои дигарро мавриди муҳокима намуда, қарорҳои дахлдор қабул намуданд.

Муфассал... Шарҳ додан

Маркази илм ва фарҳанги Русия дар шаҳри Хуҷанд ифтитоҳ гардид

30 Ноябр 2017

Дар шаҳри Хуҷанд маросими ифтитоҳи бинои Маркази илм ва фарҳанги Русия бо иштироки сафири Федератсияи Русия дар Тоҷикистон Игор Лякин Фролов, муовини Раиси вилояти Суғд Анвар Яъқубӣ, Раиси шаҳри Хуҷанд Маъруф Муҳаммадзода, консулгарии Русия дар шаҳри Хуҷанд, намояндагони «Россотрудничества» ва меҳмонон баргузор гардид.
Сафири Федератсияи Русия дар Тоҷикистон Игор Лякин Фролов дар маросими ифтитоҳии Маркази илм ва фарҳанги Русия гуфт, ки Русияву Тоҷикистон муносибатҳои худро аз ибтидо бо дарки умумияти манфиатҳои дарозмуддати халқҳои ду кишвар ба роҳ мондааст. Дар мулоқоти роҳбарони давлатҳо борҳо таъкид мегардад, ки барои такмили робитаҳои фарҳангии мо вусъат додани ҳудуди ҳамкориҳои минтақавӣ ва соҳавии Тоҷикистону Русия аҳамияти бузург дорад.

Муфассал... Шарҳ додан

Ҷаласаи навбатии Шӯрои ҷамъиятӣ

29 Ноябр 2017

Дар толори хурди Мақомоти иҷроияи ҳокимияти давлатии шаҳри Хуҷанд ҷаласаи навбатии Шӯрои ҷамъиятии шаҳр баргузор гардид. Раиси шаҳри Хуҷанд, Раиси Шӯрои ҷамъиятии шаҳр Маъруф Муҳаммадзода ҷаласаро ифтитоҳ намуда, аъзои Шӯрои ҷамъиятиро бо масъалаҳои баррасишаванда ошно намуд.
Нахуст мудири шуъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд Муяясар Сангинова оид ба ба рафти иҷрои қарори Раиси шаҳри Хуҷанд аз 30 сентябри соли 2014, № 577 “Дар бораи тадбирҳои амалӣ намудани “Барномаи давлатӣ оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023” дар шаҳри Хуҷанд маълумот дод.

Муфассал... Шарҳ додан

Сафари корӣ ба шаҳри Мински Ҷумҳурии Беларус

30 Ноябр 2017

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати анҷоми сафари корӣ ва иштирок дар ҷаласаи навбатии Шӯрои амнияти дастаҷамъии Созмони Аҳдномаи Амнияти Дастаҷамъӣ ба шаҳри Мински Ҷумҳурии Беларус сафар карданд.

Дар фурудгоҳи байналмилалии Душанбе Президенти Ҷумҳурии Тоҷикистон Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон, Раиси Маҷлиси намояндагони Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, Роҳбари Дастгоҳи иҷроияи Президенти Ҷумҳурии Тоҷикистон ва дигар шахсони расмӣ гусел намуданд.

Муфассал... Шарҳ додан

Озмуни “16 рӯзи мубориза алайҳи хушунат” дар арафаи натиҷагирӣ

29 Ноябр 2017

Тавре, ки иттилоъ дода будем, шӯъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд ва Дафтари матбуоти Раиси шаҳр дар чорчӯбаи Барномаи давлатӣ «Оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023» озмуни беҳтарин мақола (рӯзнома, сомона), гузориши телевизионӣ ва ролики иҷтимоӣ дар самти зӯроварӣ ва ё хушунат эълон дошта буд ва он рӯзҳои наздик натиҷагирӣ карда мешавад.
Дар озмун тамоми рӯзноманигорон новобаста аз шакли моликият ва ҷойи кор иштирок карда метавонанд. Факту рақами мавод ҳатман воқеъӣ ва рӯзмарра бошад. Маводи озмун бояд то 1 декабри соли 2017 нашр ва нусхаи он ба комиссияи озмун пешниҳод карда шавад. Озмун аз рӯйи ҳар се номиннатсия, яъне беҳтарин мақола, гузориш ва ролики тарғиботӣ натиҷагирӣ карда мешавад.