АсосӣБойгонӣ

Навгонӣ

Ифтитоҳи кӯдакистони нав бо 160 ҷой дар ноҳияи Синои пойтахт

19 Декабр 2017

Имрӯз дар ноҳияи Синои пойтахт Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ Кудакистони рақами 68 - ро барои 160 кӯдак ифтитоҳ намуданд.

Бинои нави кӯдакистон 2 ошёна буда, аз маҷмуъи иншооти асосӣ ва ёридиҳанда иборат аст. Дар он 6 ҳуҷраи бозии кӯдакон, 6 ҳуҷраи хоб, 1 утоқи ёрирасон, толори мусиқӣ, ошхона ва дигар иншооти асосиву ёрирасон ҷойгир шудааст.

Фармоишгари асосии сохтмон Мақомоти иҷроияи ҳокимияти давлатии шаҳри Душанбе буда, арзиши умумии иншоот наздики 8 миллион сомониро ташкил медиҳад. Лоиҳа аз ҷониби мутахассисони Ҷамъияти дорои масъулияти маҳдуди "Саимо" тарҳрезӣ шуда, корҳои сохтмониро бинокорони Ҷамъияти дорои масъулияти маҳдуди "Кадучӣ" анҷом додаанд.

Муфассал... Шарҳ додан

Боздид аз Намоишгоҳи маҳсулоти саноатии Душанбе- 2017

19 Декабр 2017

Субҳи имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ ба ноҳияи Синои пойтахт ташриф оварда, дар Намоишгоҳи маҳсулоти саноатии Душанбе-2017 бо намунаи дастовардҳои арзандаи корхонаву ширкатҳои истеҳсолии мамлакат, ки айни замон дар бозори минтақа ва ҷаҳон мавқеи бештарро пайдо кардаанд, шинос шуданд.

Дар ин намоишгоҳи бузурги саноатӣ намояндагони зиёда аз 50 корхонаю ширкатҳои ватанӣ асосан молу маҳсулоти ивазкунандаи воридот ва ба содирот нигаронидашуда, аз қабили маҳсулоти ресандагию бофандагӣ, мошинолоти гуногун, маҳсулоти хӯрокворӣ, чармӣ, масолеҳи сохтмонӣ, алюминий, маҳсулоти пластмасӣ, матоъ, либос, пойафзол, маснуоти заргарӣ, адрасу атлас, намунаи ҳунари дастии занону духтарон ва дигар молу ашёро ба Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон муаррифӣ намуданд.

Муфассал... Шарҳ додан

Қисмҳои низомии ҳудуди шаҳри Хуҷанд фазои идона доштанд

18 Декабр 2017

Бо мақсади иҷрои дастуру супоришҳои Асосгузори сулҳу Ваҳдати миллӣ-Пешвои миллат, Президенти мамлакат мӯҳтарам Эмомалӣ Раҳмон дар остонаи Соли нави мелодӣ аз тарафи намояндагони Мақомоти иҷроияи ҳокимияти давлатии вилояти Суғд ва Раиси шаҳри Хуҷанд Маъруф Муҳаммадзода як қатор қисмҳои ҳарбии мустақар дар ҳудуди шаҳр аёдат карда шуданд.
Дар қисми низомии 3501 РВКД Ҷумҳурии Тоҷикистон дар вилояти Суғд бо ин мақсад ҷамъомади тантанавӣ баргузор гардид. Носирхон Акмолов, сардори раёсати хадамоти зиддиинҳисории назди Ҳукумати Ҷумҳурии Тоҷикистон дар вилояти Суғд назди аскарону афсарони қисми низомӣ баромад намуда, аз хизматҳои онҳо дар ҳифзи тартиботи ҷамъиятӣ ёдоварӣ карда, онро намунаи барҷастаи мактаби мардонӣ ба насли ҷавон унвон намуд. Номбурда ҳамзамон табрикоти Раиси вилояти Суғд Абдураҳмон Қодириро ба ҳайати қисми низомӣ расонд.

Муфассал... Шарҳ додан

Раиси шаҳр рӯзноманигорони ғолиб ва зиёда аз 100 нафар бонувонро қадршиносӣ намуд

18 Декабр 2017

Субҳи имрӯз Раиси шаҳри Хуҷанд Маъруф Муҳаммадзода аъзои фаъоли Шӯрои занони маҳаллаҳо, Шӯрои бибиотунҳо, хатмкардагони курси семоҳаи “Мактаби сарварӣ”, духтарони фаъол ва ғолибони озмуни рӯзноманигорон таҳти унвони «16 рӯзи мубориза алайҳи хушунат», ки беш аз 100 нафар буданд ба ҳузур пазируфт ва натиҷаи заҳмати онҳоро дар соли 2017 мавриди арҷгузорӣ қарор дод.
Раиси шаҳри Хуҷанд Маъруф Муҳаммадзода нишастро оғоз намуда, аз ҷумла қайд кард, ки “Боиси ифтихор аст, ки бо ҳидояти неки Асосгузори сулҳу Ваҳдати миллӣ, Пешвои миллат, Президенти мамлакат, мӯҳтарам Эмомалӣ Раҳмон Зан-Модар дар кишвари соҳибистиқлоли мо мавқеи баландро соҳиб аст. Фаъолияти густурдаи занон дар корҳои роҳбарикунанда дар ҳамаи шаҳру навоҳии вилоят сол аз сол ба мушоҳида мерасад.

Муфассал... Шарҳ додан

Маъруф Муҳаммадзода варзишгарони беҳтарини шаҳрро қадршиносӣ намуд

15 Декабр 2017

Субҳи имрӯз Раиси шаҳри Хуҷанд Маъруф Муҳаммадзода бо мақсади қадршиносии ҳайати дастаи футболбозони мактаби варзишии №1 ва варзишгарони беҳтарини соли 2017 эшонро дар толори хурди Мақомоти иҷроияи ҳокимияти давлатии шаҳри Хуҷанд ба ҳузур пазируфт.
Раиси шаҳри Хуҷанд Маъруф Муҳаммадзода гуфт, ки «Ба шарофати сиёсати хирадмандонаи Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон варзиш дар Тоҷикистони соҳибистиқлол ҳамчун ҷузъи муҳими таркибӣ ва пураҳамияти арзишҳои фарҳангӣ гардида, рушду инкишоф додани он дар байни табақаҳои васеи омма яке аз омилҳои муҳими солимгардонии ҷомеа ба ҳисоб меравад. Боиси ифтихор аст, ки як қатор варзишгарони бонангу номуси шаҳри Хуҷанд дар мусобиқаҳои сатҳи мухталиф ширкат варзида, муаррифгар ва парчамбардори давлати тоҷикон гардиданд.

Муфассал... Шарҳ додан