АсосӣБойгонӣ

Навгонӣ

Ҳисоботи Раиси шаҳри Хуҷанд Маъруф Муҳаммадзода оид ба натиҷаҳои рушди иҷтимоию иқтисодии шаҳр дар ёздаҳ моҳи соли 2017

28 Декабр 2017

Мақомоти иҷроияи ҳокимияти давлатии шаҳри Хуҷанд дар партави Паёми Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дастуру супоришҳо ва нақшаи чорабиниҳои Ҳукумати Ҷумҳурии Тоҷикистон доир ба натиҷаҳои рушди иҷтимоию иқтисодии Ҷумҳурии Тоҷикистон дар соли 2016 ва вазифаҳое, ки барои соли 2017 муайян гаштанд, дар давраи ҳисоботӣ фаъолияти худро ба роҳ монда, ба натиҷаҳои назаррас ноил гардид.
Тибқи нақшаи чорабиниҳо дар соли таърихии 2017 ҷиҳати истиқболи сазовори ҷашни 20-солагии Рӯзи Ваҳдати миллӣ, 25 – солагии Иҷлосияи ХVI Шӯрои Олии Ҷумҳурии Тоҷикистон, соли 2017–Соли ҷавонон, “Соли дастрасии аҳолӣ бо оби тозаи нӯшокӣ”, ташкил ва гузаронидани “120 рӯзи ободонӣ дар шаҳри Хуҷанд” дар самти суръатбахшии истеҳсолот, тараққиёти ҳамаи соҳаҳои хоҷагии халқ, пешбурди кулли паҳлуҳои ҳаёти ҷамъиятию сиёсӣ, иқтисодию иҷтимоӣ, фарҳангию маънавӣ, равнақи созандагию бунёдкорӣ то имрӯз як қатор чораҳо амалӣ гардиданд.

Муфассал... Шарҳ додан

Тӯҳфаҳои солинавии Раиси вилоят Абдураҳмон Қодирӣ ба тарбиягирандагони мактаб-интернати ёрирасони шаҳри Хуҷанд

28 Декабр 2017

Субҳи имрӯз Раиси вилояти Суғд Абдураҳмон Қодирӣ аз мактаб-интернати ёрирасони шаҳри Хуҷанд боздид ба амал овард. Зимни боздид Раиси вилояти Суғд Абдураҳмон Қодирӣ бо ҳамроҳии Раиси шаҳри Хуҷанд Маъруф Муҳаммадзода нахуст аз намоиши дастранҷи тарбиятгирандагони мактаб-интернат ошноӣ пайдо намуданд. Раиси вилоят ба маҳсули ҳунари тарбиятгирандагони хона-интернат мароқ зоҳир намуда, дастур дод, ки бо мақсади ҳавасманднамоии хонандагон барои ба бозори фурӯш баровардани маҳсули эҷоди эшон мусоидат карда шавад.
Сипас дар толори калони хона-интернат Раиси вилояти Суғд Абдураҳмон Қодирӣ тарбиятгирандагонро бо фарорасии Соли нави мелодӣ табрику таҳният гуфта, барояшон хониши аълою интизоми намунавӣ орзумандӣ кард.

Муфассал... Шарҳ додан

Иҷлосияи навбатии Маҷлиси вакилони халқи шаҳри Хуҷанд

27 Декабр 2017

Субҳи имруз Иҷлосияи дувоздаҳуми Маҷлиси вакилони халқи шаҳри Хуҷанд, даъвати панҷум дар бинои Мақомоти иҷроияи ҳокимияти давлатии шаҳр доир гардид.
Раиси шаҳр Маъруф Муҳаммадзода иҷлосияро ҳусни оғоз бахшид ва ҳозиринро бо рӯзномаи он ошно намуд.
Ба баррасии иҷлосияи дувоздаҳуми Маҷлиси вакилони халқи шаҳри Хуҷанд, даъвати панҷум масъалаҳои зерин пешниҳод карда шуд:
-дар бораи ҳисоботи Раиси шаҳри Хуҷанд оид ба фаъолияти мақомоти иҷроияи ҳокимияти давлатии шаҳр дар соли 2017;
-дар бораи тасдиқи ҳисоботи буҷети шаҳри Хуҷанд дар соли 2016 ва қабули буҷети шаҳри Хуҷанд барои соли 2018;
-дар бораи муқаррар намудани меъёрҳои андоз ва пардохтҳои ҳатмии алоҳида дар ҳудуди шаҳри Хуҷанд;

Муфассал... Шарҳ додан

Дар бартараф намудани офати табиӣ ҳаммаром бошем!

(1 овоз, миёна 1.00 аз 5)

27 Декабр 2017

Шаҳрвандони мӯҳтарам!
Тавре, ки Шумо иттилоъ доред, бар асари шамоли сахти шаби 26 ба 27 декабри соли равон дар шаҳри Хуҷанд ва атрофи он тибқи маълумоти пешакӣ 4 истгоҳи барқӣ, 40 сутуни барқ, зиёда аз 100 дарахт, боми як чанд манзилҳои баландошёна, иншооти обрасон, ноқилҳои барқӣ, беморхонаву мактабҳо, кӯдакистонҳо ва дигар иншооти ҳаётан муҳим хароб шуда, аҳолӣ бе нирӯи барқ ва қисме бидуни оби нӯшокӣ монданд. Хушбахтона талафоти ҷонӣ нест.Роҳбарияти Мақомоти иҷроияи ҳокимияти давлатии Хуҷанд аз соатҳои ба амал омадани офати табиӣ чораҳои таъҷилӣ андешида, ситод ташкил кард ва масъулин ба кӯчаҳои асосии шаҳр вобаста карда шуданд.

Муфассал... Шарҳ додан

Ба дастаи “Хуҷанд” медалҳои нуқра ва маблағҳои пулӣ супорида шуд

27 Декабр 2017

Дирӯз дар қароргоҳи Сарвари давлат дар шаҳри Хуҷанд маросими супоридани медалҳои нуқраи мусобиқоти қаҳрамонии футболи Тоҷикистон - 2017 ба дастаи “Хуҷанд” доир шуд.
Рустам Раҳматзода, муовини якуми Раиси вилояти Суғд ҳайати дастаи “Хуҷанд”-ро бо пирӯзиашон дар қаҳрамонии футболи Тоҷикистон табрик гуфта, таъкид дошт, ки соли равон дастаи “Хуҷанд” ҳамзамон Ҷоми Тоҷикистонро ба даст овард, ки ин дастоварди беҳтарин аст. Рустам Раҳматзода аз номи роҳбарияти вилояти Суғд ба ҳайати даста сипосномаву мукофотҳои пулии Мақомоти иҷроияи ҳокимияти давлатии вилояти Суғдро дар ҳаҷми наздик 37 000 сомонӣ тақдим намуд.
Ҳайати дастаи “Хуҷанд”-ро ҳамчунин Раиси шаҳри Хуҷанд Маъруф Муҳаммадзода бо дастовардашон дар мавсими соли 2017 табрик намуда, ба онҳо 16 ҳазору 200 сомонӣ маблағи пулӣ супорид.