АсосӣБойгонӣ

Навгонӣ

Мулоқоти ректорон бо хатмкунандагони макотиби миёнаи шаҳри Хуҷанд

(1 овоз, миёна 5.00 аз 5)

29 Декабр 2017

Бо мақсади ошноии бештар пайдо кардани хатмкунандагон бо ҷараёни таълиму тарбия, вазъи пояи моддиву техникии муассисаҳои олӣ ва миёнаи касбии вилоят бо дастури Раиси вилояти Суғд муҳтарам Абдураҳмон Қодирӣ тайи се сол аст, ки мулоқоти озоду шаффофи сарварони донишгоҳу донишкадаҳо ва миёнаи махсуси вилоят бо хатмкунандагон доир мегардад.
Дирӯз дар Кохи ба номи Абӯабдуллоҳ Рӯдакии шаҳри Хуҷанд идомаи ин вохӯриҳо бо устодону шогирдони мактабҳои шаҳри Хуҷанд доир гардид.
Чорабиниро муовини раиси шаҳр Раъно Ҳошимзода ҳусни ифтитоҳ бахшид. Номбурда иброз дошт, ки соли равон 48 мактабҳои таҳсилоти ҳамагонӣ ва 11 мактабҳои хусусии шаҳри Хуҷандро 2445 нафар хатм менамоянд.

Муфассал... Шарҳ додан

Маҷлиси Ҳукумати Ҷумҳурии Тоҷикистон

29 Декабр 2017

Имрӯз дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси Ҳукумати кишвар муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор шуд.

Дар кори маҷлис нахуст масъала Дар бораи Нақшаи кори Ҳукумати Ҷумҳурии Тоҷикистон дар нимсолаи якуми соли 2018 баррасӣ гардид.

Сипас, дар хусуси тадбирҳои иҷрои Қонуни Ҷумҳурии Тоҷикистон “Дар бораи Буҷети давлатии Ҷумҳурии Тоҷикистон барои соли 2018”, Дар бораи нишондиҳандаҳои буҷети давлатӣ барои солҳои 2019-2021 ва лоиҳаи Қонуни Ҷумҳурии Тоҷикистон “Дар бораи Буҷети давлатии Ҷумҳурии Тоҷикистон барои соли 2019” гузориши Вазири молияи Ҷумҳурии Тоҷикистон шунида шуд.

Муфассал... Шарҳ додан

Марҳамат ба ярмаркаи маводи озуқаворӣ

29 Декабр 2017

Бо иқдоми Мақомоти иҷроияи ҳокимият давлатии шаҳри Хуҷанд ба муносибати соли нави мелодӣ санаҳои 30-31-уми декабри соли равон дар ду минтақаи шаҳр: назди театри мазҳака-мусиқавии Камоли Хуҷандӣ ва маҳаллаи 20-ум ярмарка фурӯши маҳсулоти озуқаворӣ ташкил ва гузаронида мешавад.
Ин иқдом бо мақсади ба мардум бо нархҳои дастрас пешниҳод намудани маҳсулоти ниёзи аввал амалӣ карда мешавад. Дар ярмарка тамоми соҳибкорон ва шаҳрвандон бо молу маҳсулоти хеш иштирок карда метавонанд. Ярмарка дар ин рӯзҳо аз соати 8:00 то 17:00 фаъол мешаванд.
Марҳамат ба ярмаркаи маводи озуқаворӣ бо нархҳои дастрас!

Муфассал... Шарҳ додан

Иштирок дар ҷамъомади идона ба ифтихори Рӯзи кормандони мақомоти амнияти миллӣ

29 Декабр 2017

Дирӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар чорабинии идона ба ифтихори Рӯзи кормандони мақомоти амнияти миллӣ, ки ҳамасола 28 декабр ҷашн гирифта мешавад, бо роҳбарону масъулони як қатор воҳидҳои сохтории Кумитаи давлатии амнияти миллии Ҷумҳурии Тоҷикистон мулоқот намуданд.

Зимни суханронии худ Пешвои миллат муҳтарам Эмомалӣ Раҳмон аз нақши кормандони ин ниҳоди қудратии мамлакат дар таъмини сулҳу субот, ҳифзи арзишҳои истиқлолият, таъмини амнияти миллӣ ёдовар шуда, ба фарзандони содиқи Ватан ва ҳомиёни марзу буми кишвар барои иҷрои хизматҳои шоиста изҳори миннатдорӣ намуданд.

Муфассал... Шарҳ додан

Брифинги Маъруф Муҳаммадзода вобаста ба офати табии рухдода дар шаҳри Хуҷанд

(1 овоз, миёна 5.00 аз 5)

28 Декабр 2017

Дар Мақомоти иҷроияи ҳокимияти давлатии шаҳри Хуҷанд бо иштироки рӯзноманигорони телевизионҳои вилоят ва маҳаллӣ брифинги Раиси шаҳри Хуҷанд Маъруф Муҳаммадзода оид ба ҳолати рафъи офати табиӣ дар шаҳри Хуҷанд сурат гирифт.
Раиси шаҳри Хуҷанд Маъруф Муҳаммадзода иттилоъ дод, ки аз лаҳзаҳои аввали рух додани ҳодисаи табиӣ Роҳбарияти Мақомоти иҷроияи ҳокимияти давлатии шаҳри Хуҷанд қабл аз ҳама аз иншооти ҳаётан муҳим соҳаи тандурустиву маориф ва муассисаҳои дигари давлатӣ боздид ба амал оварда, аз вазъи ҳол аз наздик шинос гардиданд. Сипас фавран гуруҳҳои корӣ таъсис дода шуда, ба самт ва кӯчаҳои муайян вобаста карда шуданд. Соати 7-и субҳ аллакай ситоди навбатии сайёр баргузор ва ба масъулин масъалагузории навбатӣ шуд. Гуруҳҳо бо мақсади омӯзиши амиқи зарари расидаи офати табиӣ ба 4 самти муайяни соҳавӣ равона карда шуданд.