АсосӣБойгонӣ

Навгонӣ

Мароми мо сулҳу субот ва оромию пешрафти кишвар аст

05 Январ 2018

Изҳороти аҳли маорифи шаҳри Хуҷанд дар мавриди фаъолияти ТЭТ ҲНИТ ва дигар гуруҳҳои ифротгаро.
Имрӯзҳо ҳамоишҳое, ки бо иштироки ҲНИТ дар кишварҳои аврупоӣ баргузор мегарданд, изҳороти роҳбарони фирории ҲНИТ ва ҳаводорони он дар баъзе кишварҳо ва созмонҳои байналхалқӣ, гузоришҳои бархе аз рӯзноманигорон, ки воқеиятро ғайримунсифона таҳрир мекунанд, мардуми сулҳҷӯву озодихоҳ, бонангу номус, ватандӯсту хештаншиноси кишварро ором гузошта наметавонад.
Роҳбарон ва аъзоёни ҲНИТ ва дигар гуруҳҳои ифротгаро фаъолияти ғаразнок, зишт, амалҳои ғояҳои ғайриинсонӣ, террористиву ифротгароии худро зери ниқоби дини мубини ислом рӯйпуш намуда, бо дастгирии моддиву маънавии хоҷагони хориҷии худ ба ҳадафҳои нопоки худ — бо роҳи табаддулот, зӯроварӣ, бо истифодаи яроқ ва куштору хунрезӣ ғасби давлати қонунӣ расиданӣ буданд.

Муфассал... Шарҳ додан

«Мактаби сарварони ҷавон» аз духтарон роҳбар омода менамояд

05 Январ 2018

Дар толори хурди Мақомоти иҷроияи ҳокимияти давлатии шаҳри Хуҷанд барои омӯзиш дар курси семоҳаи «Мактаби сарварони ҷавон» озмун сурат гирифт, ки дар он зиёда аз 80 нафар донишҷӯён иштирок намуданд.
Аз байни донишҷӯёни болаёқат, ки шавқи зиёд ба сиёсат доранд, 20 нафар беҳтаринҳо тариқи саволу ҷавоб интихоб карда шуданд.
Минбаъд ҳар ҳафта, рӯзҳои панҷшанбе ба омӯзандагони курси мазкур донишмандон, сиёсатмадорон ва собиқадорони арсаи сиёсат дар мавзуъҳои мухталиф, аз ҷумла сифатҳои зан-роҳбар, омода шудан ба мақоми роҳбарӣ, таҳаммулпазирӣ, қонунгузории Ҷумҳурии Тоҷикистон дар бораи мақоми зан, рисолати хизматчии давлатӣ, усули корбарӣ дар мақомот ва ғайраҳо дарс мегӯянд.

Муфассал... Шарҳ додан

Ба имзо расидани як қатор қонунҳо

03 Январ 2018

Дирӯз аз тарафи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 33 қонун, ки аз тарафи Маҷлиси намояндагон қабул гардида, Маҷлиси миллӣ онҳоро ҷонибдорӣ намудааст, ба имзо расонида шуд.

Қонунҳои Ҷумҳурии Тоҷикистон «Дар бораи мақоми пойтахти Ҷумҳурии Тоҷикистон», «Дар бораи вазъи ҳуқуқии шаҳрвандони хориҷӣ ва шахсони бешаҳрванд дар Ҷумҳурии Тоҷикистон», «Дар бораи маҳдуд намудани истифодаи маҳсулоти тамоку», оид ба ворид намудани тағйиру иловаҳо ба қонунҳои Ҷумҳурии Тоҷикистон «Дар бораи рамзҳои Президенти Ҷумҳурии Тоҷикистон», «Дар бораи ҳимояи ҳуқуқи истеъмолкунандагон», «Дар бораи ҳифзи ҳуқуқи кӯдак» аз ҷумлаи онҳо мебошанд.

Муфассал... Шарҳ додан

Машварати васеъи Раиси шаҳр бо роҳбарони макотиб ва кӯдакистонҳо

03 Январ 2018

Имрӯз дар толори Мақомоти ичроияи ҳокимияти давлатии шаҳри Хуҷанд машварати васеъи кории Раиси шаҳр Маъруф Муҳаммадзода бо роҳбарони муассисаҳои таълимии миёнаи умумӣ, хусусӣ ва муассисаҳои таҳсилоти томактабӣ баргузор гардид.
Нахуст аз натиҷаи санҷиши гуруҳи кории Мақомоти иҷроияи ҳокимияти давлатии шаҳр доир ба вазъи татбиқи Қонунҳои Ҷумҳурии Тоҷикистон “Дар бораи маориф”, “Дар бораи масъулияти падару модар дар таълиму тарбияи фарзанд”, “Дар бораи забони давлатии Ҷумҳурии Тоҷикистон” омодагии омӯзгорони муассисаҳои таълимии миёнаи умумии шаҳр барои гузаронидани машғулиятҳои дарсӣ, давомоти хонандагон, ҳолати китобҳои дарсӣ ва рӯзномаю дафтарҳои кории хонандагон дар муассисаҳои таҳсилоти ҳамагонии №6, 9, №10 22, 23 ва 30 –юми шаҳр навор пахш карда шуд. Дар навори номбурда вазъи макотиби номбурда мавриди таҳлил ва баррасӣ қарор дода шуд.

Муфассал... Шарҳ додан

Ба оши палав нитрити натрий омехта гардидааст

(1 овоз, миёна 5.00 аз 5)

02 Январ 2018

Тавре, ки расонаҳои хабарӣ иттилоъ доданд, 4 нафар аз сокинони шаҳри Хуҷанд бинобар заҳролудшавӣ аз оши палави истеъмолнамудаашон фавтиданд, вале мутаасифона ашхоси ноогоҳ аз воқеияти ҳол, сабаби марги эшонро ба ҳар васила шарҳ медиҳанд.
Дар асл тибқи иттилоъи мақомоти марбута шаҳрвандон Абдуҷаббор Норматов, Бахтиёр Мирбобоев, Маъруф Алиев, Носир Тоҳиров, Комил Баҳриддинов, Равшан Мӯъминов, Ҳотам Раҷабов ва Комил Зокиров дар назди бинои 5, микроноҳияи 19-и шаҳри Хуҷанд тақрибан соатҳо 12-и 30-юми декабри соли 2017 оши палави ҳарифона ташкил намуда, онро якҷоя истеъмол менамоянд. Ҳамзамон аз оши палави номбаршуда ба ҳамсари Абуҷаббор Норматов-Муборакхон Норматова низ равон менамоянд, ки охирон аз он таъом истеъмол менамояд.

Муфассал... Шарҳ додан