АсосӣБойгонӣ

Навгонӣ

Беш аз 3 ҳазор нафар сайёҳони хориҷӣ аз Маҷмааи фарҳангию таърихии «Қалъаи Хуҷанд» дидан намуданд

(1 овоз, миёна 1.00 аз 5)

11 Январ 2018

Соли 2017 аз Маҷмааи фарҳангию таърихии «Қалъаи Хуҷанд», ки аз «Осорхонаи таърихии вилояти Суғд», «Осорхонаи бостоншиносӣ ва истеҳкомоти шаҳри Хуҷанд ба номи академик Нӯъмон Неъматов» ва «Хона-музейи Камоли Хуҷандӣ» иборат аст, 58 ҳазору 204 нафар шаҳрвандону сайёҳон дидан намуданд. Аз ин шумора 2053 нафарашон сайёҳон аз хориҷи дур ва 1198 нафар аз Иттиҳоди давлатҳои мустақил (ИДМ) мебошанд.
Тавре ба мо аз маъмурияти Муассисаи давлатии Маҷмааи фарҳангию таърихии «Қалъаи Хуҷанд» иттилоъ доданд, роҳбарият ва кормандони муассиса баҳри дар Соли рушди сайёҳӣ ва ҳунарҳои мардумӣ бештар ҷалб намудани сайёҳони хориҷӣ тадбирҳои зарурӣ андешида, аз имкониятҳои мавҷуда мақсаднок истифода мебаранд.

Муфассал... Шарҳ додан

Мулоқот бо Сарвазири Ҷумҳурии Ӯзбекистон Абдулло Орипов

10 Январ 2018

Имрӯз дар Бӯстонсарои Ҳукуматӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Сарвазири Ҷумҳурии Ӯзбекистон Абдулло Ориповро, ки бо сафари корӣ ба Тоҷикистон ташриф овардаст, ба ҳузур пазируфтанд.

Ҷонибҳо дар ҷараёни мулоқоти судманду созанда изҳори умедворӣ намуданд, ки ҷаласаҳои комиссияҳои байниҳукуматии Ҷумҳурии Тоҷикистон ва Ҷумҳурии Ӯзбекистон оид ба ҳамкориҳои иқтисодию тиҷоратӣ ва оид ба масъалаҳои марзи давлатӣ дар пойтахти Тоҷикистон шаҳри Душанбе дар сатҳи баланд баргузор шуда, натиҷаҳои кори онҳо омили муҳими таҳкимбахшандаи муносибатҳои дӯстонаю самимии ду ҳамсоядавлат мегарданд.

Муфассал... Шарҳ додан

Паём: Нақши Тоҷикистон дар фазои сиёсати ҷаҳонӣ хеле муассир мебошад

10 Январ 2018

Дар Муассисаи давлатии «Кохи Суғдиён»-и шаҳри Хуҷанд ҷиҳати шарҳи возеҳи Паёми Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон ба Маҷлиси Олӣ мулоқоти вакили Маҷлиси намояндагони Маҷлиси Олии Ҷумҳурии Тоҷикистон Гулбаҳор Назирӣ бо кормандони сохторҳои гуногуни шаҳр баргузор гардид.
Раиси шаҳри Хуҷанд Маъруф Муҳаммадзода нишастро оғоз намуда, таъкид сохт, ки «Паёми Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмон, ки дар остонаи фурсатҳои ҳузури соли нави милодӣ ба Маҷлиси Олии Ҷумҳурии Тоҷикистон манзур гардид, муҳимтарин самтҳои сиёсати дохилӣ ва хориҷии мамлакат, ҳадафҳои аслии фаъолияти ҷомеаи Тоҷикистонро барои боз як соли дигар муқаррар намуд.

Муфассал... Шарҳ додан

Хуҷанд: Ба буҷет 342,5 млн. сомонӣ ворид шуд

10 Январ 2018

Дар давоми соли 2017 нақшаи қисми даромади буҷети давлатии шаҳри Хуҷанд (бе назардошти андози иҷтимоӣ) ба андозаи 102,0 фоиз таъмин гардида, ба буҷет 342,5 млн. сомонӣ ворид шуд, ки нисбат ба нақшаи тасдиқгардида (335,8 млн. сомонӣ) 6,7 млн. сомонӣ ва нисбат ба ҳамин давраи соли 2016 ба маблағи 32,3 млн. сомонӣ зиёд мебошад.
Бояд қайд намуд, ки дар ин давра ба буҷети маҳаллии шаҳр ба ҷои 134,5 млн. сомонии пешбинигардида 136,7 млн. сомонӣ ворид гардид, ки ин аз нақша 2,2 млн. сомонӣ ё 1,6 фоиз зиёд ва дар муқоиса ба ҳамин давраи соли 2016 ба маблағи 16,1 млн. сомонӣ афзудааст. Аз тарафи мақомоти дахлдори шаҳр доир ба масъалаҳои мақсаднок ва самаранок истифода бурдани маблағҳои буҷетӣ чораҳои амалӣ андешида шуда, нақшаи қисми хароҷоти буҷети маҳаллӣ бо тағйироташ дар ин давра 152,1 млн. сомонӣ буда, иҷроиш 146,0 млн. сомониро ташкил намудааст.

Муфассал... Шарҳ додан

Натиҷагирӣ аз фаъолият дар соли 2017

(2 овоз, миёна 3.00 аз 5)

09 Январ 2018

Дар толори Маркази фарҳанги шаҳри Хуҷанд доир ба натиҷаҳои рушди иқтисодиву иҷтимоии шаҳр дар соли 2017 бо иштироки муовини Раиси вилояти Суғд Назира Ғаффорӣ маҷлиси фаъолон баргузор гардид.
Раиси шаҳри Хуҷанд Маъруф Муҳаммадзода ҷаласаро ифтитоҳ намуда, ҳозиринро бо рӯзномаи он ошно намуд.
Раъно Ҳошимзода, муовини Раиси шаҳри Хуҷанд доир ба бурду бохти соҳаҳои мухталифи хоҷагии халқи шаҳр иттилоъ дода, аз ҷумла афзуд, ки «Дар давоми соли 2017 нақшаи қисми даромади буҷети давлатии шаҳр (бе назардошти андози иҷтимоӣ) ба андозаи 102,0 фоиз таъмин гардида, ба буҷет 342,5 млн. сомонӣ ворид шуд, ки нисбат ба нақшаи тасдиқ гардида (335,8 млн. сомонӣ) 6,7 млн. сомонӣ ва нисбат ба ҳамин давраи соли 2016 ба маблағи 32,3 млн. сомонӣ зиёд мебошад.

Муфассал... Шарҳ додан