АсосӣАрхив

Навгонӣ

Таҷлил: Оилаҳои саодатманд

(2 голоса, среднее 5.00 из 5)

15 Май 2013

Недоступен ни однин перевод.

Дар Хонаи ақди никоҳи шаҳри Хуҷанд ба ифтихори Рӯзи байналхалқии оила чорабинии идона бо номи «Оила - шаҳсутуни зиндагӣ» баргузор гардид. Нахуст сарвари Хонаи ақди никоҳ Хуршеда Хоҷаева иштирокчиёни маҳфилро бо ин санаи фархунда муборакбод гуфта, ду оилаи намунавӣ ва обрӯманди шаҳрро муаррифӣ кард.

Сипас, корманди Китобхонаи вилоятии ба номи Т.Асирӣ Ирода Игамова доир ба таърихи пайдоиши ҷашнгирии Рӯзи оила маълумот дод.

Меҳмонони мӯътабар оилахои Шарифовҳо ва Абдуҳамидовҳо аз лаҳзаҳои ҷолиби ҳамзистии 50-сола ва 40 солаи хеш нақлҳои ҷолиб карданд. Байни иштирокчиён доир ба сирри пойдории оила, оқибати нохуши никоҳи хешутаборӣ, эҳтироми хусуру хушдоман, ҳамсарон саволу ҷавоб доир гашт.

Читать полностью

Табрики Раиси шаҳри Хуҷанд ба муносибати Рӯзи байналхалқии оила

(2 голоса, среднее 5.00 из 5)

14 Май 2013

Недоступен ни однин перевод.

Ҳамдиёрони арҷманд!

Фарорасии Рӯзи байналхалқии оиларо аз номи Мақомоти иҷроияи ҳокимияти давлатии шаҳри Хуҷанд ба якояки Шумо таҳният хонда, хоҳони оромиву ободии сарзамини соҳибихтиёр, осудагии рӯзгори шаҳрвандон ва устувории бинои оила ҳастем.

Дар Конститутсияи (Сарқонуни) Ҷумҳурии Тоҷикистон қайд гардидааст, ки «Давлат оиларо ҳамчун асоси ҷамъият ҳимоя ва пуштибонӣ мекунад».

Ҷаноби Олӣ, Президенти кишвар, мӯҳтарам Эмомалӣ Раҳмон борҳо зикр намудаанд: «Солимии ҷомеаро аз тарбияи насли солим бояд донист, ки асоси онро оила мегузорад».

Қабули Барномаҳои давлатӣ оид ба паҳлӯҳои мухталифи ҳаёти ҷомеа, бахусус, оила шаҳодати ғамхории рӯзафзуни давлат ва ҳукумат нисбат ба аҳли ҷамъият маҳсуб мешавад. Мақомоти иҷроияи ҳокимияти давлатии шаҳр иҷрои саривақтии ин барномаҳоро дар мадди назар гузоштааст.

Читать полностью

Маҳфили хотирмон: Дурдонаҳои панду ибрат

(1 голос, среднее 5.00 из 5)

13 Май 2013

Недоступен ни однин перевод.

Таҳти чунин унвон дар Театри давлатии мусиқии тамошобини ҷавон ба номи Одилҷон Назаров маҳфили адабӣ баргузор гардид, ки хеле музайян ва хотирмон буд.

Маҳфил ба ёдбуд ва муаррифии китоби «Панду ибрат»-и олим ва адиби номвар, устод Муродии Хуҷандӣ бахшида шуд. Дар он муҳиббону муридон, шогирдону пайвандони равоншод иштирок намуданд.

Сараввал аз ҳаёту фаъолияти устод Муродии Хуҷандӣ филме бо номи «Симо» манзур ба тамошои ҷамъомадагон гардид, ки дар он бузургони илму адаб, аз қабили Аҳмадҷони Раҳматзод, Матлубахон Хоҷаева ва Ҳоҷӣ Ҳусайн Мӯсозода андешаҳои хешро оид ба фазилату хислатҳои наҷиби инсондӯстонаи марҳум баён намуданд.

Читать полностью

Таҷлил: Устоди покдоману покниҳод

(1 голос, среднее 5.00 из 5)

12 Май 2013

Недоступен ни однин перевод.

Дар толори бинои асосии Донишгоҳи давлатии Хуҷанд ба номи академик Б.Fафуров конференсияи илмию амалӣ ба ифтихори солгарди 70-умини мавлуди Аълочии маорифи Ҷумҳурии Тоҷикистон, устоди кафедраи адабиёти муосири тоҷик, дотсент Мавлудахон Файзуллоева баргузор гардид.

Дар он ҳамкорону ҳамкасбон, шогирдону пайвандони соҳибҷашн ҳузур доштанд.

Ректори ДДХ ба номи академик Б.Fафуров дотсент Fафурҷон Усмонов зимни сухани ифтитоҳӣ қайд кард, ки М.Файзуллоева модари маънавии тамоми устодону шогирдони ин махзани бузурги илму маърифат маҳсуб мешавад.

Мудири шӯъбаи кор бо занон ва оилаи Мақомоти иҷроияи ҳокимияти давлатии вилоят Раъно Бобоҷонова номаи муборакбодии Раиси вилояти Суғд Қоҳир Расулзодаро ба самъи соҳибҷашн ва аҳли нишаст расонд.

Читать полностью

Варзиш: Эҳёи намуди дучархаронӣ

(1 голос, среднее 5.00 из 5)

11 Май 2013

Недоступен ни однин перевод.

Солҳои Иттиҳоди Шӯравӣ намуди варзиши дучархаронӣ хеле рушд карда, теъдоди зиёди дӯстдоронро ба ҳам оварда, дар майдон ё худ варзишгоҳи махсус – велотрек (назираш дар Осиёи Марказӣ вуҷуд надошт) мусобиқаҳои ҷумҳуриявӣ ва байналмилалӣ гузаронида мешуданд.

Бо ҳадафи дубора эҳё намудани ин намуди варзиш дар базаи дучархаронии Мактаби маҳорати олии варзишии вилояти Суғд мусобиқаи кушоди шаҳри Хуҷанд барои дарёфти мукофоти Раиси шаҳри Хуҷанд ба ифтихори 68-солагии Рӯзи Fалаба дар ҶБВ-и солҳои 1941-1945 ва таҷлили Рӯзи ҷавонони Тоҷикистон баргузор гардид.

Ҳадафи дигари мусобиқа ҷалб кардани ҷавонон ва наврасон ба ин намуди варзиш, муайян намудани дастаи мунтахаби вилояти Суғд, тарғиби тарзи ҳаёти солим байни шаҳрвандон ва бо ин роҳ рушди тарбияи ҷисмонӣ ва варзиш буд.

Читать полностью