Мулоқот дар маҳаллаи «Чорчароғ»

13 Декабрь 2013

Дар мактаби таҳсилоти миёнаи умумии №20-уми шаҳр ба номи Нависандаи халқии Тоҷикистон Раҳим Ҷалил вохурии сокинони ин маҳал бо Раиси шаҳри Хуҷанд Раҷаббой Каримов баргузор гардид.

-Мо дар асоси дастуру супоришҳои Президенти Тоҷикистон, Ҷаноби Олӣ Эмомалӣ Раҳмон ва ҳидояти иҷрокунандаи вазифаи Раиси вилоят Абдураҳмон Қодирӣ вохӯриро бо сокинони маҳаллаҳо идома медиҳем ва ин сеюмин вохӯрии мо дар семоҳаи чоруми соли 2013-ум аст,-таъкид кард Раиси шаҳр,- мақсад аз мулоқот бо мардум, шинос шудан бо самараи созандагию бунёдкории аҳли маҳалла ва мушкилоти онҳо, вусъат бахшидан ба ободкорӣ, пешгирии ҷинояткорӣ, дарёфти роҳи ҳалли проблемаҳои рӯзу рӯзгор мебошад.

Раиси шаҳр дар иди касбии кормандони прокуратура

13 Декабрь 2013

Аз таъсисёбии макомоти Прокуратураи Ҷумҳурии Тоҷикистон 89 сол сипарӣ шуд. Прокуратураи шаҳри Хуҷанд бошад соли 1925 таъсис ёфтааст. Дар давраи ҷамъбастии 11 моҳи соли равон аз тарафи кормандони Прокуратураи шаҳри Хуҷанд дар самти назорати умумӣ 75 санҷиш гузаронида аз натиҷаи он 176 амр, 105 эътироз, 68 пешниҳод қабул гардид, ки дар асоси он 80 нафар ба ҷавобгарии интизомӣ, 17 нафар ба ҷавобгарии моддӣ ва 534 нафар ба ҷавобгарии маъмурӣ кашида шуданд. Бахшида ба иди касбӣ дар Прокуратураи шаҳри Хуҷанд, чамъомади идона баргузор гардид. Дар он Раиси шаҳри Хуҷанд Раҷаббой Каримов ширкат намуд.

Дар оғоз Прокурори шаҳри Хуҷанд Курбоналӣ Мирзоев табрикоти Прокурори генералии Ҷумҳурии Тоҷикистон ва Прокурори вилояти Суғдро ба самъи ҳозирин расонид.