Навгонӣ
03 Январь 2014
Недоступен ни однин перевод.
Тибқи дастури Президенти Ҷумҳурии Тоҷикистон Эмомалӣ Раҳмон дар бораи ободу зебо гардондани маҳалли зист ва шаҳру ноҳияҳои кишвар, соли 2014 дар шаҳри Хуҷанд «Соли ободкорӣ ва гулкорӣ» эълон шудааст. Бо мақсади ифтитоҳ бахшидан ба корҳои ободкорӣ ва гулкорӣ дар соли нави фарорасида, Раиси шаҳри Хуҷанд Раҷаббой Каримов, имруз дар гулгашти маҷмааи фаввораҳои пайкараи Исмоили Сомонӣ буттаҳои гули «Бресклет» шинонд. Дар мавзеи мазкур, ки ҷойи асосии истироҳату сайругашти сокинону меҳмонони шаҳри Хуҷанд аст, 40 дона буттаҳои гули номбурда шинонда мешаванд. Баъдан Раиси шаҳри Хуҷанд ба шоҳроҳи даромадгоҳи шаҳри Хуҷанд, ки маркази вилоятро бо хоҷагии ҷамоавии ба номи С. Урунхӯҷаеви ноҳияи Б. Ғафуров мепайвандад, омада ба корҳои гулкорӣ оғоз бахшид. Читать полностью
Чун ҳамасола дар назди арчаи асосии Хуҷанд, дар майдони ба номи Камоли Хуҷандӣ, рӯзи охирони соли рафтаистода, сокинону меҳмонони зиёди маркази вилоятро ҷамъ намуд. Бо ибтикори Мақомоти иҷроияити давлатии шаҳри Хуҷанд, консерт-намоиши адабӣ-мусиқии калони солинавӣ баргузор гашт. Раиси шаҳри Хуҷанд Раҷаббой Каримов барои табрикоти солинавии ҳозирон ва сокинони шаҳри Хуҷанд, ба чорабинии мазкур ташриф овард.
Дируз бо иштироки Раиси шаҳр Раҷаббой Каримов сохтмони бинои нави мактаб дар маҳаллаи 28-ум оғоз гардид. Ин мактаб барои 640 нафар пешбинӣ шуда, бо тамоми шароиташ то охири соли 2014 мавриди истифода қарор дода хохад шуд.
Имруз дар қисми низомии «3501»-и маркази вилоят ба истиқболи соли нави мелодӣ чорабинии идона баргузор гардид. Барои табрикоти афсарону сарбозони ин қисми низомӣ Раиси шаҳри Хуҷанд Раҷаббой Каримов ва сардори Раёсати Вазорати корҳои дохилӣ дар вилояти Суғд Шариф Назаров ташриф оварданд.
Чорабиниҳои солинавӣ дар шаҳри Хуҷанд идома дорад. Раиси шаҳри Хуҷанд Раҷаббой Каримов ва муовини Раиси вилояти Суғд Раъно Бобоҷонова дар чорабиниии солинавии кудакону наврасони ятиммонда ва аз оилаи ниёзманд ширкат доштанд. Дар оғоз Раҷаббой Каримов ҳамаи ҳозиронро бо соли нави мелодӣ табрик намуда, изҳори умедворӣ намуд,ки бо донишу рафтори намуна байни ҳамсолони худ онҳо ҳамеша пешсаф хоҳанд буд. Зеро ташкилоту муассисаҳои шаҳру вилоят талоши онро доранд,ки барои таълиму тарбияи онҳо тамоми шароитҳо муҳайё бошад.
