АсосӣАрхив

Навгонӣ

Хуҷанд «Гулдухтари суғдӣ»-и худро муайян намуд

11 Май 2017

Недоступен ни однин перевод.

Дар доираи нақша чорабиниҳои Мақомоти иҷроияи ҳокимияти давлатии шаҳри Хуҷанд дар тарабхонаи «Суғдиён»- маркази вилоят фестивал озмуни шаҳрии «Гулдухтари суғдӣ» баргузор гардид. Муовини Раиси вилояти Суғд Назира Ғаффорӣ ва Раиси шаҳри Хуҷанд Маъруф Муҳаммадзода тамоми иштирокдорони ин озмуни ҳунару зебоиро бо Рӯзи оила самимона табрик гуфта ба иштирокдорони ин озмун барору комёбӣ хостанд. Иштикдорони фестивал озмун аз 7 нафар иборат буда онҳо барои ҳозирон ва ҳайати ҳакамон аз рӯи панҷ шарт,- муаррифӣ ба воситаи намоиш додани саҳнача ё ҳунар; саволу ҷавоб (баромадан аз ҳолати ногувор ва санҷиши дониши сиёсӣ), омода намудани на кам аз 5 намуди хӯроки қадимаи миллӣ, хуриш, ширинӣ, ороиши дастурхон, муаррифии он ва буридани угро дар мӯҳлати муқарраршуда, намоиши маҳорати сурудхонӣ, рақс кардан ё навохтан ва намоиши либоси расмӣ ё идона ҳунари истеъдод ва дониши худро нишон доданд.

Читать полностью

Табрикоти Раиси шаҳр бахшида ба рӯзи Оила

11 Май 2017

Недоступен ни однин перевод.

Табрикоти Раиси шаҳр бахшида ба рӯзи Оила Ҳамшаҳриёни азиз!
Рӯзи байналхалқии оиларо барои ҳар яки Шумо ва тамоми сокинони диёрамон аз номи мақомоти иҷроияи ҳокимияти давлатии шаҳри Хуҷанд муборакбод намуда, хоҳони рӯзгори ободу осуда ва устувории бинои оила ҳастем.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон дар суханрониҳояшон ба масъалаҳои маърифати оиладорӣ, баланд бардоштани масъулияти падару модар дар таълиму тарбияи фарзанд, омода кардани фарзандон ба ҳаёти мустақилона ва пойдории оила таваҷҷӯҳи махсус зоҳир менамоянд.
Ҳукумати кишвар ба занону бонувон эҳтироми хоса зоҳир менамояд ва дар якчанд барномаи давлатӣ, стратегия ва консепсияҳо дурнамои фаъолияти занон ва нақши онҳоро дар мақоми роҳбарӣ, таҳкими давлатдорӣ, солимии ҷомеа ва пойдориву устувории оила таъкид намудааст.

Читать полностью

Табрикоти Раиси шаҳр бахшида ба рӯзи Шашмақом

11 Май 2017

Недоступен ни однин перевод.

Табрикоти Раиси шаҳр бахшида ба рӯзи Шашмақом Ҳамшаҳриёни арҷманд!
Ҳар кишварро бо фарҳанги қадиму пешрафтааш мешиносанду баҳо медиҳанд. Боиси ифтихор аст, ки дар партави сиёсати оқилонаи Асосгузори сулҳу ваҳдати миллӣ - Пешвои миллат, мӯҳтарам Эмомалӣ Раҳмон соҳаи фарҳанги кишвар пайваста рушд ёфта, тамоюл ба арзишҳои милливу фарҳангӣ, анъанаву ҳунарҳои мардумӣ, санъату мусиқӣ, эҷодиёти бадеии халқ, ки аз қаъри қарнҳо сарчашма мегирад, торафт бештар мегардад.
Халқи тоҷик бо санъати бойи мусиқии «Шашмақом» машҳури ҷаҳон гардидааст.
Шашмақом дурдонаи фарҳанги мусиқии классикии халқи тоҷик, намунаи баландтарини ангезаи мусиқии миллии тоҷикон мебошад. Аз ин рӯ, дар ҳаёти фарҳангии Тоҷикистони соҳибистиқлол Шашмақом ҷойгоҳи шоистаро доро мебошад.

Читать полностью

Кӯчаи калонтарни маҳаллаи «Сайҳун» таъмир мегардад

11 Май 2017

Недоступен ни однин перевод.

Яке аз кӯчаҳои калонтарини маҳаллаи «Сайҳун» кӯчаи ба номи Ф. Энгельс аз таъмири пурра бароварда шуд.
Аз оғози моҳи равон кормандони Идораи роҳсозии шаҳр кӯчам мазкурро, ки бештар аз 200 метр масофа дорад барои мумфаршкунии пурра омода намуда, давоми давоми се рӯз мешавад, ки ба корҳои мумфаршкунӣ идома медиҳанд. Дар кӯчаи мазкур 8 кормандиидораи роҳсозӣ бо 5 техникаҳои боркашонию ҳамворкунӣ ба корҳои таъмиру азнавсозӣ машғул буда анҷоми корҳо дар интиҳои ҳафта пешбинӣ гаштааст. Лозим ба ёдоварист, ки масоҳати умумии корҳои мумфаршкунӣ бештар аз 2 ҳазор метрии квадратиро ташкил медиҳад.

Фестивал – озмуни шаҳрии «Хурӯши ҷавонӣ» идома дорад

11 Май 2017

Недоступен ни однин перевод.

Тибқи нақшаи чорабинии бахши ҷавонон варзиш, ва сайёҳӣ якчоя бо бахши фарҳанги мақомоти иҷроияи ҳокимияти давлатии шаҳри Хуҷанд бо мақсади ташвиқу тарғиб ва рушду инкишофи бозии футболи хурд байни донишҷӯён, ташвиқу тарғиби тарзи ҳаёти солим ва пайдо намудани варзишгарони болаёқат ба дастаи мунтахаби донишгоҳҳо, аз санаи 2 то санаи 10 майи соли равон дар майдончаи сунъии Муассисаи давлатии «Мактаби варзишии №1»-и шаҳри Хуҷанд мусобиқаи шаҳрӣ оид ба футболи хурд байни донишгоҳҳои олӣ ва коллеҷҳои шаҳри Хуҷанд дар доираи Фестивал – озмуни шаҳрии «Хурӯши ҷавонӣ» бахшида ба соли 2017 «Соли ҷавонон» ва 20 – солагии «Рӯзи Ваҳдати миллӣ» баргузор гардид.