АсосӣАрхив

Навгонӣ

Раиси шаҳри Хуҷанд муаррифӣ гардид.

(1 голос, среднее 5.00 из 5)

03 Апрель 2017

Недоступен ни однин перевод.

Рӯзи шанбеи 1 апрел бо иштироки Раиси вилояти Суғд Абдураҳмон Қодирӣ ва мушовири бахши Ёрдамчии Президенти Ҷумҳурии Тоҷикистон оид ба масъалаи кадрҳо Алишер Шарифов муаррифии раиси шаҳри Хуҷанд баргузор гардид.
Бо Фармони Президенти Ҷумҳурии Тоҷикистон аз 31 марти соли 2017 бо сабаби ба кори дигар гузаштан раиси шаҳри Хуҷанд Шарифзода Шариф Файз аз вазифа озод карда шуданд.
Дар толори хурди мақомоти иҷроияи ҳокимияти давлатии вилоят бо иштироки фаъолони шаҳри Хуҷанд раиси нави шаҳри Хуҷанд низ муаррифӣ гардид. Абдураҳмон Қодирӣ барои хизматҳояш ба Шарифзода Шариф Файз изҳори сипос намуда, ба раиси нави шаҳр Маъруф Муҳаммадзода ҷиҳати рушди соҳаҳои гуногуни хоҷагии халқ дастуру супоришҳои мушаххас дод.

Ободии диёр аз хонаву дари худ оғоз меёбад

(1 голос, среднее 5.00 из 5)

31 Март 2017

Недоступен ни однин перевод.

Дар доираи эълон шудани соли 2017- Соли ҷавонон дар Донишкадаи политехникии Донишгоҳи техникии Тоҷикистон чорабиниҳои мухталифи фарҳангиву варзишӣ доир гардида истодаанд.
Наздики як моҳ байни бошандагони хобгоҳи донишкада озмуни «Ҳуҷраи беҳтарин» ва «Ошёнаи беҳтарин» ҷараён гирифта, дар он ҳамаи донишҷӯёни дар хобгоҳ иқоматдошта фаъолона ширкат варзиданд.
Рӯзи гузашта озмуни мазкур ҷамъбаст гардид.
Директори донишкада Саидӣ Дилафрӯз Раббизода зарурияти баргузории чунин озмунро дар соли барои ҷавонон муҳим қайд намуда, таъкид дошт, ки дӯст доштани Ватан аз хонаву дари худ оғоз меёбад. Бояд ҳар як насли худогоҳу хештаншинос барои ободии макони зист, ҷое, ки он ҷо таълим мегираду ба камол мерасад, кӯшиш варзад. Сарвари донишкада иқдоми пешгирифтаро қадаме ба пеш ба сӯи омодасозии ҷавонон ба ҳаёти мустақилона номид.

Читать полностью

Таваҷҷӯҳ ба рушди футбол дар ДПДТТ

30 Март 2017

Недоступен ни однин перевод.

Бо мақсади дар амал татбиқ намудани дастуру ҳидоятҳои Асосгузори сулҳу ваҳдати миллӣ- Пешвои миллат мӯҳтарам Эмомалӣ Раҳмон ҷиҳати оммавӣ гардонидани соҳаи варзиш рӯзи гузашта бо иштироки шумораи зиёди устодону донишҷӯёни Донишкадаи политехникии Донишгоҳи техникии Тоҷикистон майдончаи футболи назди хобгоҳ ба истифода дода шуд.
Дар расми ифтитоҳи майдончаи варзишӣ директори донишкада Саидӣ Дилафрӯз Раббизода суханронӣ намуда, таъкид дошт, ки варзиш - гарави саломатӣ ва саломатии миллат шарти муҳимтарини бақои имрӯзу фардои давлат мебошад. Бояд гуфт, ки ҳар чӣ қадар мо ба рушди соҳаи варзиш шароит фароҳам оварем, ҳамон қадар насли ҷавонро аз амалҳои номатлуб, ба монанди нашъамандиву нашъаҷаллобӣ, аъзо шудан ба гурӯҳҳои экстремистию ифротгаро ва ғайра наҷот мебахшем.

Читать полностью

Фараҳноз Олимова – ғолиби олимпиадаи ҷумҳуриявӣ

29 Март 2017

Недоступен ни однин перевод.

Дар пойтахти кишвари азизамон-шаҳри Душанбе бахшида ба ҷашни Наврӯзи байналмилал олимпиадаи фанни таърихи халқи тоҷик баргузор гардид. Дар Маркази дарёфти рушди истеъдодҳои ҷумҳурӣ 30 нафар беҳтарин толибилмони кишвар донишу истеъдоди худро дар ҳузури ҳакамон намоиш доданд.
Аз вилояти Суғд панҷ нафар хонандагони болаёқат, аз ҷумла аз шаҳри Хуҷанд хонандаи синфи 10, аз литсейи физикию математикии ба номи М. Осимӣ Фараҳноз Олимова дар олимпиадаи мазкур ширкат варзида, сазовори мақоми дуввум гардид. Ба ғолибон дар вазъияти тантанавӣ ифтихорнома ва туҳфаҳои хотиравӣ тақдим карда шуд.

Санъаткорони ҷавони Хуҷанд соҳиби ҷойи ифтихорӣ гаштанд

(2 голоса, среднее 5.00 из 5)

29 Март 2017

Недоступен ни однин перевод.

Дар интиҳои моҳи марти соли равон дар шаҳри Тошканди Ҷумҳурии Ӯзбекистон озмуни байналмиллалии ансамбл ва оркестрҳои бисёровоза бо номи “Наврӯз садолари” баргузор гардид.
Дар озмун ансамбли созҳои миллӣ, ки иборат аз муҳасслини мактаби санъати баноми Л. Шералии шаҳри Хуҷанд иборат буд ширкат намуданд.
Хонанадагон давоми як моҳ бо роҳбарии омӯзгори ҷавон Дилшод Ҳамроқулов мувофиқи талаботи низомномаи озмун омодагӣ гирифта нд. Ҳайати ансамбл аз омӯзгорон Замира Ҷӯраева чун роҳбари ансамб, Дилшод Ҳамроқулов бо дутор-бас ва шогирдони онҳо Муҳаммадҷон Иброҳимов бо сози дойра, Муҳаммадзоҳир Муҳаммадҷонов бо сози най ва Исмоилҷон Азизов Исмоилҷон бо сози дутор иборат буданд.