25 Апрель 2025
Недоступен ни однин перевод.
Раиси шаҳри Хуҷанд Фирдавс Шарифзода аз фаъолияти КДК «Кабудизоркунӣ ва гулпарварӣ»-и шаҳри Хуҷанд боздид намуд.
Тавре, ки иттилоъ дода шуд, дар гармхонаҳои муассиса парвариши зиёда аз 400 ҳазор адад гули навъи марҷонгул, тоҷи хурӯс, пагетес ва петуния парвариш ёфта истодаанд. Ҳамчунин дар майдонҳои муассиса 50 ҳазор бех садбарг кӯчат карда шудааст. 13 ҳазор бех кӯчати нави ниҳолҳои ҳамешасабз дар авҷи сабзиш қарор дошт, 500 бех ниҳоли ҳамешасабз барои шинонидан дар кӯчаву хиёбонҳои шаҳр омода карда гардидааст.
Фирдавс Шарифзода таваҷҷуҳи роҳбарияти КДК «Кабудизоркунӣ ва гулпарварӣ»-и шаҳри Хуҷандро баҳри самаранок истифода бурдани ҳар як ваҷаби замини муассиса, ки беш аз 8 гектарро ташкил медиҳад, ҷалб намуда, дастур дод, ки дар самти кишти гулу ниҳолҳои ҳамешасабз тадбирҳои тозаву дучанд ва кишту кӯчати навъҳои гулҳои дарозумр бештар карда шавад
Шаҳрдор ба сохторҳои Сарраёсати ободонӣ, хоҷагию манзилӣ ва коммуналӣ супориш дод, ки ҷиҳати бакорандозии гармхонаҳои боқимондаи муассисаи кабудизоркунӣ мусоидати фаъол зоҳир намоянд.
Таъкид гардид, ки ба таъмиру ороиши биноҳои иҳотавии муассиса, буриши санитарии дарахтон ва нигоҳубини доимии ниҳолҳои шинонидашуда таваҷҷуҳи доимӣ дода шавад.
Масъулини «Кабудизоркунӣ ва гулпарварӣ»-и шаҳри Хуҷанд муваззаф гардиданд, ки ҷиҳати иҷрои супоришҳои гузошташуда аз тамоми имконоту василаҳо истифода намуда, дар хурраму кабудизоркунии шаҳри бостонии Хуҷанд ҳиссагузорӣ хоҳанд кард.
Дафтари матбуоти
Раиси шаҳри Хуҷанд
