20 Апрель 2025
Недоступен ни однин перевод.
Имрӯз, 20-уми апрел кӯчаи Камоли Хуҷандӣ №138 (рӯ ба рӯи гимназияи №4) фурӯшгоҳи онлайнии “Wildberries” дар шаҳри Хуҷанд расман ба кор оғоз кард.
Дар маросими ифтитоҳи фурӯшгоҳи онлайнии “Wildberries” Бахтиёр Боқизода, муовини Раиси шаҳри Хуҷанд иштирок намуда, аз ҷумла афзуд, ки ифтитоҳи расмии ширкати байналмилалии “Wildberries” дар шаҳри Хуҷанд баёнгари сатҳи нави ҳамкорӣ бо бахши хусусӣ, рушди иқтисоди рақамӣ ва муаррифии Тоҷикистон дар фазои рақобатпазири ҷаҳонӣ мебошад.
Таъкид шуд, ки ташкили ширкати “Wildberries”, ки яке аз пешсафони бозори савдои электронӣ дар сатҳи байналмилаӣ мебошад, имрӯз бо ифтитоҳи маркази расмии худ дар шаҳри Хуҷанд ба таҳкими иқтисоди рақамӣ, баланд бардоштани саводнокии рақамии аҳолӣ ва фароҳам овардани шароити мусоид барои ҷалби сармоягузориҳо мусоидат хоҳад намуд. Таъсис ёфтани чунин марказ дар шаҳри Хуҷанд на танҳо ҷойи корӣ ва имконоти нави иқтисодиро фароҳам меорад, балки барои ҷавонони мо шароити хуби омӯзиш ва ворид шудан ба ҷаҳони зеҳни сунъиро низ таъмин месозад.
Сипас намояндаи ширкати “Wildberries” Валентин Крючков баромад намуда, иттилоъ дод, ки ширкати Wildberries ба сатҳи нав расида истодааст ва аллакай дар Тоҷикистон фурӯшро оғоз кардааст. Аз ин ба баъд шумо метавонед фармоишро дар барномаи мобилӣ ва сомонаи "Wildberries.tj" бо расонидани мустақим ба Хуҷанд фармоиш диҳед.
Wildberries танҳо як бозор нест. Ин яке аз бузургтарин ширкатҳои муосир аст, инҳо навовариҳо дар соҳаи зеҳни сунъӣ мебошанд, инҳо қавитарин иқтидори логистикӣ, инфрасохтори муосири IT, хидматрасонии босифати муштариён ва миллионҳо маҳсулот дар як равзана мебошанд. Wildberries ғамхорӣ ба мизоҷон, стандартҳои баланди хидмат ва имкониятҳои бемаҳдуди хариди онлайн аст.Ин нуқтаҳо дар кӯчаи Абулқосим Лоҳутӣ 15 ва дар кӯчаи Пӯлодӣ 43 мавҷуданд.
Сипас дар вазъияти тантанавӣ фурӯшгоҳи онлайнии “Wildberries” ифтитоҳ шуд.
Сокинони Тоҷикистон имкон доранд, ки аз 19-уми апрел тариқи сомонаи “Wildberries.tj” маҳсулот фармоиш диҳанд. Гуфта мешавад, ки дар ҳоли ҳозир муҳлати миёнаи расонидани мол 10-14 рӯз аст.
Дафтари матбуоти
Раиси шаҳри Хуҷанд
