04 Март 2025
Ҷомеаи меҳнатии Мақомоти иҷроияи ҳокимияти давлатии шаҳри Хуҷанд Раиси шаҳри Хуҷанд Фирдавс Шарифзодаро бо интихоби ҷадидашон ба сифати вакили Маҷлиси вакилони халқи вилояти Суғд ва вакили Маҷлиси вакилони халқи шаҳри Хуҷанд аз Ҳизби Халқии Демократии Тоҷикистон самимона табрику таҳният менамояд.
Ин боварии тозаи мардум ба шахсияти Шумо, нишонаи эътимод, эътироф ва қадршиносии талошу заҳматҳои шабонарӯзиву содиқонаатон дар рушди ҷомеа ва пешрафти шаҳри бостонии Хуҷанд мебошад.
Мутмаъинем, ки бо ғояҳои нави ободкорӣ, масъулиятшиносии баланд, ташаббусҳои созанда ва иродаи қавию мустаҳкам баҳри иҷрои дастуру супоришҳои Президенти мамлакат муҳтарам Эмомалӣ Раҳмон ва нишондодҳои Раиси вилояти Суғд Раҷаббой Аҳмадзода баҳри рушду пешрафти тамоми ҷабҳаҳои иқтисодию иҷтимоӣ ва беҳбудии зиндагии мардуми шаҳри бостонии Хуҷанд саҳми арзанда мегузоред.
Дар фаъолияти пурмасъулият ба Шумо тавфиқу комёбиҳои беназир, иқдому ташаббусҳои созанда ва дастовардҳои назаррасро таманно дорем.
Бигзор дар сарҷамъиву муттаҳидӣ шаҳри Хуҷанди бостонӣ бо иқдомҳои ҷолиб ва навовари Шумо боз ҳам гулафшон ва ободу мунаввар гардад.
Муборак бошад!
Дафтари матбуоти
Раиси шаҳри Хуҷанд
